Ҳайати «Амонатбонк» дар ҷаласаи 29-уми Гурӯҳи минтақавии Осиё дар Мумбай иштирок намуд
ДУШАНБЕ, 19.09.2023 /АМИТ «Ховар»/. Гурӯҳи кории Корхонаи воҳиди давлатии Бонки амонатгузории Ҷумҳурии Тоҷикистон «Амонатбонк» дар ҷаласаи 29-уми Гурӯҳи минтақавии Осиё ва Форуми ҷаҳонии молиявии соҳибкории хурду миёна дар соли 2023, ки бо ташаббуси Институти умумиҷаҳонии бонкҳои амонатгузор ва чакана (WSBI) дар ҳамбастагӣ бо Бонки давлатии Ҳиндустон дар шаҳри Мумбайи Ҳиндустон доир гардид, иштирок намуд. Дар ин хусус ба АМИТ «Ховар» дар «Амонатбонк» иттилоъ доданд.
Дар ҷаласаи 29-уми Гурӯҳи минтақавии Осиё аз ҷониби Институти умумиҷаҳонии бонкҳои амонатгузор ва чакана (WSBI) вобаста ба ҷараёни корҳо дар соли 2023 ва нақшаҳои минбаъда дар соли 2024 рӯнамоӣ манзур гардид. Дар он намояндагони бонкҳои амонатгузории аъзои Институти умумиҷаҳонии бонкҳои амонатгузорӣ ва чакана (WSBI) аз давлатҳои Осиёи Ҷанубӣ иштирок намуда, оид ба дастовардҳои молиявии худ рӯнамоӣ пешниҳод намуданд.
Дар ҷаласа мушкилиҳои соҳа, пешниҳод ва имконият, экосистемаи рақамӣ ва ҳамкории байнибонкӣ баррасӣ гардиданд. Ҳамзамон бо ташаббуси Корпоратсияи байналмилалии молиявӣ Форуми ҷаҳонии маблағгузории соҳибкории хурду миёна бо иштироки беш аз 700 нафар намояндагони ширкату бонкҳо доир шуд, ки дар он масъалаҳои марбут ба маблағгузории соҳибкории хурду миёна, дастгирии занони соҳибкор ва нақши соҳибкории хурду миёна дар рушди иқтисодиёт баррасӣ шуданд.
«Амонатбонк» аз соли 2004 аъзои Институти умумиҷаҳонии бонкҳои амонатгузорӣ ва чакана буда, то имрӯз бо он дар самтҳои гуногун ҳамкорӣ менамояд.
Беш аз 6700 бонки амонатгузор ва чакана аз тамоми дунё аъзои Институти умумиҷаҳонии бонкҳои амонатгузорӣ ва чакана буда, бештари масъалаҳое, ки бо ташаббуси ин институт баррасӣ мегарданд, аз танзими ҳамкории байналмилалӣ ва баланд бардоштани сатҳи ихтисоси мутахассисони бонкҳои аъзо иборат мебошад.
АКС: «Амонатбонк»
Масъалаҳои рушди ҳамкории Тоҷикистон ва Русия дар соҳаи энергетика баррасӣ гардиданд
Намояндаи Тоҷикистон дар Конфронси 30-юми ҷаҳонии сармоягузорӣ дар Женева иштирок кард
Тоҷикистон ва Қазоқистон дар соҳаи рушди низоми тиҷорати электронӣ ҳамкориро тақвият медиҳанд
Байни Тоҷикистон ва Арабистони Саудӣ дар самти муқовимат ба коррупсия Ёддошти тафоҳум оид ба ҳамкорӣ ба имзо расид
САРФАИ НЕРУИ БАРҚ МАСЪУЛИЯТИ АХЛОҚИИ ҲАР ЯК ШАҲРВАНД АСТ! Чанд тавсия дар Рӯзи байналмилалии сарфаи энергия
Дар Конфронси байналмилалии телекоммуникатсия се самти афзалиятноки рушди соҳаи алоқаи Тоҷикистон муаррифӣ гардид
РӮЗИ БАЙНАЛМИЛАЛИИ САРФАИ ЭНЕРГИЯ. Истифодаи самараноки неруи барқ яке аз ҳадафҳои муҳими Стратегияи миллии рушди Тоҷикистон аст
Тоҷикистон ва Қазоқистон ҳамкориро дар соҳаи зеҳни сунъӣ густариш медиҳанд
Идоракунии устувори захираҳои обҳои зеризаминӣ дар Тоҷикистон баррасӣ гардид
ҚУРБИ АСЪОР: 1 доллари ИМА аз 9.1400 то 9.2086 сомонӣ муқаррар гардидааст
Пахтакорони пешсафи ноҳияи Дӯстӣ қадрдонӣ карда шуданд
Дар ноҳияи Спитамен ба зимистонгузаронӣ ва таъмини фаъолияти устувори шабакаҳои барқӣ омодагӣ мебинанд
