Дар Душанбе доир ба дурнамо ва амалисозии Стратегияи миллии Тоҷикистон дар соҳаи ҳифзи ҳуқуқи инсон ҳамоиши ҷумҳуриявӣ доир мегардад

ДУШАНБЕ, 03.09.2023. /АМИТ «Ховар»/.  5 сентябр дар Душанбе бо ташаббуси Ваколатдор оид ба ҳуқуқи инсон дар мавзуи «Стратегияи миллии Ҷумҳурии Тоҷикистон дар соҳаи ҳифзи ҳуқуқи инсон барои давраи то соли 2038: дурнамо ва амалисозии он» ҳамоиши ҷумҳуриявӣ доир мегардад.

Тавре ба АМИТ «Ховар» дар мақомоти Ваколатдор оид ба ҳуқуқи инсон хабар доданд, дар ҳамоиш намояндагони мақомоти давлатӣ, корпусҳои дипломатии муқими Душанбе, созмонҳои байналмилалӣ ва сохторҳои ҷомеаи шаҳрвандӣ иштирок менамоянд.

Ёдовар мешавем, ки 5 август Ҳуқумати мамлакат Стратегияи миллии Ҷумҳурии Тоҷикистон дар соҳаи ҳифзи ҳуқуқи инсон барои давраи то соли 2038-ро қабул намуд. Санади мазкур таҳлили ҳолати ҷорӣ ва мушкилоти асосии таъмини ҳуқуқ ва озодиҳои инсонро дар бар гирифта, ҳадаф, вазифаҳо ва принсипҳои асосии Стратегияи миллиро инъикос намудааст. Ҳамчунин дар Стратегияи миллӣ самтҳои стратегии фаъолият ва сарчашмаҳои маблағгузорӣ, амалисозӣ, мониторинг ва арзёбии он нишон дода шудаанд.

АКС: АМИТ «Ховар»