НИШАСТИ МАТБУОТӢ. Анбору сардхонаҳои Раёсати Иттифоқи Тоҷикматлубот то оғози захираи маҳсулоти кишоварзӣ таъмиру омода мешаванд
ДУШАНБЕ, 03.08.2023 /АМИТ «Ховар»/. Оид ба иҷрои қарори Ҳукумати Ҷумҳурии Тоҷикистон «Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2023-2024» қарор ва нақшаи Раёсат қабул гардида, ҳамаи анбору сардхонаҳо то оғози захираи маҳсулоти кишоварзӣ таъмир ва омода карда мешаванд ва бо лавозимоти зарурӣ таъмин магарданд. Дар ин хусус имрӯз муовини Раиси Раёсати Иттифоқи Тоҷикматлубот Хуршед Раҳмонализода зимни нишасти матбуотӣ ба хабарнигорон иттилоъ дод.
Мавсуф иброз намуд, ки дар соҳаи кооператсияи матлуботи мамлакат барои захираи маҳсулоти кишоварзӣ 41 анбор дар масоҳати 38041 метри мураббаъ ва 3 сардхона барои нигаҳдории 2100 тонна маҳсулот фаъолият менамоянд.
Зимни нишаст гуфта шуд, ки ҳадафи аслии захира кардани маҳсулоти ғизоӣ қонеъ кардани талаботи мардум ва танзими нархҳо дар бозор аст.
Ҳамзамон тазаккур дода шуд, ки дар шашмоҳаи аввали соли равон даромади умумӣ ба 48,0 миллион сомонӣ расонида шуд, ки ин нисбат ба ҳамин давраи соли 2022 дар ҳаҷми 613 ҳазор сомонӣ зиёд мебошад.
Дар давраи ҳисоботӣ ба буҷети мамлакат аз ҳамаи намуди манбаъҳо ба маблағи 16,0 млн сомонӣ андоз пардохт шуд, ки нисбат ба ҳамин давраи соли сипаришуда 11,0 ҳазор сомонӣ зиёд аст. Аз ҳама намудҳои фаъолият дар шашмоҳаи аввали соли равон 7,2 млн сомонӣ фоидаи тавозунӣ ба даст оварда шуд.
София ШОИК,
АМИТ «Ховар»
АКС: АМИТ «Ховар»
Самтҳои афзалиятноки татбиқи марҳилаи нави Барномаи БОМКА-11 баррасӣ шуданд
РУШДИ САНОАТ. Давоми се моҳ дар ноҳияи Ёвон 3 коргоҳи нави истеҳсолӣ ба истифода дода шуд
Ҳамкории Тоҷикистон ва Миср дар соҳаҳои савдо, сармоягузорӣ, саноат, кишоварзӣ ва сайёҳӣ тақвият меёбад
Дар Хатлон ҳаҷми истеҳсоли маҳсулоти саноатӣ ба 2,9 миллиард сомонӣ расид
Муовини Сарвазири Тоҷикистон дар ноҳияи Шаҳристон бо ҳолати кишти картошка шинос шуд
Форуми сеюми байналмилалии «Суғд – чорроҳаи Роҳи бузурги Абрешим» баргузор мешавад
Дар ноҳияи Мастчоҳ дар беш аз 12 ҳазор гектар пунбадона кишт карда мешавад
Вазири молияи Тоҷикистон бо роҳбарияти Бонки ҷаҳонӣ ва Хазинаи байналмилалии асъор вохӯрӣ намуд
Ҳамкории Тоҷикистон бо Бонки Осиёии сармоягузориҳои инфрасохторӣ густариш меёбад
Ҳайати Тоҷикистон бо ноиби президенти Бонки ҷаҳонӣ оид ба кишварҳои Аврупо ва Осиёи Марказӣ вохӯрӣ намуд
Дар Вилояти Мухтори Кӯҳистони Бадахшон дар 200 гектар боғ бунёд карда мешавад
Чаро дар чарогоҳҳо ва заминҳои лалмии Тоҷикистон ҳашароти зараррасон бештар гардидааст?
