Аз ҷониби Сарони давлатҳои Осиёи Марказӣ Созишнома оид ба таҳкими муносибатҳои нақлиёти рӯизаминӣ ба имзо расид
ДУШАНБЕ, 15.09.2023 /АМИТ «Ховар»/. Сарони давлатҳои Осиёи Марказӣ дар доираи мулоқоти панҷуми машваратӣ дар Душанбе панҷ санади ҳамкорӣ ба имзо расониданд, ки яке аз онҳо Созишнома оид ба таҳкими муносибатҳои нақлиёти рӯизаминӣ дар Осиёи Марказӣ мебошад, иттилоъ медиҳад мухбири АМИТ «Ховар».
Ҳадафи Созишномаи мазкур таҳкими ҳамкории устувор дар минтақаи Осиёи Марказӣ дар соҳаи нақлиёт ва логистика арзёбӣ мегардад. Инчунин санад ба фароҳам овардани шароити мусоид барои рушди ҳамлу нақли байналмилалӣ тавассути нақлиёти рӯизаминӣ, таъмини муҳити рақобат дар бозори хизматрасонии нақлиётӣ дар минтақаи Осиёи Марказӣ, баланд бардоштани самаранокӣ ва ташаккули долонҳои нави байналмилалӣ, аз ҷумла долонҳои мултимодалӣ, сода намудани раванди интиқол ва транзит тавассути нақлиёти рӯизаминӣ, рушди хизматрасонии муосири нақлиётӣ-логистикӣ, татбиқ ва истифодаи технологияҳои инноватсионӣ, хусусан рақамисозии раванди ҳамлу нақл, ташвиқ ва рушди амалияи истифодаи намудҳои нақлиёти аз лиҳози экологӣ ҷавобгӯ мусоидат менамояд.
Имзои Созишнома оид ба таҳкими муносибатҳои нақлиёти рӯизаминӣ аз ҷониби Сарони давлатҳои Осиёи Марказӣ дар ҳоле аст, ки 13 сентябр дар Душанбе нахустин мулоқоти вазирони нақлиёти Осиёи Марказӣ баргузор гардид. Дар он масъалаҳои муҳими марбут ба таҳкими ҳамкорӣ дар соҳаи нақлиёт ва логистика баррасӣ шуданд.
АКС: Хадамоти матбуоти Президенти Ҷумҳурии Тоҷикистон/АМИТ «Ховар»
Дар вилояти Хатлон ҷамъоварии пахта 40,76 фоизи нақшаи солонаро ташкил медиҳад
Дар ноҳияи Мир Сайид Алии Ҳамадонӣ зеристгоҳи нави 110 кВ-и «Чубек» ба истифода дода шуд
Дар Туркманистон ҷаласаи 95-уми Комиссияи байнидавлатии ҳамоҳангсозии хоҷагии обии Осиёи Марказӣ доир шуд
«Саноатсодиротбонк» ба натиҷаҳои назарраси молиявӣ ноил гардид
Бунёди зеристгоҳи нави барқии 220 кВ дар шаҳри Душанбе ва таҷдиду навсозии НБО «Варзоб-2» баррасӣ гардид
Дастовардҳои миллии Тоҷикистон дар Намоишгоҳи кишварҳои ИДМ муаррифӣ гардиданд
Дар Душанбе Форуми сеюми соҳибкории кишварҳои Осиёи Марказӣ ва Амрико доир мегардад
ИМРӮЗ-РӮЗИ ҶАҲОНИИ ПОЧТА. «Почтаи Тоҷикистон» то соли 2030 ба маркази миллии логистика ва хизматрасониҳои рақамӣ табдил меёбад
Дар Тоҷикистон беш аз 300 тонна пилла истеҳсол гардидааст
Дар Душанбе масъалаи рушди технологияҳои рақамӣ ва ҳифзи кӯдакон дар муҳити рақамӣ баррасӣ гардид
Корхонаи коркарди пахтаи ноҳияи Фархор баъд аз таъмир ба истифода дода шуд
РӮЗИ ҶАҲОНИИ ПАХТА. Як килограмм нахи пахта дар бозори ҷаҳонӣ ба 16 килограмм гандум баробар аст
