НИШАСТИ МАТБУОТӢ. Кормандони Маркази тадқиқоти стратегӣ оид ба ояндабинии хавфу хатар ва таҳдидҳои дохилию хориҷӣ пажӯҳиш гузарониданд
ДУШАНБЕ, 04.08.2023 /АМИТ «Ховар»/. Маркази тадқиқоти стратегии назди Президенти Ҷумҳурии Тоҷикистон соли равон тавассути амалӣ намудани фаъолияти самараноки олимону таҳлилгарон ва тамоми кормандони сохторҳои таркибии худ дар самти иҷрои корҳои илмию таҳқиқотӣ, таҳияи гузоришҳои таҳлилӣ ва иттилоотию машваратӣ, баргузории ҳамоишҳои илмӣ-амалӣ ва ҳамкорӣ бо мақомоти давлатӣ, ниҳодҳои байналмилалию минтақавӣ ба натиҷаҳои мусбат ноил гардид.
Тавре директори Маркази тадқиқоти стратегии назди Президенти Ҷумҳурии Тоҷикистон Хайриддин Усмонзода имрӯз дар нишасти матбуотӣ ба хабарнигорон иброз намуд, яке аз самтҳои муҳими фаъолияти кормандони марказ пешбурди корҳои илмию таҳқиқотӣ буда, аз рӯйи нақшаи корҳои илмию пажӯҳишӣ барои соли равон таҳқиқоти анҷомдода аз рӯйи ду мавзуи бунёдӣ — амнияти миллӣ ва ҳифзи манфиатҳои миллӣ дар марҳалаи нави рушди давлатдории Ҷумҳурии Тоҷикистон доир ба масъалаҳо ва дурнамою таъмини амнияти иқтисодӣ дар заминаи баланд бардоштани рақобатнокии Ҷумҳурии Тоҷикистон, ки барои то соли 2025 тарҳрезӣ шудаанд, амалӣ гардид.
Мавсуф афзуд, ки мутобиқ ба нақшаи корҳои илмию таҳқиқотӣ барои имсол ва мавзуъҳои дар боло гуфта пажӯҳишҳои кормандон аз рӯйи 6 зермавзуъ гузаронида шуданд. Онҳо масъалаҳои марбут ба муайян ва ояндабинии хавфу хатар ва таҳдидҳои дохилию хориҷии амнияти миллӣ ва минтақавӣ дар замони муосир, муаммоҳо вобаста ба таъмини амнияти иқтисодии Ҷумҳурии Тоҷикистон дар шароити иқтисоди бозорӣ, технологияи нигоҳ доштани суботи сиёсӣ ва ҳифзи манифиатҳои миллии Ҷумҳурии Тоҷикистон, ташаккул ва рушди комплекси агросаноатӣ ҳамчун қисми таркибии саноатикунонии иқтисодиёти Ҷумҳурии Тоҷикистон, авлавияти соҳавии сиёсати хориҷии Ҷумҳурии Тоҷикистон дар марҳалаи нави рушди давлатдории миллӣ, масъалаҳои ҳавасмандгардонии андозӣ дар рушди соҳибкории инноватсионӣ ва нақши амнияти иҷтимоӣ дар таъмини рушди устувори ҷомеаи Тоҷикистонро дар бар мегиранд.
Марзия САИДЗОДА,
АМИТ «Ховар»
АКС: АМИТ «Ховар»
Ваколатдор оид ба ҳуқуқи инсон дар вохӯрии машваратии ниҳодҳои миллии ҳуқуқи инсони давлатҳои аъзои СҲШ иштирок намуд
Дар Душанбе даври сеюми Форуми марказҳои таҳлилии «Осиёи Марказӣ ва Ҷумҳурии Корея» баргузор гардид
Дар соҳили Сирдарёи шаҳри Хуҷанд шиногоҳи нав ба истифода дода шуд
«ВАҲДАТИ МИЛЛӢ — АСОСИ ШУКУФОИИ ВАТАН». Таҳти ин унвон конференсияи ҷумҳуриявӣ баргузор шуд
Ҷавонони Тоҷикистон дар Форуми 6-уми «Сарварони ҷавони эҷодкори Осиёи Марказӣ ва Русия» иштирок менамоянд
РӮЗИ ХИЗМАТЧИИ ДАВЛАТӢ. Дар Тоҷикистон ташкили ин ниҳод яке аз дастовардҳои давраи соҳибистиқлолӣ мебошад
Байни Тоҷикистон ва Қирғизистон Ёддошти тафоҳум оид ба ҳамкорӣ дар соҳаи ҳуқуқи инсон ба имзо расид
Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мегардад
Душанбе мизбони Форуми марказҳои таҳлилии «Осиёи Марказӣ ва Ҷумҳурии Корея» мегардад
Дар Тоҷикистон дар даҳ сол як маротиба барӯйхатгирии аҳолӣ ва фонди манзил гузаронида мешавад
Дар Ховалинг соҳибкорон аз хонаводаҳои Каримовҳо ва Одинаевҳо барои ятимону маъюбон осоишгоҳ сохтанд
Барои гирифтор нашудани кӯдакон ба бемории дарунравӣ чӣ бояд кард?
