Дар ноҳияи Дӯстӣ чиниши пахта оғоз гардид

Август 16, 2023 11:30

ДУШАНБЕ, 16.08.2023. /АМИТ «Ховар»/. Дар Ҷамоати деҳоти «Нури Вахш»-и ноҳияи Дӯстӣ Раиси вилояти Хатлон Давлаталӣ Саид дар ҶСП «Ҷунтай-Хатлон Син Силу» ҳамроҳ бо масъулини соҳаи кишоварзӣ ба чиниши пахта оғоз бахшида, барои пурра ва беталаф ҷамъоварӣ намудани ҳосил ба хоҷагидорон тавсияҳои судманд дод. Дар ин хусус мухбири минтақавии АМИТ «Ховар» Сулаймон Холзода иттилоъ медиҳад.

Ба раиси вилоят иттилоъ дода шуд, ки имсол саҳмдорони ҷамъият дар масоҳати 3 ҳазору 568 гектар пахтаи навъи “Дӯстӣ” кишт намуданд, ки ба иқлим ва обу ҳавои минтақа мутобиқ аст. Ба таъкиди кишоварзон, бо риояи қоидаҳои агротехникӣ ва нигоҳубини ҳамаҷониба метавон аз он ба ҳисоби миёна 33,4-сентнерӣ ҳосил ҷамъоварӣ намуд. Ширкат то имрӯз дар 326 гектар замини пахтаро дефолятсия гузаронид, ки чунин корҳо минбаъд низ идома меёбанд.

Заҳматкашони ноҳияи Дӯстӣ имсол тибқи дурнамо нақша доранд, ки беш аз 18 ҳазор тонна ҳосил ба даст оранд, ки ба ҳар гектар аз 23,5 то 33,4-сентнерӣ рост меояд.

Иттилоъ дода шуд, ки ҳангоми кишту парвариш ва чиниши пахта дар Ҷамъияти саҳомии пӯшидаи “Ҷунтай-Хатлон Син Силу” зиёда аз 2000 ҳазор нафар сокинони маҳаллӣ бо ҷойи кор таъмин мешаванд.

Раиси вилоят ба деҳқонон  хирмани пурбор орзу намуда, ҳамзамон оид ба қабули саривақтии пахта, коркарди он ва истифодаи иқтидори истеҳсолӣ ба масъулин супоришҳои мушаххас дод.

Мавриди тазаккур аст, ки Ҷамъияти саҳомии пӯшидаи “Ҷунтай-Хатлон Син Силу” дар ноҳияи Дӯстӣ аз соли 2015 инҷониб фаъолият дошта, бо истифода аз таҷрибаи пешқадам бо обёрӣ намудани заминҳои бекорхобида дар самти парваришу истеҳсоли пахта ба дастовардҳои назаррас ноил гардидааст.

АКС: Мақомоти иҷроияи ҳокимияти давлатии вилояти Хатлон

 

Август 16, 2023 11:30

Хабарҳои дигари ин бахш

Соли 2024 дар шаҳри Кӯлоб 3 муассисаи замонавӣ ва синфхонаҳои иловагӣ сохта мешаванд
Имрӯз дар Тоҷикистон ҳавои тағйирёбанда шуда, дар баъзе ноҳияҳо туман мефарояд
ҚУРБИ АСЪОР: дар Тоҷикистон 1 доллари ИМА аз 10.9599 то 10.9800 сомонӣ муқаррар шудааст
Дар Донишгоҳи давлатии молия ва иқтисоди Тоҷикистон Озмуни ҷумҳуриявии «Беҳтарин барномасоз» ҷамъбаст шуд
Тавсияи Вазорати нақлиёти Тоҷикистон: «Бинобар хатари фаромадани тарма ва яхбандӣ ронандагон бе зарурат ба роҳ набароянд»
Бар асари барфи зиёд ва сармои сахт дар Афғонистон 9 нафар ҳалок ва ду нафар захмӣ шуданд
Дар Душанбе дар доираи татбиқи «Барномаи давлатии муқовимат ба ҷинояткорӣ дар Ҷумҳурии Тоҷикистон барои солҳои 2021-2030» ҳамоиш доир шуд
«Parimatch – Тоҷикистон» таблиғи баҳориро оғоз менамояд!
Дар Покистон бар асари боронҳои шадид 28 нафар ҳалок ва 50 нафари дигар захмӣ шуданд
12 март Иҷлосияи ҳабдаҳуми Маҷлиси вакилони халқи шаҳри Душанбе, даъвати шашум баргузор мешавад
То чӣ андоза зуд мо бе алоқа мемонем?
БОКС. Ҳайати дастаи мунтахаби Тоҷикистон дар мусобиқаи якуми ҷаҳонии интихобии олимпӣ иштирок дорад