НИШАСТИ МАТБУОТӢ. Қурби расмии доллари амрикоӣ нисбат ба сомонӣ 7,0 фоиз баланд шудааст
ДУШАНБЕ, 11.08.2023 /АМИТ «Ховар»/. Бонки миллии Тоҷикистон соли равон сиёсати қурбиро тибқи реҷаи «шинокунандаи танзимшаванда, бе муайян ва эълон кардани ҳудудҳои тағйирёбии қурб» идома до два дар ин давра қурби расмии доллари амрикоӣ нисбат ба сомонӣ 7,0 фоиз (аз 10,2024 сомонӣ дар санаи 31.12.2022 то ба 10,9140 сомонӣ дар санаи 30.06.2023) баланд шудааст.
Тавре муовини аввали Раиси Бонки миллии Тоҷикистон Фирдавс Толибзода имрӯз дар ҷараёни нишасти матбуотӣ ба хабарнигорон гуфт, қурби расмии миёнадавраи доллари амрикоӣ нисбат ба сомонӣ дар ин давра ба 10,7 сомонӣ баробар гардида, дар муқоиса ба ҳамин давраи соли гузашта ба андозаи 9,0 фоиз паст мебошад.
«Агар ба вазъи иқтисоди ҷаҳон дар ин давра назар андозем, маълум мегардад, ки қурби расмии асъори миллии аксари кишварҳои шарикони асосии тиҷоратии Ҷумҳурии Тоҷикистон низ нисбат ба доллари амрикоӣ тағйир ёфтааст»,-иброз дошт Фирдавс Толибзода. Мисол, қурби тангаи Қазоқистон 1,8 фоиз устувор ва қурбҳои лираи Туркия 38,1 фоиз, рубли Федератсияи Русия 23,7 фоиз, рубли Беларус 10,8 фоиз, юани Чин 5,1 фоиз, суми Узбекистон 2,3 фоиз ва соми Қирғизистон 1,8 фоиз нисбат ба доллари амрикоӣ коҳиш ёфтаанд.
Бо дахли вазъи низоми бонкии мамлакат Фиравс Толибзода иброз дошт, ки ҳоло дар ҷумҳурӣ дар маҷмуъ 64 ташкилоти қарзии молиявӣ фаъолият доранд, ки 14 бонки анъанавӣ, 1 бонки исломӣ, 1 ташкилоти қарзии ғайрибонкӣ, 19 ташкилоти амонатии қарзии хурд, 3 ташкилоти қарзии хурд ва 26 фонди қарзии хурдро ташкил медиҳанд.
Гуфта шуд, ки теъдоди воҳидҳои сохтории ташкилоти қарзии молиявии мамлакат дар ин давра ба 1 881 адад баробар шуд, ки нисбат ба ҳамин санаи соли гузашта 33 адад зиёд мебошад.
Марзия САИДЗОДА,
АМИТ «Ховар»
АКС: АМИТ «Ховар»
Байни Тоҷикистон ва Чин Ёддошти тафоҳуми ҳамкорӣ дар соҳаи стандартизатсия ба имзо расид
Тоҷикистон ва Арманистон ҳамкориро дар самти ҳифз ва барқарорсозии экосистемаҳо ва мониторинги гуногунии биологӣ тақвият медиҳанд
Байни Тоҷикистон ва Чин Ёддошти тафоҳум оид ба мусоидат ба ҳамкорӣ дар соҳаи инфрасохтор ва сохтмони муҳандисӣ ба имзо расид
Байни мақомоти зиддикоррупсионии Тоҷикистон ва Чин Ёддошти тафоҳум оид ба пешгирӣ ва мубориза бо коррупсия ба имзо расид
Дар Агентии авиатсияи гражданӣ дар мавзуи «Амнияти иттилоотӣ дар шароити таҳдидҳои киберии муосир» ҳамоиш доир шуд
Дар Тоҷикистон беш аз 4 ҳазор коргоҳу корхонаи истеҳсолӣ фаъолият менамояд
Сохтмони роҳи таворавии шаҳри Кӯлоб қадами муҳим дар рушди инфрасохтори нақлиётии Тоҷикистон аст
Дар вилояти Суғд ҳаҷми истеҳсоли маҳсулоти кишоварзӣ ба беш аз 21 миллиард сомонӣ расид
ҚУРБИ АСЪОР: 1 рубли русӣ аз 0.0990 то 0.1104 сомонӣ муқаррар шудааст
«Барномаи рушди иҷтимоию иқтисодии вилояти Хатлон барои солҳои 2026–2030» 31,2 фоиз иҷро гардид
Дар Тоҷикистон 7136 ҳолати вайронкунии қонунгузории замин бартараф карда шуд
Ҳамкории БАТР бо Тоҷикистон дар соҳаи энергетика тақвият меёбад
