Дар Душанбе Форуми ректорони муассисаҳои таҳсилоти олии касбии давлатҳои Осиёи Марказӣ оғоз гардид
ДУШАНБЕ, 13.09.2023 /АМИТ «Ховар»/. Дар доираи ҷаласаи панҷуми машваратии сарони давлатҳои Осиёи Марказӣ ва ҷаласаи навбатии Шурои сарони давлатҳои муассиси Бунёди байналмилалии наҷоти Арал дар Донишгоҳи миллии Тоҷикистон имрӯз, 13 сентябр Форуми ректорони муассисаҳои таҳсилоти олии касбии давлатҳои Осиёи Марказӣ оғоз гардид. Дар ин хусус АМИТ «Ховар» хабар медиҳад.
Дар ифтитоҳи форум вазирони маорифи Тоҷикистон, Қазоқистон, Туркманистон, Узбекистон ва Қирғизистон иштирок намуданд.
Форумро ректори донишгоҳи миллӣ профессор Қобилҷон Хушвахтзода оғоз бахшида, ташрифи меҳмононро ба Донишгоҳи миллӣ хайрамақдам гуфт.
Ин форуми дуюми ректорони давлатҳои Осиёи Марказӣ аст, ки баргузор мешавад. Баргузории он дар шароити кунунӣ муҳим буда, дар густариши равобити илмиву фарҳангии панҷ давлати минтақа заминаҳои нав фароҳам меоварад.
Ҳамкории имрӯзаи донишгоҳҳои Осиёи Марказӣ метавонад барои ноил шудан ба ҳадафҳои муайяни стратегӣ мусоидат намояд. Дар нақша аст, ки дар форум намояндагони зиёда аз ҳафтод донишгоҳ иштирок менамоянд, ки аз ин 35 нафар аз муассисаҳои олии ҷумҳуриҳои Қазоқистон, Қирғизистон, Узбекистон ва Туркманистон мебошанд.
Дар маҷмуъ, наздики сад нафар намояндагони муассисаҳои олии таълимии минтақа дар форум иштирок доранд ва байни ҳам барои таҳкими муносибатҳои гуногунҷабҳаи илмию амалӣ табодули таҷриба менамоянд.
Дар форум байни роҳбарони муассисаҳои олии таълимии Тоҷикистон ва дигар давлатҳои минтақа як қатор санадҳои нави ҳамкорӣ ба имзо расонида шуд.
Дар идомаи сиёсати байналхалқии муваффақонаи Пешвои миллат муҳтарам Эмомалӣ Раҳмон ин форум метавонад ба самтҳои илм, таълим ва инноватсия такони нав бахшида, дар дӯстиву равобити халқҳои минтақа мусоидат намояд.
АКС: Донишгоҳи миллии Тоҷикистон
Пешвои миллат: «Бе донистани забони адабии тоҷикӣ омӯхтани забонҳои хориҷӣ номумкин аст»
Дар Душанбе доир ба саҳми Пешвои миллат дар рушди забони тоҷикӣ ҳамоиш баргузор шуд
«ЗЕҲНИ СУНЪӢ–ЭЪТИМОД, АМНИЯТ ВА РУШД». Дар Донишгоҳи технологии Тоҷикистон конфронси байналмилалӣ доир шуд
«ЗАБОНИ МИЛЛАТ-ҲАСТИИ МИЛЛАТ». Дар Донишкадаи омӯзгории Тоҷикистон дар Рашт ҳамоиши илмӣ доир гардид
Раҳим Саидзода: «Омӯзгор бо таълиму тарбияи насли наврас дар ташаккули неруи зеҳнӣ ва маънавии ҷомеа саҳм мегузорад»
МУАЛЛИМ–АҚЛ, ШАРАФ ВА ВИҶДОНИ ҶОМЕА. Иқтибосҳо аз суханрониҳои Президенти Тоҷикистон муҳтарам Эмомалӣ Раҳмон
«ЗАБОН ДОНӢ-ҶАҲОН ДОНӢ». Дар Донишгоҳи байналмилалии забонҳои хориҷии Тоҷикистон Озмуни байналмилалии донишҷӯён ҷамъбаст шуд
Дар ноҳияи Ванҷ Литсейи касбии техникӣ сохта мешавад
Имрӯз бахшида ба Рӯзи омӯзгорон ҳамоиши тантанавӣ баргузор гардид
Эмомалӣ Раҳмон: «Мо ба неруи созандаи аҳли маориф, таҷрибаи устодони рӯзгордида ва талошҳои омӯзгорони ҷавон эътимоди қавӣ дорем»
Донишгоҳи байналмилалии сайёҳӣ ва соҳибкории Тоҷикистон дар рейтинги GreenMetric World University Rankings 2026 ба натиҷаи бесобиқа ноил гардид
Донишгоҳи техникии Тоҷикистон ба раддабандии ҷаҳонии донишгоҳҳои сабз дохил гардид
