НИШАСТИ МАТБУОТӢ. Музди меҳнати омӯзгорони Коллеҷи омӯзгории Донишгоҳи давлатии Кӯлоб 20 фоиз баланд бардошта мешавад
КӮЛОБ, 05.08.2023. /АМИТ «Ховар»/. Аз якуми сентябри соли 2023 музди меҳнати муаллимони Коллеҷи омӯзгории Донишгоҳи давлатии Кӯлоб ба номи Абӯабдуллоҳи Рӯдакӣ, ки яке аз маъруфтарин муассисаҳои таълимии ҷумҳурӣ ба ҳисоб рафта, дар омода кардани кадрҳои соҳаи омӯзгорӣ нақши арзанда дорад, ба андозаи 20 фоиз баланд бардошта мешавад. Чунин иттилоъ дод зимни нишасти матбуотӣ ба хабарнигорон директори Коллеҷи омӯзгории Донишгоҳи давлатии Кӯлоб Латофат Одиназода.
Мавсуф гуфт, ки ҳоло дар коллеҷ 1023 нафар донишҷӯён, аз ҷумла дар таълими рӯзона 619 нафар ва дар таълими ғоибона 404 нафар таҳсили илм доранд. Аз ин шумора 469 нафар тариқи буҷавӣ ва 554 нафар тариқи шартномавӣ таҳсил менамоянд.
Зимни нишасти матбуотӣ гуфта шуд, ки донишҷӯёни коллеҷ дар озмунҳои ҷумҳуриявии «Илм-фурӯғи маърифат», «Фурӯғи субҳи доноӣ китоб аст», «Тоҷикистон — Ватани азизи ман» ва ««Тоҷикон»- оинаи таърихи миллат» иштирок намуда, сазовори ҷойҳои намоён гардиданд.
Иттилоъ дода шуд, ки дар ин давра муассисаро 542 нафар хатм намуданд, ки 170 нафар дар шуъбаи рӯзона ва 372 нафар дар шуъбаи ғоибона таҳсил доштанд.
Сулаймон ХОЛЗОДА,
АМИТ «Ховар»
АКС: Коллеҷи омӯзгории Донишгоҳи давлатии Кӯлоб
Дар Тоҷикистон сохтмони хонаҳои истиқоматӣ вусъат ёфтааст
Имрӯз дар шаҳри Душанбе ҳаво то 28 дараҷа гарм мешавад
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Сафири Тоҷикистон дар Амрико дар Форуми сатҳи баланд иштирок намуд
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
