МАРОТИБАИ АВВАЛ. Ҷарроҳии стентмонии даруннигарии узвҳои ҳозима дар мавриди саратони сурхрӯда бо оризаи тангшавии он гузаронида шуд
ДУШАНБЕ, 11.08.2023. /АМИТ «Ховар»/. Соли 2023 маротибаи аввал аз ҷониби устоди Донишкадаи тиббӣ-иҷтимоии Тоҷикистон дар ҷумҳурӣ ҷарроҳии стентмонии даруннигарии узвҳои ҳозима дар мавриди саратони сурхрӯда бо оризаи тангшавии он гузаронида шуд, иттилоъ дод Ректори донишкадаи мазкур Зарина Ибодзода имрӯз зимни нишасти матбуотӣ.
Инчунин усули ташхис ва амалиёти даруннигарии ретроградии холесисто-панкреатографӣ ҳангоми бемориҳои санги роҳҳои талхагузар ва тангшавии он низ аз ҷониби устодони донишкада бо муваффақият гузаронида шуд.
Дар идомаи нишасти матбуотӣ иттилоъ дода шуд, ки дар ин давра аз тарафи омӯзгорони донишкада 3 намуди иловаҳои фаъоли биологӣ коркард шуд. Аз ҷумла, малҳами Маклюфер (шираи камол ва маклюфер), қиёми Псоралея (баои касалиҳои пӯст) аз растаниҳои табиати мамлакат коркард шуданд.
Иттилоъ дода шуд, ки дар Донишкадаи тиббӣ-иҷтимоии Тоҷикистон 34 нафар донишҷӯёни хориҷӣ таҳсил мекунанд, ки нисбат ба соли гузашта 23 нафар зиёд аст.
Барои таҷрибаомӯзӣ ва дарсҳои амалии донишҷӯён дар назди Донишкада Маркази клиникӣ, илмӣ, таълимӣ фаъолият менамояд, ки дар он шуъбаҳои эндоҷарроҳӣ ва эндоурологӣ, трепеватӣ, кардиологӣ, стоматологӣ, гинекологӣ, дармонгоҳӣ ва дигар шуъбаҳо амал намуда истодаанд ва дар заминаи онҳо корҳои табобатӣ гузаронида мешаванд.
Зарангези ЛАТИФ,
АМИТ «Ховар»
АКС: АМИТ «Ховар»
Донишгоҳи давлатии омӯзгории Тоҷикистон соҳиби сертификати UNESCO-UNEVOC гардид
Байни Академияи сайёҳии Донишгоҳи байналмилалии сайёҳӣ ва соҳибкории Тоҷикистон ва Донишгоҳи Тартуи Эстония Ёддошти тафоҳум ба имзо расид
Даври ниҳоии Озмуни ҷумҳуриявии «Илм — фурӯғи маърифат» ифтитоҳ гардид
Намояндаи Тоҷикистон ғолиби овоздиҳии байналмилалии Ҷоизаи «Евразия-2026» гардид
Байни Кумита оид ба таҳсилоти ибтидоӣ ва миёнаи касбии Тоҷикистон ва Вазорати маорифи Чин Ёддошти тафоҳум оид ба ҳамкорӣ ба имзо расид
Аз 11550 хатмкунандаи муассисаҳои таҳсилоти ибтидоии касбӣ 8488 нафар бо ҷойи кори доимӣ таъмин шуданд
Хонандагони муассисаҳои таҳсилоти миёнаи умумии Тоҷикистон ба таътили тирамоҳӣ мебароянд
Дар Донишгоҳи миллии Тоҷикистон доир ба пажуҳиши илмӣ ва усулҳои ба роҳ мондани он ҳамоиш доир шуд
Академияи идоракунии давлатии Тоҷикистон бо Ҷамъияти ҳуқуқшиносони Шанхай ҳамкориро тақвият медиҳад
Сабзалӣ Ҷаъфарзода: «Таъсиси Маркази миллии тестӣ аз ҷумлаи ислоҳоти муҳимми соҳаи маориф дар даврони соҳибистиқлолии Тоҷикистон аст»
Маркази миллии тестӣ натиҷаҳои озмуни тақсимоти такрории давраи сеюми имтиҳонҳои дохилшавиро эълон намуд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
