ХИЗМАТРАСОНӢ БО МОШИНҲОИ САЙЁР. Тоҷикматлубот сокинони Душанберо бо маҳсулоти мавриди ниёзи аввал таъмин менамояд
ДУШАНБЕ, 06.08.2023. /АМИТ «Ховар»/. Раёсати Иттифоқи Тоҷикматлубот ҳамарӯза дар ҳамкорӣ бо соҳибкорон дар бозорҳои соҳа фаъолияти муътадилро амалӣ намуда, маҳсулоти кишоварзӣ ва дигар молҳои мавриди ниёзи аввалро ба фурӯш мебарорад. Шумораи бозорҳои соҳа 63 ва ҷойҳои нишаст дар онҳо 18 042 ададро ташкил медиҳад. Ин нуктаро муовини Раиси Раёсати Иттифоқи Тоҷикматлубот Хуршед Раҳмонализода 3 август зимни нишасти матбуотӣ баён намуд.
Мавсуф афзуд, ки дар бозорҳо ва дигар иншооти соҳа 23 ҳазор нафар ба фаъолияти соҳибкорӣ машғул мебошанд.
Раёсати Иттифоқи Тоҷикматлубот ҷиҳати рушду тараққиёти соҳаи кооператсияи матлубот, таъмин намудани аҳолӣ бо маводи озуқаворӣ ва маҳсулоти мавриди ниёзи аввали мардум тадбирҳои амалӣ меандешад. Аз ҷумла, дар шаҳри Душанбе 19 мошини сайёр ба сокинон хизмат мерасонанд.
Дар нишаст ҳамзамон гуфта шуд, ки барои захираи маҳсулоти кишоварзӣ 41 анбор дар масоҳати 38041 метри мураббаъ ва 3 сардхона барои нигаҳдории 2100 тонна маҳсулот фаъолият менамоянд.
Иттифоқи Тоҷикматлубот дар ихтиёри худ 2723 гектар замин дорад, ки аз он 248 гектараш заминҳои корам мебошанд. Ин заминҳо дар минтақаҳои гуногуни мамлакат, аз ҷумла Ҳисор, Рӯдакӣ, Файзобод, Рашт ва дигар ноҳияҳо ҷойгир мебошанд.
Барои беҳтар намудани пойгоҳи моддӣ-техникӣ ва фароҳам овардани шароити корӣ дар шашмоҳаи аввали соли равон ба маблағи 528 ҳазор сомонӣ техникаи муосир харида шудааст.
София ШОИК,
АМИТ «Ховар»
АКС: АМИТ «Ховар»
Бахшида ба Рӯзи Ваҳдати миллӣ дар ҶДММ «Бозори Корвон плюс» вохӯрӣ доир шуд
Интернет барои идора: чӣ тавр метавон кормандонро бо дастрасии боэътимод таъмин кард
Имрӯз дар водиҳои Тоҷикистон ҳаво то 39 дараҷа гарм мешавад
Сокинони ноҳияи Лахш имсол дар майдони 5552 гектар картошка шинонданд
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
