НИШАСТИ МАТБУОТӢ. Ба ифтихори 35-солагии Истиқлолияти давлатӣ дар ноҳияи Варзоб 158 иншооти гуногун ба истифода дода мешавад
ВАРЗОБ, 15.08.2023. /АМИТ «Ховар»/. Ҷиҳати дар сатҳи баланд пешвоз гирифтани ҷашни 35-солагии Истиқлолияти давлатии Ҷумҳурии Тоҷикистон дар ноҳияи Варзоб сохтмони 158 иншоот ба нақша гирифта шудааст. То имрӯз 39 иншооти гуногуни ҷашнӣ бо шумораи 73 ҷойи кори доимӣ мавриди баҳрабардорӣ қарор дода шуда, корҳои сохтмонӣ дар 29 иншооти дигар идома доранд. Дар ин хусус 14 август зимни нишасти матбуотӣ иҷрокунандаи вазифаи Раиси ноҳияи Варзоб Хусрав Дамонзода ба хабарнигорон иттилоъ дод.
Ба иттилои Хусрав Дамонзода, имрӯзҳо корҳои сохтмони бинои иловагии муассисаҳои таълимии деҳаҳои Шаршара, Қулписта ва Суғдиёни Ҷамоати деҳоти С. Айнӣ, бинои муассисаҳои таълимии деҳаи Фанфароқ ва Дашти Ринҷонии Ҷамоати деҳоти Варзоб-Қалъа ва дар маҷмуъ сохтмони 50 синфхонаи иловагӣ дар ноҳияи Варзоб идома доранд, ки дар доираи ҷашни бузурги миллӣ- 35-солагии Истиқлолияти давлатӣ ба истифода дода мешаванд.
Дар ноҳияи Варзоб дар бахши сайёҳӣ 1000 минтақаи истироҳатӣ сабт шудааст. Фаъолияти 110 минтақаи истироҳатии оммавӣ мавсимӣ буда, фаъолияти минтақаҳои истироҳатии «Кохи Малика», «Варзоб-Палас», «Гулобод», «Гули майда» ва Комплекси лижаронии «Сафеддара» доимӣ мебошад, ки дар онҳо барои қабули сайёҳон тамоми шароит фароҳам оварда шуда, мунтазам фаъолият доранд.
Мувофиқи маълумоти оморӣ, дар шашмоҳаи аввали соли 2023 31 ҳазору 37 нафар сайёҳони дохилию хориҷӣ бо минтақаҳои истироҳатӣ ва мавзеъҳои таърихии ноҳияи Варзоб шинос шудаанд, ки нисбат ба ҳамин давраи соли гузашта 8734 нафар зиёд мебошад.
Субҳониддини МАҲМУД,
АМИТ «Ховар»
АКС: АМИТ «Ховар»
Раиси шаҳри Душанбе Рустами Эмомалӣ оромгоҳи Мир Сайид Алии Ҳамадониро зиёрат намуданд
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
Сарвари давлат Эмомалӣ Раҳмон барои бунёди маҷмааи нассоҷӣ дар Минтақаи озоди иқтисодии Кӯлоб санги асос гузоштанд
Пешвои миллат Эмомалӣ Раҳмон бо лоиҳаҳои роҳ ва пулҳои мошингард дар минтақаи Кӯлоб шинос шуданд
Президенти Ҷумҳурии Тоҷикистон Эмомалӣ Раҳмон ба таври фосилавӣ 17 иншоотро дар ҳудуди шаҳри Кӯлоб ифтитоҳ намуданд
Сарвари давлат Эмомалӣ Раҳмон бинои нави маъмурияти минтақаи озоди иқтисодии «Кӯлоб»-ро мавриди баҳрабардорӣ қарор доданд
Сарвари давлат Эмомалӣ Раҳмон дар минтақаи озоди иқтисодии Кӯлоб корхонаи истеҳсоли қисмҳои эҳтиётии автомобилӣ ҶДММ «Тоҷик-Алмос»-ро мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Кӯлоб марказҳои обтаъминкунӣ ва корезро ба истифода доданд
Пешвои миллат Эмомалӣ Раҳмон ба шаҳри Кӯлоб Беморхонаи хусусии ташхисию табобатии «Мирзоён»-ро ба истифода доданд
Сарвари давлат Эмомалӣ Раҳмон дар шаҳри Кӯлоб 10 иншооти соҳаи маорифро ба таври фосилавӣ мавриди истифода қарор доданд
Пешвои миллат Эмомалӣ Раҳмон муассисаи таҳсилоти миёнаи умумии рақами 51-и шаҳри Кӯлобро баъд аз таъмиру навсозӣ мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Кӯлоб корхонаи истеҳсоли нӯшокиҳои ташнагишикани ҶДММ «Мабно»-ро ба истифода доданд
