Дар шаш моҳ ба Хадамоти иҷрои Тоҷикистон зиёда аз 5 ҳазор истеҳсолоти иҷро оид ба ситонидани маблағи алимент ворид гардид
ДУШАНБЕ, 05.08.2023 /АМИТ «Ховар»/. Давоми шашмоҳаи аввали соли равон ба Хадамоти иҷрои назди Ҳукумати Ҷумҳурии Тоҷикистон 5 612 (2022 — 5 830) истеҳсолоти иҷро оид ба ситонидани маблағи алимент ворид гардида, аз солҳои пешин дар маҷмуъ 91 780 ҳуҷҷати иҷро вобаста ба ситонидани маблағи алимент дар баррасии иҷрочиён мавриди иҷро қарор дорад, — изҳор дошт 4 август Сардори Хадамоти иҷрои назди Ҳукумати Ҷумҳурии Тоҷикистон Барно Саидвализода дар нишасти матбуотӣ.
Ба иттилои Сардори Хадамоти иҷрои назди Ҳукумати Ҷумҳурии Тоҷикистон, аз ҷониби иҷрочиён ба манфиати модару кӯдак зиёда аз 19,9 млн сомонӣ маблағи алимент ситонида шудааст. Бинобар бадқасдона саркашӣ намудани қарздорон аз пардохти маблағи алимент нисбат ба 399 (2022 — 441) нафар қарздорон тибқи талаботи моддаи 177 КҶ Ҷумҳурии Тоҷикистон бо пешниҳоди иҷрочиён аз ҷониби мақомоти прокуратура парвандаҳои ҷиноятӣ оғоз гардидаанд. Нисбат ба 392 нафар (2022 — 184) қарздорон бо пешниҳоди иҷрочиён барои сари вақт напардохтани маблағи алимент ва пинҳон кардани суроғаи ҷои зисташон аз ҷониби суд кофтуков эълон шудааст.
Дар нишасти матбуотӣ иттилоъ дода шуд, ки ба шуъбаи пешбурди феҳристи қарздорон ва махзани электронии Хадамот, ки бо мақсади ба низом даровардани қарздорӣ ва пешгирӣ аз оқибатҳои номатлуби он ташкил шудааст, ҳоло 823 нафар шахсони воқеӣ ва 33 нафар шахсони ҳуқуқӣ ворид шудаанд. Бо дастрасии моддаи 47 Қонуни Ҷумҳурии Тоҷикистон «Дар бораи истеҳсолоти иҷро» ҷиҳати баромада нарафтани қарздорон аз ҳудуди Ҷумҳурии Тоҷикистон нисбат ба 2600 нафар қарздорон маҳдудият гузошта шудааст. Амали мазкур натиҷаҳои мусбат дода, 857 нафар қарздорон (2022 – 297) сарҳадҳои мамлакатро убур намуда натавониста, маблағҳои бо ҳуҷҷатҳои иҷро таъйингардидаро ба андозаи 7,6 млн сомонӣ (2022 – 2,3 млн сомонӣ) пардохт намуданд, ки назар ба ҳамин давраи соли сипаришуда 5,2 млн сомонӣ зиёд мебошад.
Аз тарафи кормандони Хадамоти иҷро бо мақсади баланд бардоштани маърифати ҳуқуқии шаҳрвандон байни аҳолӣ ва ташкилоту корхонаҳо дар мавзуъҳои гуногуни ҳуқуқӣ ва мавзуъҳои ба истеҳсолоти иҷро алоқаманд мулоқоту суҳбатҳо гузаронида шуда, дар саҳифаҳои ВАО мақолаҳои мавзуӣ чоп шуданд.
А. САНГЗОДА
АМИТ «Ховар»
АКС: АМИТ «Ховар»
ПУРСИДЕД, ҶАВОБ МЕДИҲЕМ. Ҳангоми интиқоли маблағ ба кортҳои шахсони ношинос ба чӣ бояд диққат дод?
Дар Алмато платформаи миллии рақамии тандурустии Тоҷикистон муаррифӣ гардид
«ИСТИҚЛОЛ — ГАНҶИ МИЛЛАТ, БАҚОИ ДАВЛАТ». Бо чунин унвон дар шаҳри Хуҷанд ҳамоиши ҷумҳуриявӣ доир шуд
Оид ба дурнамои дӯстӣ ва шарикии стратегии Тоҷикистону Туркманистон конфронси байналмилалӣ доир гардид
Мавзеи Аксикони ноҳияи Ашт бо кӯли дорои лойи табиии шифобахш ва табиати нотакрор маъруф аст
Мактаб, оила ва ҷомеа — се неруе, ки бояд иттиҳоди ҳамешагӣ дошта бошанд
20 СЕНТЯБР — РӮЗИ ҶАҲОНИИ ТОЗАГӢ. Маданияти шаҳрнишиниро риоя бояд кард!
Ҷавонони Тоҷикистон дар Фестивали байналмилалии ҷавонон-2026 дар Екатеринбург иштирок намуданд
Дар Душанбе «Стратегияи ҳифзи саломатии аҳолии Ҷумҳурии Тоҷикистон барои давраи то соли 2030» баррасӣ шуд
Дар Тоҷикистон Озмуни ҷумҳуриявии «Табиби сол – 2026» ҷамъбаст гардид
Байни Агентии хизмати давлатии Тоҷикистон ва Вазорати идоракунии ҳайати Ҷумҳурии Корея Ёддошти тафоҳум ба имзо расид
16 СЕНТЯБР — РӮЗИ БАЙНАЛМИЛАЛИИ КАРДИОЛОГИЯИ ИНТЕРВЕНСИОНӢ. Табобати бемориҳои дилу раг бо истифодаи ҷарроҳиҳои муосир ва бе буриши калон ба куллӣ тағйир ёфтааст
