БАХШИДА БА 32-СОЛАГИИ ИСТИҚЛОЛИЯТИ ДАВЛАТӢ. Дар Душанбе кормандони илму маориф қадрдонӣ шуданд
ДУШАНБЕ, 06.09.2023. /АМИТ «Ховар»/. Дар давоми 32 соли соҳибистиқлолии Тоҷикистон аҳли маориф ва илми мамлакат дар баробари намояндагони дигар соҳаҳо дар устувор гардонидани пояҳои давлатдорӣ ва сиёсати иҷтимоии ҷумҳурӣ саҳми назаррас гузоштаанд. Чунин изҳор шуд зимни ҳамоише, ки бахшида ба 32-солагии Истиқлолияти Ҷумҳурии Тоҷикистон дар Вазорати маориф ва илми Ҷумҳурии Тоҷикистон доир гардид.
Таъкид шуд, ки соҳибистиқлоливу соҳибдавлатӣ ба мо имкон дод, ки дар рушду тараққии мамлакати азизамон саҳм гузорем ва тавонем, ки мутахассисони варзида ва сатҳи байналмилалӣ тарбия намоем.
Дар ҳамоиш Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Эмомалӣ Насриддинзода ба 15 нафар кормандони соҳаҳои илму маориф, ки дар фаъолияти корӣ дар соҳаи маориф ва илм натиҷаҳои назаррас доранд, аз номи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон мукофот ва унвону ҷоизаҳои давлатии Ҷумҳурии Тоҷикистон — медали «Хизмати шоиста» ва Ифтихорномаи Ҷумҳурии Тоҷикистонро супорида, ҳозиринро ба муносибати ҷашни муқаддаси миллӣ – 32-солагии Истиқлолияти давлатӣ табрик намуд.
Гуфта шуд, ки дар арафаи ҷашни 32-юмин солгарди Истиқлолияти давлатии Ҷумҳурии Тоҷикистон бо мукофотҳои давлатӣ сарфароз гардонидани намояндагони соҳаи маориф ва илм, пеш аз ҳама, аз таваҷҷуҳи беандозаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон нисбат ба соҳаи маориф ва илм дарак медиҳад.
Аз ин рӯ мо бояд минбаъд низ имконияту қобилияти зеҳнӣ ва донишу таҷрибаи худро ба ободу пешрафта гардонидани Тоҷикистони соҳибистиқлол равона созем.
АКС: Маркази матбуоти Вазорати маориф ва илми Ҷумҳурии Тоҷикистон
35-СОЛАГИИ ИСТИҚЛОЛИ ДАВЛАТӢ. Дар ин давра дар Бадахшон 300 муассисаи таҳсилоти умумӣ ба истифода дода шуд
Дар даври сеюми имтиҳонҳои марказонидаи дохилшавӣ беш аз 16 ҳазор нафар донишҷӯ шуданд
Дар шаҳри Кӯлоб муассисаи таълимӣ баъди таъмиру навсозӣ ба истифода дода шуд
Донишҷӯёни Донишгоҳи байналмилалии сайёҳӣ ва соҳибкории Тоҷикистон дар Олимпиадаи байналмилалӣ оид ба бехатарии молиявӣ иштирок намуданд
Ба муассисаҳои таҳсилоти миёнаи умумии Тоҷикистон зиёда аз 842 ҳазор китоби дарсии «Забони русӣ» ворид гардид
Дар Донишгоҳи давлатии Хоруғ ду маркази муосири таълимӣ ба истифода дода шуд
Дар Донишгоҳи давлатии Кӯлоб бахшида ба Рӯзи омӯзгорон ва Рӯзи забони давлатӣ ҳамоиши илмӣ–маърифатӣ доир шуд
Пешвои миллат: «Бе донистани забони адабии тоҷикӣ омӯхтани забонҳои хориҷӣ номумкин аст»
Дар Душанбе доир ба саҳми Пешвои миллат дар рушди забони тоҷикӣ ҳамоиш баргузор шуд
«ЗЕҲНИ СУНЪӢ–ЭЪТИМОД, АМНИЯТ ВА РУШД». Дар Донишгоҳи технологии Тоҷикистон конфронси байналмилалӣ доир шуд
«ЗАБОНИ МИЛЛАТ-ҲАСТИИ МИЛЛАТ». Дар Донишкадаи омӯзгории Тоҷикистон дар Рашт ҳамоиши илмӣ доир гардид
Раҳим Саидзода: «Омӯзгор бо таълиму тарбияи насли наврас дар ташаккули неруи зеҳнӣ ва маънавии ҷомеа саҳм мегузорад»
