Қисматҳои мухталифи Туркияро сӯхтори ҷангал фаро гирифтааст
ДУШАНБЕ, 24.08.2023 /АМИТ «Ховар»/. Давоми чанд рӯзи охир дар минтақаҳои дашту ҷангали якчанд музофоти Туркия бо сӯхтори бузург муборизаи фаъолона бурда истодаанд. То имрӯз майдони умумии сӯхтор беш аз 1500 гектарро ташкил медиҳад. Дар ин хусус АМИТ «Ховар» бо истинод ба АБИ «Казинформ» хабар додааст.
Мувофиқи маълумоти Идораи пешгирӣ ва вокуниш ба ҳолатҳои фавқулодаи назди ҳукумати Туркия, шумораи зиёди одамон ва таҷҳизоти махсус дар минтақаи офатҳои табиӣ барои хомӯшкунии сӯхтор амал менамоянд. Дар музофоти Чанаккале 68 мошини обкаш ва техникаи сершумори зидди сӯхтор мубориза мебаранд. Инчунин 10 ҳавопаймо ва 26 чархбол ба ин кор ҷалб гардидаанд. Бо вуҷуди ин, аз сабаби дуди ғафс ва бад будани биниш дар минтақа кори ҳавопаймоҳои сӯхторнишон мушкил гардидааст.
Азиза ИКРОМ,
АМИТ «Ховар»
АКС аз манбаъҳои боз
Имрӯз дар шаҳри Душанбе ҳаво то 28 дараҷа гарм мешавад
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
