НИШАСТИ МАТБУОТӢ. Корбарони саҳифаҳои иҷтимоӣ дар шаш моҳи соли равон ба маблағи 1,2 миллион сомонӣ андоз супориданд
ДУШАНБЕ, 14.08.2023 /АМИТ «Ховар»/. Дар шаш моҳи соли равон корбарони саҳифаҳои иҷтимоӣ ба маблағи 1 миллиону 200 ҳазор сомонӣ ба буҷети ҷумҳурӣ андоз супориданд. Дар ин хусус имрӯз зимни нишасти матбуотӣ сардори Сарраёсати маъмурикунонии андози Кумитаи андози назди Ҳукумати Ҷумҳурии Тоҷикистон Шамсулло Кабирзода иттилоъ дод.
Ба гуфти Шамсулло Кабирзода, ба ҳолати 1 августи соли равон дар мақомоти андоз 81 нафар шахсони воқеӣ, ки дар шабакаҳои иҷтимоӣ ба фаъолияти блогерӣ машғул ҳастанд, сабт шудаанд, ки 49 блогер аз ин шумора нисбат ба ҳамин давраи соли гузашта зиёд шудааст.
Инчунин дар нишаст гуфта шуд, ки дар шашмоҳаи якуми соли 2023 аз тарафи мақомоти андоз нисбат ба андозсупорандагони қарздор зиёда аз 9,4 ҳазор қарорҳо оид ба маҷбуран ситонидани андозҳо ба маблағи 532 миллиону 100 ҳазор сомонӣ қабул гардид. Аз ин ҳисоб ба буҷет 486 миллион сомонӣ ворид шуд, ки нисбат ба ҳамин давраи соли гузашта беш аз 49 миллион сомонӣ зиёд мебошад.
Раъно НУСРАТУЛЛО,
АМИТ «Ховар»
АКС: АМИТ «Ховар»
Қонуни Ҷумҳурии Тоҷикистон «Дар бораи сиёсати аграрӣ» таҳия гардидааст
КОНСЕПСИЯИ ИҚТИСОДИ РАҚАМӢ. Он санади муҳим дар самти рақамикунонии иқтисодиёти миллии Тоҷикистон аст
Барномаи рушди чарогоҳҳо барои таҳкими иқтисоди Тоҷикистон замина фароҳам меорад
Дар самти шарқии шаҳри Душанбе зеристгоҳи нави барқии 220 кВ сохта мешавад
Дар Душанбе ҳамоиши картошкапарварон ва намоиш-фурӯши картошка баргузор мегардад
Густариши ҳамкории иқтисодию тиҷоратии Тоҷикистону Олмон баррасӣ гардид
Дар Тоҷикистон ҳамоиши картошкапарварон баргузор мешавад
Байни соҳибкорони вилояти Суғд ва Қазоқистон санадҳои нави ҳамкорӣ ба имзо расиданд
Дар Душанбе самтҳои ҳамкорӣ бо ҳайати Палатаи савдои хориҷии Олмон баррасӣ гардид
Дар Остона дурнамои рушди ҳамкории Тоҷикистону Қазоқистон дар соҳаҳои электроэнергетика ва нафту газ баррасӣ гардид
Тоҷикистон дар доираи татбиқи Консепсияи рушди соҳаи ангишт ҳаҷми истихроҷи ангиштро ба 15 миллион тонна мерасонад
Дар Остона Форуми соҳибкории Тоҷикистону Қазоқистон баргузор шуд
