Хонандагони фаъоли шаҳру деҳоти Кӯлоб ба даври дуюми лагери беруназшаҳрии «Шарора» фаро гирифта шуданд

Август 13, 2023 16:27

ДУШАНБЕ, 13.08.2023. /АМИТ «Ховар»/. Истироҳатгоҳи беруназшаҳрии «Шарора», воқеъ дар ноҳияи Муъминобод барои гузаронидани таътили тобистонаи мактаббачагони шаҳру деҳоти Кӯлоб барои соли 2023 фаъолият дорад, ки ҳоло дар он даври дуюми мактаббачагон ба истироҳату фароғат фаро гирифта шуданд. Дар ин хусус АМИТ «Ховар» бо истинод ба бахши матбуоти Мақомоти иҷроияи ҳокимияти давлатии шаҳри Кӯлоб хабар медиҳад.

10 август роҳбарияти шаҳр зимни гусели расмии хонандагони даври дуюм ба Истироҳатгоҳи беруназшаҳрии «Шарора» бо мактаббачагон суҳбати гарму самимӣ намуда, аз таваҷҷуҳу дастгириҳои Асосгузори сулҳу ваҳдати миллӣ-Пешвои миллат, Президенти мамлакат муҳтарам Эмомалӣ Раҳмон ҷиҳати фароҳам овардани шароити хубу созгор барои гузаронидани истироҳату фароғат дар истироҳатгоҳи беруназшаҳрӣ ёдовар шуданд. Ҳамзамон хонандагонро даъват намуданд, ки вақтро ғанимат шуморида, бо ҳамдигар риштаҳои дӯстиро мустаҳкам банданд ва аз ин мавзеъҳо хотироти хуб бардоранд.

Волидайни мактаббачагон аз ин иқдом руҳбаланд гардида, миннатдории хешро ҷиҳати муҳайё намудани шароити мусоид изҳор намуданд.

Сипас мактаббачагон бо шароит ва буду бош дар истироҳатгоҳ, фароғат, анвои хӯрокворӣ, макони оббозӣ ва дигар самтҳои фаъолияти истироҳатгоҳ шинос гардиданд.

Бояд гуфт, ки ҳоло дар даври дуюм беш аз 110 нафар хонандагони фаъолу боистеъдоди шаҳру деҳоти Кӯлоб, кӯдакон аз оилаҳои ба садамаи нақлиётӣ дучоршуда ва оилаҳои камбизоат ба истироҳату фароғат фаро гирифта шудаанд.

АКС: Бахши матбуоти Мақомоти иҷроияи ҳокимияти давлатии шаҳри Кӯлоб

 

Август 13, 2023 16:27

Хабарҳои дигари ин бахш

Ҳунарҳои мардумӣ бо усули «хона ба хона» ва «маҳалла ба маҳалла» тарғиб карда шуданд
Дар ноҳияи Муъминобод 26 китобхона фаъолият менамояд
Имрӯз дар шаҳри Душанбе ҳаво то 36 дараҷа гарм мешавад
Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад