Бинои таълимии Муассисаи давлатии таълимии Коллеҷи политехникии Донишгоҳи давлатии Данғара баъд аз навсозӣ ба истифода супорида шуд
ДУШАНБЕ, 01.09.2023 /АМИТ «Ховар»/. Дар доираи сафари кории Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ноҳияи Данғара имрӯз бинои таълимии Муассисаи давлатии таълимии Коллеҷи политехникии Донишгоҳи давлатии Данғара баъд аз навсозӣ ба истифода супорида шуд.
Дар маросими ба истифода супоридани иншоот роҳбарияти Вазорати маориф ва илми Ҷумҳурии Тоҷикистон, Мақомоти иҷроияи ҳокимияти давлатии вилояти Хатлон ва ноҳияи Данғара иштирок намуданд.
Дар Коллеҷи политехникии Донишгоҳи давлатии Данғара довталабон дар зинаи таҳсилоти ибтидоӣ ва миёнаи касбӣ таҳсил менамоянд. Коллеҷ дорои 2 факултет ва шуъбаи ибтидоии касбӣ, аз ҷумла муҳандисӣ ва технологияи муосири истеҳсолӣ, технологияи коркарди истеҳсолӣ буда, 4 кафедра, аз ҷумла фанҳои гуманитарӣ, табиӣ, риёзӣ, хизматрасонии техникӣ ва таъмири таҷҳизоти соҳавӣ ва технологияи дӯзандагӣ ва хизматрасонӣ мебошад.
Синфхонаҳои таълимӣ ва ҳуҷраҳои кории коллеҷ зебову барҳаво буда, бо таҷҳизоти муосир муҷаҳҳаз гардидаанд.
Дар Коллеҷ 62 нафар омӯзгор, ки 56 нафарашон дорои маълумоти олӣ ва 6 нафар миёнаи махсус мебошанд, фаъолият доранд.
Ҳоло дар коллеҷ 327 нафар донишҷӯ дар зинаи таҳсилоти ибтидоии касбӣ ва зинаи таҳсилоти миёнаи касбӣ- аз инҳо 264 нафар дар гурӯҳҳои рӯзона ва 63 нафар дар гурӯҳҳои ғоибона таҳсил менамоянд. Аз ин шумора 79 нафар духтарон мебошанд.
Ёдовар мешавем, ки Коллеҷи политехникии Донишгоҳи давлатии Данғара ҳанӯз соли 1977 дар заминаи Омӯзишгоҳи касбию техникии №57 ноҳияи Данғара таъсис дода шуда, дар тӯли фаъолияти худ борҳо тағйири ном намудааст.
Таҷдиду навсозии биноҳои таълимии Коллеҷи политехникии Донишгоҳи давлатии Данғара бо дастгирии Ҳукумати Тоҷикистон ва фармоиши Муассисаи давлатии Дирексияи сохтмони иншооти ҳукуматии Дастгоҳи иҷроияи Президенти Ҷумҳурии Тоҷикистон ба роҳ монда шудааст.
Дар китобхонаи коллеҷ 6 ҳазору 813 нусха китоби илмию бадеӣ ва техникию таълимӣ мавҷуд аст, ки аз он донишҷӯёну омӯзгорон мунтазам истифода мебаранд. Ҳамчунин дар муассисаи таълимӣ китобхонаи электронӣ мавҷуд аст, ки он дорои зиёда аз 50 нусха китоби электронӣ ва бадеӣ мебошад.
Бо таҷдиду навсозии биноҳои таълимии коллеҷ барои ба таълим ва касбомӯзӣ фаро гирифтани донишҷӯёни зинаи таҳсилоти ибтидоии касбӣ ва таҳсилоти миёнаи касбӣ шароити зарурӣ фароҳам оварда шуд.
АКС: Коллеҷи политехникии Донишгоҳи давлатии Данғара
«БЕҲТАРИН ОМӮЗГОР». Фотима Сайдализода дар Озмуни байналмилалии таҳқиқотӣ сазовори дипломи дараҷаи I гардид
Пешвои миллат Эмомалӣ Раҳмон дар ноҳияи Дарвоз ба фаъолияти комплекси сайёҳии «ЗЕВ.С» оғоз бахшиданд
Президенти Ҷумҳурии Тоҷикистон Эмомалӣ Раҳмон дар ноҳияи Дарвоз Хоҷагии моҳипарварии «Тоҷ-Корея»-ро мавриди истифода қарор доданд
Сарвари давлат Эмомалӣ Раҳмон дар ноҳияи Дарвоз маркази баҳисобгирии зеҳни сунъии «Darya AI»-ро мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар ноҳияи Дарвоз Комплекси агросаноатии фермаи чорвопарварӣ ва коргоҳи коркарди маҳсулоти шириро ифтитоҳ намуданд
Сарвари давлат Эмомалӣ Раҳмон қисми шоҳроҳи Кӯлоб-Хоруғ-Кулма-Чинро аз маркази ноҳияи Дарвоз то дарвозаи Рӯшон ба истифода доданд
Марҳалаи якуми озмуни довталабон барои дарёфти Стипендияи байналмилалии «Дурахшандагон» доир гардид
Президенти Ҷумҳурии Тоҷикистон Эмомалӣ Раҳмон дар ноҳияи Ванҷ Парки саноатиро мавриди истифода қарор доданд
Сарвари давлат Эмомалӣ Раҳмон дар ноҳияи Ванҷ толори варзиширо ифтитоҳ намуданд
Пешвои миллат Эмомалӣ Раҳмон дар ноҳияи Ванҷ ба таври маҷозӣ 7 муассисаи таълимии томактабиро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Ванҷ корхонаҳои истеҳсоли калсит, коркарди мармар ва сангҳои ороишии ҶСП «Мармар Стоун»-ро ифтитоҳ намуданд
