БОЗ ОМАД ТИРАМОҲ. Аввали моҳи сентябр Тоҷикистонро чӣ гуна ҳаво интизор аст?

Сентябрь 2, 2023 12:08

ДУШАНБЕ, 02.09.2023. /АМИТ «Ховар»/.  Ҳавои моҳи аввали тирамоҳ — сентябр ба обу ҳавои моҳи сентябри соли 2011 монанд хоҳад шуд. Ҳарорати миёнаи моҳонаи ҳаво дар ҳудуди меъёр ва дар баъзе ноҳияҳо аз меъёри иқлимӣ 1 дараҷа баланд пешгӯӣ шуда, даҳаи дуввуми моҳ ҳарорати ҳаво рӯ ба пастшавӣ меорад. Дар ин хусус зимни суҳбат бо мухбири АМИТ «Ховар» муовини Директори Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон Ҷамила Байдуллоева иттилоъ дод.

Дар ин давра дар вилояти Хатлон ва водиҳои ноҳияҳои тобеи ҷумҳурӣ ҳарорати миёнаи моҳонаи ҳаво дар водиҳо ва ноҳияҳои доманакӯҳӣ аз меъёри иқлимӣ 1-2 дараҷа баланд пешгӯӣ шуда, дар водиҳо 21+25 ва дар ноҳияҳои доманакӯҳӣ 18+19 дараҷаро ташкил медиҳад. Дар нимаи дуюми моҳ пастшавии ҳарорати ҳаво дар назар дошта шуда, дар водиҳо шабона то 10+15 ва рӯзона 28+33 дараҷа гарм хоҳад шуд. Дар ноҳияҳои доманакӯҳ шабона 7+12 ва рӯзона 20+25 дараҷа гарм мешавад.

Миқдори моҳонаи бориш дар ҳудуди меъёри иқлимӣ, дар баъзе ноҳияҳо аз меъёри иқлимӣ кам пешгӯӣ шуда, дар рӯзҳои алоҳида дар баъзе ноҳияҳо шиддатёбии вазиши шамол аз самти ғарб бо суръати то 17-22 метр дар як сония пешгӯӣ шуда, чангу ғубор ба амал меояд.

Дар вилояти Суғд ҳарорати миёнаи моҳонаи ҳаво аз меъёри иқлимӣ 1 дараҷа баланд пешгӯӣ шуда, дар водиҳо 20+23 ва дар ноҳияҳои кӯҳӣ 12+15 дараҷа гармиро ташкил медиҳад. Дар нимаи аввали моҳ ҳарорати бартариятдоштаи ҳаво дар водиҳо шабона 14+19 дараҷа ва рӯзона 30+35 дараҷа хоҳад шуд. Дар ноҳияҳои кӯҳӣ шабона 6+11 ва рӯзона 20+25 дараҷа гармӣ пешгӯӣ мешавад.

Дар нимаи дуюми моҳ пастшавии ҳарорати ҳаво дар назар дошта шуда, дар водиҳо шабона 9+14 ва рӯзона 25+30 дараҷа гармӣ пешгӯӣ мешавад. Дар ноҳияҳои кӯҳӣ шабона 0+5 ва рӯзона 15+20 дараҷа гармӣ дар назар дошта шуда, рӯзҳои алоҳида ҳарорати ҳаво то 10+15 дараҷа мешавад.

Миқдори моҳонаи бориш дар водиҳо аз меъёри иқлимӣ кам ва дар ноҳияҳои кӯҳӣ аз меъёри иқлимӣ зиёд пешгӯӣ мешавад. Дар баъзе ноҳияҳо шиддатёбии вазиши шамол бо суръати то 17-22 метр дар як сония пешгӯӣ мешавад.

