КВД «Роҳи оҳани Тоҷикистон» ҳамкориро бо Ширкати сохтмони роҳи оҳани Чин тақвият медиҳад

ДУШАНБЕ, 03.08.2023 /АМИТ «Ховар»/. Масъалаи марбут ба тавсеаи ҳамкорӣ байни  Корхонаи воҳиди давлатии «Роҳи оҳани Тоҷикистон» ва  Ширкати сохтмони роҳи оҳани Ҷумҳурии Мардумии Чин дар мулоқоти сардори Корхонаи воҳиди давлатии «Роҳи оҳани Тоҷикистон» Комил Мирзоалӣ бо муовини директори генералии Ширкати сохтмони роҳи оҳани Ҷумҳурии Мардумии Чин Мэн Тао дар Душанбе баррасӣ гардид. Дар ин хусус АМИТ «Ховар» бо истинод ба Корхонаи воҳиди давлатии «Роҳи оҳани Тоҷикистон» иттилоъ медиҳад.

Зимни мулоқот мусоҳибон масъалаи иштирок ва сармоягузории Ширкати сохтмони роҳи оҳани Ҷумҳурии Мардумии Чинро дар лоиҳаҳои сохтмонии Роҳи оҳани Тоҷикистон мавриди баррасӣ қарор доданд.

Тибқи хабари манбаъ, ҳар ду ҷониб барои идомаи самарабахши ҳамкорӣ дар самтҳои афзалиятноки соҳаи нақлиёти роҳи оҳан изҳори омодагӣ намуданд.

                                                        АКС:  КВД «Роҳи оҳани Тоҷикистон