«Амонатбонк»-и Тоҷикистон ва «Халқ-Бонк»-и Узбекистон ҳамкориро тавсеа мебахшанд
ДУШАНБЕ, 18.09.2023 /АМИТ «Ховар»/. КВД «Амонатбонк»-и Тоҷикистон ва «Халқ-Бонк»-и Узбекистон ҳамкориро тавсеа мебахшанд. Масъалаи ба роҳ мондан ва таҳкими ҳамкорӣ байни «Амонатбонк»-и Тоҷикистон ва «Халқ-Бонк»-и Узбекистон дар мулоқоти Раиси Раёсати Корхонаи воҳиди давлатии Бонки амонатгузории Ҷумҳурии Тоҷикистон «Амонатбонк» Сироҷиддин Икромӣ бо роҳбари ҳайати «Халқ-Бонк»-и Ҷумҳурии Узбекистон — муовини Раиси Раёсати Халқ-Бонк Дилшод Қутлиев дар Душанбе баррасӣ гардид. Дар ин хусус ба АМИТ «Ховар» дар «Амонатбонк» иттилоъ доданд.
Дар мулоқот оғози ҳамкории дуҷониба ва дурнамои рушди он, аз ҷумла паҳлуҳои муҳими оғози ҳамкории дуҷониба дар самтҳои гуногуни бонкдорӣ, тавсеаи муносибатҳои муросилотӣ бо ба имзо расонидани Созишнома оид ба ҳамкории дуҷониба ва дар заминаи он тақвияти амалиёту пардохтҳо бо асъори хориҷӣ баррасӣ гардид.
Ҳамзамон дарёфти масири нави ҳамкорӣ байни бонкҳо, табодули таҷриба дар бахшҳои гуногун, кушодани суратҳисобҳои муросилотӣ ва таъсиси фазои сармоягузории муштарак ва дигар мавзуъҳои вобаста ба соҳаи бонкӣ муҳокима шуд.
АКС: «Амонатбонк»
35-СОЛАГИИ ИСТИҚЛОЛИ ДАВЛАТӢ. 106,7 фоизи корҳои созандагӣ бахшида ба ҷашни миллии Тоҷикистон таъмин гардидааст
35-СОЛАГИИ ИСТИҚЛОЛИ ДАВЛАТӢ. Дар ноҳияи Бобоҷон Ғафуров корхонаҳои саноатӣ ба истифода дода мешаванд
Ҷаласаи Кумитаи муштараки роҳбарикунандаи Ҳукумати Ҷумҳурии Тоҷикистон ва Созмони Милали Муттаҳид доир шуд
Бахшида ба 20-солагии Донишкадаи энергетикии Тоҷикистон конфронси 3-юми байналмилалӣ баргузор шуд
ҚУРБИ АСЪОР: 1 доллари ИМА аз 9.3200 то 9.4009 сомонӣ муқаррар шудааст
Дар Бангкок тавсеаи ҳамкории Тоҷикистон бо ЭСКАТО баррасӣ гардид
Ҳайати Тоҷикистон дар конфронси ҷаҳонии Сеул оид ба корхонаҳои давлатӣ иштирок намуд
СТРАТЕГИЯИ РУШДИ СОҲАИ АЛОҚА. Қабули ин санади стратегӣ кафолати рушди босуботи соҳа мебошад
Дар Тоҷикистон 87 лоиҳаи сармоягузории давлатӣ ба маблағи 51,6 миллиард сомонӣ амалӣ мегардад
Гурӯҳи кории байниидоравӣ оид ба рақамикунонии соҳаи буҷет ва молия таъсис дода мешавад
Раиси Кумитаи рушди сайёҳии Ҷумҳурии Тоҷикистон дар ҷаласаи СҲШ иштирок намуд
