НИШАСТИ МАТБУОТӢ. Агентии назорат дар соҳаи маориф 493 муассисаи таълимиро аз санҷиши сифати таҳсил гузаронид
ДУШАНБЕ, 08.08.2023. /АМИТ «Ховар»/. Дар шашмоҳаи аввали соли 2023 Агентии назорат дар соҳаи маориф ва илми назди Президенти Ҷумҳурии Тоҷикистон ҷиҳати муайян намудани сифати дониш ва сатҳи донишазхудкунии хонандагону донишҷӯён дар 493 муассисаи таълимӣ санҷиши сифати таҳсил гузаронид. Дар ин хусус директори агентӣ Маҳмадтоир Саидзода имрӯз зимни нишасти матбуотӣ ба хабарнигорон иттилоъ дод.
Ба гуфтаи директори агентӣ, аз натиҷаи аттестатсияи муассисаҳои таълимӣ ва санҷишҳои сатҳи сифати таҳсил бармеояд, ки нисбат ба солҳои қаблӣ дар самти таъмини асосҳои меъёрии ҳуқуқӣ, мустаҳкам намудани заминаи моддию техникӣ, таъминот бо кадрҳои омӯзгорӣ ва адабиёти таълимӣ сифати таҳсил ва сатҳи донишазхудкунии хонандагону донишҷӯён нишондиҳандаҳои мусбат ба мушоҳида мерасанд.
Гузаронидани аттестатсия, аккредитатсияи давлатӣ ва иҷозатномадиҳии муассисаҳои таълимӣ ҷиҳати пешбурди фаъолияти таълимӣ, дар баробари ин муайян намудани мақоми муассисаи таълимӣ, ошкор сохтани камбудиҳо ва нишон додани роҳҳои ҳалли онҳо яке аз вазифаҳои муҳиму асосии Агентии назорат дар соҳаи маориф ва илм маҳсуб мешавад.
Тазаккур дода шуд, ки дар ин давра масъулини раёсату шуъбаҳои Агентӣ 575 аттестатсияи давлатӣ, 268 аккредитатсияи давлатӣ, 2 азнавбарасмиятдарорӣ ва 41 иҷозатномадиҳии муассисаҳои таълимиро ба анҷом расониданд.
«Дар натиҷа 68 муассисаи таълимӣ ба муҳлати 2 сол шартан аз аттестатсия гузаронида шуда, амали иҷозатномаи 4 муассиса дар асоси қарори ҷаласаи ҳайати мушовараи Агентӣ боздошт ва қатъ шуд», -иброз дошт директори агентӣ.
Ба гуфтаи Маҳмадтоир Саидзода, натиҷаи санҷиш нишон медиҳад, ки ҳоло ҳам дар баъзе муассисаҳои таълимӣ дар баробари муваффақияту дастовард якчанд камбудиҳо, аз қабили мустаҳкам набудани заминаи моддию техникӣ, таъмин набудани муассисаҳои таълимашон бо забонҳои русӣ ва англисӣ бо барномаҳои таълимӣ ва китобҳои дарсӣ ҷой доранд, ки агентӣ баҳри аз байн бурдани ин норасоиҳо тадбирҳои мушаххас меандешад.
Зарангези ЛАТИФ,
АМИТ «Ховар»
АКС: АМИТ «Ховар»
ТАШАББУСИ ТОҶИКИСТОН ДАР РУШДИ ЗЕҲНИ СУНЪИИ БЕХАТАР ДАР АРСАИ ҶАҲОНӢ. Мулоҳизаҳо дар ин маврид
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
350 нафар донишҷӯёни тоҷик дар Ҷумҳурии Корея таҳсил менамоянд
Ёддошти тафоҳум байни Вазорати маориф ва илми Ҷумҳурии Тоҷикистон ва Вазорати маорифи Ҷумҳурии Корея ба имзо расид
Байни Тоҷикистон ва Корея Ёддошти тафоҳуми ҳамкорӣ оид ба барқарорсозии рақамии ҷангалҳо ва амалиёти иқлимӣ ба имзо расид
Барои рушди соҳаи маорифи ноҳияҳои водии Рашт дар 20 соли охир беш аз 2,1 миллиард сомонӣ равона шудааст
Бо иштироки 602 нафар довталаб даври шаҳрии Озмуни ҷумҳуриявии «Илм-фурӯғи маърифат» оғоз гардид
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Беш аз 200 нафар ба даври ниҳоии озмун роҳхат гирифтанд
Дар Филиали Донишгоҳи миллии тадқиқотии «Донишкадаи энергетикии Москва» дар шаҳри Душанбе озмоишгоҳи нав ба истифода дода шуд
Маркази миллии тестӣ давраи сеюми бақайдгирии довталабонро тамдид намуд
