Ҳайати Тоҷикистон дар ҳамоиши сатҳи баланд оид ба навкунии низоми омор дар Латвия иштирок дорад
ДУШАНБЕ, 27.09.2023 /АМИТ «Ховар»/. 26 сентябр дар шаҳри Ригаи Ҷумҳурии Латвия ҳамоиши сатҳи баланд барои роҳбарони мақомоти омори давлатҳои ҳамсояи шарқии Аврупо ва Осиёи Марказӣ дар мавзуи «Навкунии низоми оморӣ» оғоз гардид, ки дар он ҳайати Ҷумҳурии Тоҷикистон таҳти роҳбарии Директори Агентии омори назди Президенти Ҷумҳурии Тоҷикистон Ҷамшед Нурмаҳмадзода иштирок дорад. Дар ин хусус АМИТ «Ховар» бо истинод ба Агентии омор хабар медиҳад.
Директори Агентии омор дар мавзуи «Навкунии низоми омори миллӣ», натиҷаҳои сиёсати пешгирифтаи Ҳукумати Ҷумҳурии Тоҷикистон дар самти рушди иҷтимоию иқтисодӣ ва дастовардҳои соҳа сухан намуд.
Чорабинии сатҳи баланд дар мавзуи «Навкунии низоми оморӣ» ҳамасола аз ҷониби Омори Аврупо дар ҳамкорӣ бо Ассотсиатсияи савдои озоди Аврупо (EFTA) ва Комиссияи иқтисодии Аврупоии СММ (UNECE) баргузор гардида, ба мақомоти омори давлатҳо имкон медиҳад, ки тамоми мушкилиҳо ва дастовардҳои соҳаи оморро мавриди баррасӣ қарор диҳанд. Ҳадафи асосии ҷаласаи навбатӣ- ин баррасии масъалаҳои рушди соҳаи омор давоми 12 моҳи охир ва ҳамкории байналмилалӣ барои пешбурди низоми омор арзёбӣ мегардад.
Ҳамоиши мазкур то 28 сентябр идома ёфта, намояндагони мақомоти омори Тоҷикистон рӯнамои навбатии худро оид ба дастовардҳо ва нақшаҳои минбаъдаи навкунии низоми омори миллӣ пешниҳод менамоянд.
Дар доираи ин чорабинӣ вохӯрии ҳайати Агентии омор бо намояндагони Омори Аврупо, Комиссияи иқтисодии Аврупоии СММ, оҷонсиҳои омори мамлакатҳои дигар, инчунин табодули афкор оид ба масъалаҳои ҳамкории минбаъда дар назар аст.
АКС: Агентии омори назди Президенти Ҷумҳурии Тоҷикистон
НИШАСТИ МАТБУОТӢ. Ноҳияи Вахш ба хориҷи Тоҷикистон маҳсулоти кишоварзӣ содирот менамояд
35-СОЛАГИИ ИСТИҚЛОЛИ ДАВЛАТӢ. Дар ноҳияи Мир Сайид Алии Ҳамадонӣ зеристгоҳи нави барқии 110/35/10 кВ ба истифода дода мешавад
НИШАСТИ МАТБУОТӢ. Дар Хатлон маҷмуи маҳсулоти минтақавӣ ба 19,9 миллиард сомонӣ баробар шуд
Вазирони оби кишварҳои Осиёи Марказӣ масъалаҳои идоракунии захираҳои обиро баррасӣ намуданд
Хадамоти алоқа: «Аз харидорӣ, насб ва истифодаи худсаронаи репитерҳои ғайристандартӣ ва бе танзими касбӣ худдорӣ намоед»
Байни Душанбе ва Минск парвозҳои мустақими ҳавоӣ оғоз мегарданд
Тоҷикистон лоиҳаи «Харитаи роҳ»-ро оид ба татбиқи Стратегияи рақамикунонии долонҳои асосии нақлиётии мултимодалии ИДМ муаррифӣ намуд
Дар ноҳияи Ҷаббор Расулов парвариши пахта ва ҷамъоварии ҳосили пиёз идома дорад
ИМРӮЗ — РӮЗИ КОРМАНДОНИ СОҲАИ СОХТМОН. Меъмории миллӣ ба ташаккули симои нави шаҳрҳо ва муҳити зисти муносиб мусоидат менамояд
Дар ноҳияи Ҷалолиддини Балхӣ ҳаҷми истеҳсоли маҳсулоти саноатӣ ба 149,6 миллион сомонӣ расид
Ҳаҷми умумии маблағгузории сармоя дар ноҳияи Хуросон ба зиёда аз 337 миллион сомонӣ расонида шуд
Ташаббусҳои глобалии Тоҷикистон дар масъалаи обу иқлим дар муколамаи ҷавонон баррасӣ шуданд
