Дар Варзоб сарбозони қисмҳои низомӣ ба сокинон дар рафъи оқибатҳои офати табиӣ кумак расониданд

Август 30, 2023 16:01

ДУШАНБЕ, 30.08.2023. /АМИТ «Ховар»/. Кормандони Мақомоти иҷроияи ҳокимияти давлатии ноҳияи Варзоб, сарбозон аз қисмҳои низомӣ ва сокинони маҳаллӣ ҷиҳати ҳарчи зудтар бартараф намудан оқибатҳои офати табиӣ дар мавзеъҳои селзадаи ноҳия сафарбар гардиданд. Дар ин хусус ба АМИТ «Ховар» дар Мақомоти иҷроияи ҳокимияти давлатии ноҳияи Варзоб хабар доданд.

Дар ноҳия баҳри дар кутоҳтарин муҳлат бартараф намудани оқибатҳои офати табиӣ Ситоди ноҳиявӣ таъсис дода шуд, ки ба он намояндагони тамоми ташкилоту идораҳои дахлдор шомил гардиданд. Тамоми техникаи зарурӣ баҳри тоза намудани роҳу кўчаҳои селзада аз гил равона шудааст.

Корҳои бартарафсозии оқибатҳои офати табиӣ дар мавзеъҳои дигари ҳудуди ноҳия таҳти роҳбарии раиси Ситод, иҷрокунандаи вазифаи раиси ноҳияи Варзоб идома доранд.

Ёдовар мешавем, ки 27 август, тахминан соати 14:40 дар натиҷаи бориши шадид дар километри 50-уми шоҳроҳи Душанбе-Хуҷанд дар ноҳияи Варзоб сел ба амал омад. Бо кумаки таҷҳизоти муҳандисии хадамоти роҳдории IRS қитъаи роҳ тоза ва ҳаракати нақлиёт барқарор шуд.

Инчунин дар километри 21-ум ва дар ҳудуди дараи Харангони ноҳияи Варзоб техникаи муҳандисии Кумитаи ҳолатҳои фавқулода ва мудофиаи гражданӣ ҷалб гардида, роҳи деҳаи Буваки Ҷамоати деҳоти ба номи С.Айнӣ аз гил тоза шуд.

Акс: Мақомоти иҷроияи ҳокимияти давлатии ноҳияи Варзоб

Август 30, 2023 16:01

Хабарҳои дигари ин бахш

Эмомалӣ Раҳмон: «Раванди таъмини сохторҳои низомӣ ва мақомоти ҳифзи ҳуқуқ бо беҳтарин шароиту имконият минбаъд низ идома меёбад»
Дар ноҳияи Мастчоҳ ба ифтихори Рӯзи Қувваҳои Мусаллаҳ афсарону сарбозони фаъолро ҳавасманд намуданд
РӮЗИ ҚУВВАҲОИ МУСАЛЛАҲ. Роҳбарият ва намояндагони шаҳри Ҳисор ба дидорбинии сарбозону афсарон рафтанд
Имрӯз дар Тоҷикистон ҳавои тағйирёбанда мешавад
РӮЗИ ДИЛОВАРОНИ ШУҶОИ ВАТАН. Дар Донишкадаи кӯҳию металлургии Тоҷикистон 31-солагии таъсиси Қувваҳои Мусаллаҳ таҷлил гардид
ШАҲРВАНДОНИ КОМИЛҲУҚУҚ. Ба 1152 хатмкунандаи муассисаҳои таълимии ноҳияи Восеъ шиноснома дода шуд
Финляндия дар бораи эпидемияи вирус байни кӯдакони хурд хабар додааст
Дар «Тоҷикфилм» Рӯзи Қувваҳои Мусаллаҳи Ҷумҳурии Тоҷикистонро таҷлил намуданд
МЕВАҲОИ ИСТИҚЛОЛ. Намоиш-фурӯши корҳои эҷодии донишҷӯёни Донишгоҳи давлатии Хуҷанд доир шуд
Дар Венесуэла 15 нафар ҳангоми фурӯрезии кон ба ҳалокат расид
Дар якчанд минтақаи Чин бо сабаби барфу боронҳои шадид низоми вокуниши изтирорӣ фаъол шудааст
«КИТОБҲО БАРОИ МУҲОФИЗОНИ ВАТАН». Дар доираи ин ташаббус ба афсарону сарбозон зиёда аз 200 китоб тақдим гардид