Дар Канада вазирони ҳифзи муҳити зист масъалаҳои тағйирёбии иқлим, гуногунии биологӣ ва ифлосшавии муҳити зистро баррасӣ намуданд

Август 31, 2023 14:56

ДУШАНБЕ, 31.08.2023 /АМИТ «Ховар»/. Дар шаҳри Ванкувери Канада маросими ҷамъбасти Ассамблеяи 7-уми Фонди глобалии  экологӣ аз ҷониби Сарвазири Канада Ҷастин Трюдо баргузор гардид, ки дар он ҳайати Ҷумҳурии Тоҷикистон таҳти роҳбарии Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода иштирок намуд. Дар ин хусус ба  АМИТ «Ховар» дар Кумитаи ҳифзи муҳити зисти назди Ҳукумати ҷумҳурӣ  иттилоъ доданд.

Дар Ассамблеяи Фонди глобалии экологӣ дар шаҳри Ванкувери Канада вазирони ҳифзи муҳити зист аз 185 давлати ҷаҳон ҷамъ омада буданд. Дар ҷараёни Ассамблея маросими баимзорасонии оғози фаъолияти Фонди глобалии чаҳорчӯби биогуногунӣ (GBFF) баргузор гардид, ки он ба сармоягузории соҳаи ҳифзи муҳити зисти кишварҳои дар ҳоли рушд мусоидат хоҳад намуд.

Дар доираи иштирок дар Ассамблеяи 7-уми Фонди глобалии экологӣ,  Раиси Кумитаи ҳифзи муҳити зисти назди Ҳукумати Ҷумҳурии Тоҷикистон бо котиби Конвенсия оид ба гуногунии биологӣ, муовини президенти Фонди байналмилалӣ барои рушди кишоварзӣ, директори раёсати пешгирӣ ва мутобиқшавии Фонди иқлими сабз, муовини директори глобалии Созмони озуқаворӣ ва кишоварзии СММ, директори глобалӣ оид ба муҳити зист, захираҳои табиӣ ва иқтисодиёти кабуди Бонки ҷаҳонӣ вохӯрӣ намуд.

Зимни мулоқот  ҷонибҳо ба масъалаҳои тағйирёбии иқлим, гуногунии биологӣ, ифлосшавии муҳити зист ва дигар масъалаҳои  муҳим таваҷҷуҳи хосса зоҳир намуданд. Инчунин дар доираи вохӯриҳо  Баҳодур Шерализода аз ташаббусҳои ҷаҳонии Тоҷикистон дар пешбурд ва ҳалли масъалаҳои обу иқлим дар сатҳи чаҳонӣ ёдовар шуда, изҳори умедвории худро вобаста ба дастгирии амалишавии онҳо аз ҷониби фондҳои экологӣ ва шарикони рушд иброз намуданд.

АКС: Кумитаи ҳифзи муҳити зисти назди Ҳукумати Ҷумҳурии Тоҷикистон

Август 31, 2023 14:56

Хабарҳои дигари ин бахш

Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст