32-СОЛАГИИ ИСТИҚЛОЛИЯТИ ДАВЛАТӢ. Дар Турсунзода 24 км роҳҳои байнидеҳавии ҷамоати 10-солагии Истиқлолият мумфарш гардид
ДУШАНБЕ, 07.09.2023 /АМИТ «Ховар»/. Ба истиқболи 32-солагии Истиқлолияти давлатии Ҷумҳурии Тоҷикистон дар деҳаи Нақшбандони Ҷамоати деҳоти 10-солагии Истиқлолияти шаҳри Турсунзода 1,3 км, дар деҳаҳои Пайканд 1,2, Хуррамзамин, Нуристон 7 км, деҳаҳои Бахтовар 1,2,3, Нурафшон-1 ва 2 зиёда аз 4 км роҳи нақлиётгарди байнидеҳавӣ баъд аз таъмиру барқарорсозӣ мавриди баҳрабардорӣ қарор гирифт. Зимни ба истифода додани роҳ муовини аввали Раиси шаҳри Турсунзода Сайидамин Остоназода ва муовини раиси шаҳр Суҳроб Каримзода, инчунин сокинони маҳаллӣ иштирок намуданд.
Масъулин дар ин ҷо бо сокинон суҳбати самимӣ намуда, аҳолиро даъват намуданд, ки дар вусъат бахшидани корҳои ободонию созандагӣ саҳми бештар гузоранд. Дар ин баробар аз тарафи масъулин ба фаъолон ва саҳмгузорони ин иқдоми нек сипосномаҳо тақдим гардид.
Ҳамчунин бо мақсади сазовор истиқбол гирифтани 32-солагии Истиқлолияти давлатии Ҷумҳурии Тоҷикистон роҳи асосии деҳаи Ҷовидони Ҷамоати деҳоти Қаратоғи шаҳри Турсунзода ба истифода дода шуд. Роҳи мазкур солҳои зиёд асфалтпӯш нашуда буд. Баъди иқдом гирифтани соҳибкорони саховатманд Ҳоҷӣ Умаралӣ Сафаров ва сокини деҳа Салимҷон Маҷидов роҳи мошингард пурра асфалтпӯш шуд.
Ташаббуси неку созандаи соҳибкорон барои аҳли деҳа дар арафаи ҷашни истиқлололият туҳфаи арзишманде хоҳад буд. Зеро чунин кори созанда орзуву омоли чандинсолаи аҳолии деҳаро амалӣ сохт.
Мардуми деҳаи Ҷовидон ояндаи наздик нақша доранд, ки симчӯбҳои фарсудаи деҳаро ба симчӯбҳои нави бетонӣ иваз намоянд. Ҳамчунин масъалаи чароғонкунии кӯчаҳо низ дар нақша аст.
Ёдовар мешавем, ки имсол сокинони сарбаланди мамлакат 32-солагии Истиқлолияти давлатии Ҷумҳурии Тоҷикистонро таҷлил менамоянд. Таърих собит намудааст, ки даст ёфтан ба истиқлолият муборизаву ҷоннисорӣ ва ваҳдату ҳамфикрии миллиро тақозо менамояд, вале ҳимояи пирӯзиҳо ва дастовардҳои истиқлолият кори аз он ҳам душвортар аст. Ин масъулият ва рисолати ҳар фарди ватандӯсти ин сарзамин бояд бошад.
АКС: Мақомоти иҷроияи ҳокимияти давлатии шаҳри Турсунзода
Маҷлиси Ҳукумати Ҷумҳурии Тоҷикистон баргузор гардид
Дар шаҳри Ваҳдат бунгоҳҳои тиббӣ ба истифода дода шуданд
«БАРНОМАИ РУШДИ МИНТАҚАИ САЙЁҲИИ РОҒУН». Дар доираи амали он роҳҳо мумфарш, хатсайрҳои сайёҳӣ зиёд ва инфрасохтори хизматрасонӣ беҳтар карда шуд
Дар Панҷакент беш аз 400 километр роҳҳои маҳаллӣ таъмир ва мумфарш карда шуданд
Сарвари давлат Эмомалӣ Раҳмон дар шаҳри Душанбе ба фаъолияти истеҳсолии ҶДММ «Шаҳдоб» оғоз бахшиданд
Президенти Ҷумҳурии Тоҷикистон Эмомалӣ Раҳмон дар шаҳри Душанбе корхонаи масолеҳи сохтмонии ҶДММ «Эко Блок»-ро мавриди баҳрабардорӣ қарор доданд
Пешвои миллат Эмомалӣ Раҳмон барои бунёди эстакадаҳои дусатҳа ва азнавсозии пули мошингузар дар хиёбони Саъдии Шерозии шаҳри Душанбе санги асос гузоштанд
Дар Хоруғ муассисаҳои соҳаи фарҳанг навсозӣ мешаванд
СОЛИ ОБОДОНИЮ СОЗАНДАГӢ. Дар ноҳияи Ёвон гузаргоҳҳо ва роҳҳои пиёдагард таъмиру навсозӣ мешаванд
Дар вилояти Суғд беш аз 15 ҳазор иншоот бунёд гардидааст
Дар ноҳияи Восеъ муассисаҳои таълимӣ навсозӣ карда мешаванд
Дар ноҳияи Бобоҷон Ғафуров сохтмони бинои нави муассисаи таълимӣ идома дорад
