БА ИСТИҚБОЛИ 35-СОЛАГИИ ИСТИҚЛОЛИЯТИ ДАВЛАТӢ. Дар шаҳри Кӯлоб беш аз 400 иншооти таъйиноти гуногун бунёд мегардад
КӮЛОБ, 18.09.2023 /АМИТ «Ховар»/. Бахшида ба ҷашни 35-солагии Истиқлолияти давлатии Ҷумҳурии Тоҷикистон дар шаҳри Кӯлоб беш аз 400 иншооти таъйиноти гуногун бунёд мегардад, хабар медиҳад мухбири минтақавии АМИТ «Ховар» Сулаймон Холзода.
Давоми солҳои охир шаҳри Кӯлоб бо қомат афрохтани биноҳои баландошёна ва таҷдиду навсозии боғҳои истироҳатӣ, роҳу пулҳо ва хиёбону гулгаштҳо симои хешро ба куллӣ тағйир додааст. Дар рӯзҳои истиқбол аз 30-солагии Истиқлолияти давлатии Ҷумҳурии Тоҷикистон дар шаҳр беш аз 800 иншоот сохта, ба истифода дода шуда буд.
Бахшида ба ҷашни 35-солагии Истиқлолияти давлатии Ҷумҳурии Тоҷикистон беш аз 400 иншооти дигар бунёд мешаванд. Дар ин замина дар Ҷамоати деҳоти «Зарбдор» бо фармоиши Маркази ҳамоҳангсозии лоиҳаҳо оид ба таҷдид ва рушди иншооти инфрасохтори иҷтимоӣ аз ҷониби пудратчӣ- Ҷамъияти дорои масъулияти маҳдуди «Паргор» сохтмони муассисаи томактабӣ барои 200 нафар кӯдак идома дорад. Бинои мазкур аз се ошёна иборат буда, дар он тамоми шароит муҳайё мешавад. Дар айни замон корҳои сохтмонӣ дар ошёнаи сеюм ба анҷом расида, рӯзҳои наздик ба пӯшонидани болои бино шуруъ менамоянд.
Бо дастури роҳбарияти олии мамлакат дар маркази шаҳр сохтмони 4 хонаи истиқоматӣ барои оилаҳои аз садамаи нақлиётӣ зарардида оғоз гардидааст. Бо ташаббуси Мақомоти иҷроияи ҳокимияти давлатии шаҳри Кӯлоб, вилояти Хатлон ва соҳибкорону шахсони саховатпеша аллакай пойдевори манзилҳои истиқоматӣ сохта шуда, барои бунёди деворҳо корҳо идома доранд.
Дар хиёбони Исмоили Сомонӣ бо фармоиши идораи сохтмони асосии Мақомоти иҷроияи ҳокимияти давлатии шаҳри Кӯлоб аз ҷониби ҶДММ «Давлатманд» барқарорсозии обравҳои паҳлуи роҳ идома дорад. Сохтмончиён дар паҳлуи роҳҳо ба воситаи оҳану бетон девор месозанд, ки валангоршавии роҳи автомобилгардро пешгирӣ менамояд. Дар ин ҷо 12 нафар сохтмончиёни маҳаллӣ ба кор ҷалб гардидаанд. Дар кӯчаи ба номи С. Сафаров бо фармоиши идораи сохтмони асосӣ ҶДММ «Қобилҷон ЛТД» корҳои барқарорсозии обравҳоро шуруъ намудааст. Барои анҷоми босифати корҳои сохтмонӣ мутахассисони маҳаллӣ ҷалб гардидаанд.
Тавре муҳандис Саломиддин Раҷабов иттилоъ дод, «дар кӯчаи мазкур аз ҳисоби хурд будани ҳаҷми обравҳо мушкилӣ пеш омадааст ва барои рафъи ин он мақомоти иҷроияи ҳокимияти давлатӣ маблағи зарурӣ ҷудо намудааст. Кормандони идораи сохтмони асосӣ ҷараёни корҳоро пайваста назорат мебаранд».
Дар дигар иншооти ҷашнӣ низ корҳо бомаром идома дошта, масъулон кӯшиш доранд иншоотро сари вақт ва бо сифати баланд ба истифода супоранд.
АКС: АМИТ «Ховар»
Сарвари давлат Эмомалӣ Раҳмон қисми минтақавии Раёсати Вазорати корҳои дохилии Ҷумҳурии Тоҷикистон дар вилояти Хатлон оид ба гурӯҳи ноҳияҳои Кӯлобро ифтитоҳ намуданд
Пешвои миллат Эмомалӣ Раҳмон бинои Раёсати ҳифзи муҳити зист дар минтақаи Кӯлобро мавриди истифода қарор доданд
Сарвари давлат Эмомалӣ Раҳмон сафари корӣ ба шаҳри Кӯлоб ташриф оварданд
Дар Ҷамоати деҳоти Роҳатии ноҳияи Рӯдакӣ иншооти нави таълимию варзишӣ ба истифода дода шуданд
Дар шаҳри Панҷакент сохтмони иншооти иҷтимоӣ вусъат меёбад
Пешвои миллат Эмомалӣ Раҳмон дар ноҳияи Восеъ ба фаъолияти Маркази таълимӣ ва забономӯзии «Ориё» расман оғоз бахшиданд
Президенти Ҷумҳурии Тоҷикистон Эмомалӣ Раҳмон дар ноҳияи Восеъ боғчаи бачагонаи «Маҳдия»-ро ба истифода супориданд
Сарвари давлат Эмомалӣ Раҳмон дар ноҳияи Восеъ ба таври фосилавӣ 20 иншооти таъиноташон гуногун ва 70 километр роҳҳои маҳаллиро мавриди баҳрабардорӣ қарор доданд
Пешвои миллат Эмомалӣ Раҳмон дар ноҳияи Восеъ бинои Меҳмонхона ва Маркази хизматрасонии «Эҳсон»-ро ба истифода доданд
Дар шаҳри Москва 35-солагии Истиқлоли давлатии Тоҷикистон таҷлил намуданд
Президенти Ҷумҳурии Тоҷикистон Эмомалӣ Раҳмон дар ноҳияи Восеъ бинои Беморхонаи хусусии «Тибби Ҳулбук»-ро мавриди истифода қарор доданд
Сарвари давлат Эмомалӣ Раҳмон бо сафари корӣ ба ноҳияи Восеъ ташриф оварданд
