СОЛҲОИ РУШДИ САНОАТ. Дар Хоруғ корхонаи истеҳсоли маҳсулоти нонии «Хамир» мавриди баҳрабардорӣ қарор гирифт
ДУШАНБЕ, 24.08.2023 /АМИТ «Ховар»/. Бахшида ба Солҳои рушди саноат (2022-2026) ва дар доираи сафари кории Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҳудуди бозори «20-солагии Истиқлолият»-и шаҳри Хоруғ корхонаи истеҳсоли маҳсулоти нонии «Хамир» мавриди истифода қарор дода шуд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии Вилояти Мухтори Кӯҳистони Бадахшон хабар медиҳад.
Бо мавриди баҳрабардорӣ қарор додани ин коргоҳ 7 нафар соҳиби ҷойи кор гардид. Тасмим гирифта шудааст, ки дар маркази вилоят 10 номгӯй маҳсулоти нонӣ истеҳсол шавад. Коргоҳи истеҳсоли маҳсулоти нонии «Хамир» имконият дорад, ки дар як рӯз то 350 кг ордро коркард намояд. Арзиши харҷномавии лоиҳа зиёда аз 450 ҳазор сомониро дар бар гирифта, дар муддати кӯтоҳ сохта шуд.
Бунёди корхона ва коргоҳҳои саноатӣ аз ҳадафҳои асосии Ҳукумати Ҷумҳурии Тоҷикистон ба ҳисоб меравад. Дар шаҳри Хоруғ дар ду соли охир таъсиси корхонаҳои зиёди саноатӣ ба маротиб афзоиш ёфт.
Яке аз афзалияти корхонаи истеҳсоли маҳсулоти нонӣ дар он аст, ки он бо таҷҳизоти ҳозиразамон муҷаҳҳаз гашта, ҷараёни кори коргоҳ ба таври рақамӣ амалӣ ва назорат мешавад. Дар истеҳсоли маҳсулоти нонӣ омехтаҳои кимиёвӣ истифода намегарданд.
Панҷ нафар коргарзанон фаъолияти дастгоҳҳои нонпазиро ба таври худкор идора намуда, дар корхона дар баробари истеҳсоли маҳсулоти анъанавӣ шаклҳои гуногуни нонҳои парҳезӣ низ бо истифода аз орди навъи дуюм ва сеюм омода мешаванд.
Умед аст, ки дар ояндаи наздик корхона тавоноии истеҳсолиашро ба маротиб зиёд намуда, маҳсулоти хушсифат ва аз ҷиҳати экологӣ тоза истеҳсол намояд.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
Кормандони соҳаи алоқа бо мукофотҳои давлатӣ сарфароз гардиданд
Дар Донишгоҳи байналмилалии сайёҳӣ ва соҳибкории Тоҷикистон маросими супоридани мукофотҳои давлатӣ баргузор шуд
Дар Вазорати корҳои хориҷӣ бахшида ба 35-солагии Истиқлоли давлатӣ чорабинии тантанавӣ баргузор гардид
ИСТИҚЛОЛУ ОЗОДӢ — РАМЗИ ВОҚЕИИ ИФТИХОР АЗ ВАТАНУ ВАТАНДӮСТӢ. Тавсифҳои истиқлолият аз суханҳои пурарзиши Президенти Тоҷикистон
Дар Вилояти Мухтори Кӯҳистони Бадахшон кормандони соҳаҳои гуногун бо мукофотҳои давлатӣ қадрдонӣ шуданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Ба ифтихори 35-солагии Истиқлоли давлатӣ сохтмончиёни НБО-и «Роғун» бо мукофотҳои давлатӣ сарфароз гардонида шуданд
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Пешвои миллат Эмомалӣ Раҳмон дар шаҳри Бохтар дар чорабинии бошукӯҳи фарҳангӣ ба ифтихори ҷашни 35-солагии Истиқлоли давлатӣ иштирок намуданд
Бахшида ба 35-солагии Истиқлолияти давлатӣ дар Фурудгоҳи байналмилалии Душанбе ҷамъомади тантанавӣ доир шуд
Вазири мудофиа: «Давоми солҳои соҳибистиқлолӣ Артиши миллии Тоҷикистон роҳи пуршарафу пурмасъулиятро тай намуд»
