НИШАСТИ МАТБУОТӢ. Ба манфиати давлат 31,8 млн сомонӣ маблағ рӯёнида шуд, ки 21,6 млн сомонӣ зиёд аст
ДУШАНБЕ, 05.08.2023 /АМИТ «Ховар»/. Давоми шашмоҳаи аввали соли равон кормандони Хадамоти иҷрои назди Ҳукумати Ҷумҳурии Тоҷикистон 21 492 мавод, арз ва муроҷиати шахсони воқеию ҳуқуқиро оид ба таъмини иҷрои санадҳои судӣ ва санадҳои дигар мақомоти давлатӣ мавриди баррасӣ қарор доданд, — изҳор дошт Сардори Хадамоти иҷрои назди Ҳукумати Ҷумҳурии Тоҷикистон Барно Саидвализода дар нишасти матбуотӣ, ки 4 август бо ҳузури хабарнигорони ВАО-и ватаниву хориҷӣ баргузор гардид.
Ба иттилои Барно Саидвализода, бо татбиқи чораҳои маҷбурӣ иҷрои воқеии 16 043 ҳуҷҷати иҷро ё 78,5 % (2022 – 76%) ба маблағи 62,8 млн сомонӣ, 142,2 ҳазор доллари ИМА, 146 рубли Федератсияи Русия ва 13,3 млн рубли Ҷумҳурии Беларус таъмин гардидааст, ки назар ба ҳамин давраи соли гузашта иҷрои воқеӣ аз рӯи шумора 2,5% ва аз рӯи маблағҳои рӯёнида 30,5 млн сомонӣ ва дигар асъори хориҷӣ зиёд ситонида шудааст.
Дар нишасти матбуотӣ иттилоъ дода шуд, аз ин шумора ба манфиати давлат 10 580 ҳуҷҷати иҷро ворид гардида, 31,8 млн сомонӣ (2022-10,2 млн сомонӣ) ситонида шудааст, ки назар ба ҳамин давраи соли гузашта 21,6 млн сомонӣ зиёд мебошад. Ба манфиати шахсони ҳуқуқӣ 280 ҳуҷҷати иҷро ба маблағи умумии 24,1 млн сомонӣ, 68,1 ҳазор доллари ИМА, 13,3 млн рубли Ҷумҳурии Беларус ва 146 рубли Федератсияи Русия рӯёнида шудааст, ки назар ба ҳамин давраи соли гузашта ба маблағи 7,7 млн сомонӣ зиёд мебошад.
Ба манфиати шахсони воқеӣ 167 ҳуҷҷати иҷро ба маблағи 6,5 млн сомонӣ ва 74,1 ҳазор доллари ИМА рӯёнида шудааст, ки назар ба ҳамин давраи соли гузашта 198,1 ҳазор сомонӣ зиёд мебошад.
А. САНГЗОДА
АМИТ «Ховар»
АКС: АМИТ «Ховар»
ҶУФТБАРОРОН. Ин маросим оғози кишту кори баҳориро ифода мекунад
Дар ноҳияи Ҷайҳун неругоҳи офтобӣ сохта мешавад
Ба ифтихори ҷашни Наврӯз дар Агентии назорати давлатии молиявӣ ва мубориза бо коррупсия чорабинии тантанавӣ баргузор шуд
Душанбе мизбони Конфронси 35-уми Созмони озуқаворӣ ва кишоварзии СММ мегардад
Дурнамои рушди ҳамкории Тоҷикистон ва Ҳиндустон дар соҳаи энергетика баррасӣ шуд
Пешвои миллат: «Кишоварзон бояд аз ҳар рӯзи мусоиди фасли баҳор истифода баранд»
Эмомалӣ Раҳмон: «Кишоварзонро зарур аст рӯзҳои мусоиди баҳориро самаранок истифода намоянд»
Ҷашни байналмилалии Наврӯз дар Бонки миллии Тоҷикистон дар сатҳи баланд таҷлил гардид
Дар Душанбе истифода ва ҳифзи захираҳои обии мамлакат дар шароити тағйирёбии иқлим баррасӣ гардид
Ҷаласаи сеюми Гурӯҳи кории муштараки Тоҷикистону Покистон оид ба савдо, сармоягузорӣ ва нақлиёт баргузор шуд
Бонки миллии Тоҷикистон ба Эъломияи Кейптаун ҳамроҳ шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