Дар минтақаҳои кӯҳии ноҳияҳои тобеи ҷумҳурӣ ва ғарби Вилояти Мухтори Кӯҳистони Бадахшон ҳарорати миёнаи моҳонаи ҳаво аз меъёри иқлимӣ 1 дараҷа баланд пешгӯӣ шуда, дар минтақаҳои кӯҳии ноҳияҳои тобеи ҷумҳурӣ ва ғарби Вилояти Мухтори Кӯҳистони Бадахшон 16+20 дараҷаро ташкил медиҳад.

Миқдори моҳонаи бориш аз меъёри иқлимӣ зиёд, дар баъзе ноҳияҳо ҳудуди меъёри иқлимӣ дар назар дошта шудааст. Рӯзҳои алоҳида дар баъзе ноҳияҳо шиддатёбии вазиши шамол бо суръати то 17-22 метр дар як сония пешгӯӣ мешавад.

Дар шарқи Вилояти Мухтори Кӯҳистони Бадахшон ҳарорати миёнаи моҳонаи ҳаво аз меъёри иқлимӣ 1 дараҷа баланд пешгӯӣ шуда, 5+8 дараҷаро ташкил медиҳад. Давоми моҳ тағйирёбии ҳарорати ҳаво дар назар дошта шуда, шабона аз 0+5 дараҷа гарм то 0-5 дараҷа хунук, рӯзона аз 11+16 то 6+11 дараҷа гармӣ пешгӯӣ мешавад.

Миқдори моҳонаи бориш аз меъёри иқлимӣ зиёд пешгӯӣ шуда,   дар рӯзҳои алоҳида дар баъзе ноҳияҳо шиддатёбии вазиши шамол бо суръати то 12-17 метр дар як сония пешгӯӣ мешавад.

АКС аз манбаъҳои боз

Сентябрь 2, 2023 12:08

Хабарҳои дигари ин бахш

Дар Пекин масъалаҳои рушди қонунгузорӣ ва таҷрибаи муосири давлатдорӣ баррасӣ гардиданд
Дар Москва ҷаласаи 11-уми Алянси Авруосиёии омбудсменҳо баргузор гардид
Бахшида ба Рӯзи Президент дар вилояти Суғд роҳпаймоии идона баргузор шуд
Ҳамкории ҳуқуқии Тоҷикистону Чин дар Пекин баррасӣ гардид
Рӯзи Президентро дар ноҳияи Ёвон бо баргузории чорабиниҳои гуногун таҷлил намуданд
Ба муносибати Рӯзи Президент ва Иҷлосияи XVI Шурои Олӣ дар бинои Ҳукумати  Ҷумҳурии Тоҷикистон ҷамъомад баргузор шуд
Дар мавзуи «Низоми идоракунии президентӣ ва таъмини амнияти давлатӣ» ҳамоиши илмӣ-амалӣ доир шуд
Дар мақомоти Ваколатдор оид ба ҳуқуқи инсон бахшида ба Рӯзи Президенти Тоҷикистон ҳамоиш баргузор шуд
СИЁСАТИ ХОРИҶИИ ТОҶИКИСТОН – НАМУНАИ ДИПЛОМАТИЯИ МУТАВОЗИНУ СОЗАНДА. Эҳдо ба Рӯзи Президенти Ҷумҳурии Тоҷикистон
Дар Душанбе таҳти унвони «Президент — симои миллат ва рамзи давлат» ҳамоиши ҷумҳуриявӣ доир шуд
РӮЗИ ПРЕЗИДЕНТ ВА ТАҶАССУМИ ИРОДАИ ТАЪРИХИИ МИЛЛАТ ДАР БУНЁДИ ДАВЛАТДОРИИ НАВИН. Мулоҳизаҳои академик Фарҳод Раҳимӣ
ИҶЛОСИЯИ XVI – ЗАМИНАИ ТАЪРИХИИ ТАҲКИМИ ДАВЛАТДОРӢ, ҚОНУНИЯТ ВА АДОЛАТИ СУДӢ. Андешаҳо дар ин маврид