Дар Душанбе нахустин ҷаласаи Гурӯҳи корӣ оид ба гузаргоҳи мултимодалии «Тоҷикистон-Узбекистон-Туркманистон-Эрон- Туркия» доир мешавад
ДУШАНБЕ, 19.09.2023 /АМИТ «Ховар»/. 21 сентябр дар Душанбе нахустин ҷаласаи машваратии Гурӯҳи кории сатҳи баланд оид ба долони мултимодалии «Тоҷикистон – Узбекистон – Туркманистон – Эрон – Туркия» (ТУТЭТ) баргузор мешавад. Дар ин хусус АМИТ «Ховар» бо истинод ба Вазорати нақлиёти ҷумҳурӣ иттилоъ медиҳад.
Ҷаласаи машваратӣ таҳти сарпарастии Созмони ҳамкории иқтисодӣ (СҲИ — Economic Cooperation Organization, ECO) баргузор мегардад.
Мувофиқи тавсияи «Эъломияи Анқара», ки аз ҷониби маҷлиси 11-уми вазирони нақлиёти давлатҳои аъзои СҲИ 2 феврали соли 2022 қабул шудааст, қарор шуда буд, ки ҷаласаи машваратии Гурӯҳи кории сатҳи баланд ҷиҳати таҳияи барнома ва татбиқи лоиҳаи рушди роҳи автомобилгарди «Тоҷикистон-Узбекистон-Туркманистон-Эрон-Туркия» (ТУТЭТ) ва долони нақлиётии мултимодалӣ таъсис дода шавад.
Интизор меравад, ки дар ҷаласа масъалаҳои рушд ва пешбурди гузаргоҳи байналмилалии транзитӣ бо мақсади зиёд намудани боркашонӣ ва сода кардани расмиёти савдо, бахусус барои давлатҳое, ки ба баҳр дастрасӣ надоранд, баррасӣ шаванд.
Дар ҷаласаи якуми Гурӯҳи корӣ ба ғайр аз шахсони баландпояи Вазорати нақлиёти Тоҷикистон иштироки ҳайатҳои бонуфуз аз Эрон, Туркия, Узбекистон ва Туркманистон дар назар аст.
Масири нави интиқоли бор аз Чин ба Туркия тавассути Тоҷикистон, Узбекистон, Туркманистон ва Эрон 18 октябри соли 2022 дар Душанбе дар ҷараёни Конфронси байналмилалии «Логистика ва афзалияти он дар рушди робитаҳои нақлиётии Тоҷикистон бо кишварҳои минтақа» муаррифӣ гардида буд.
АКС: Вазорати нақлиёти Тоҷикистон
Президенти Тоҷикистон: «Дар 25 соли охир ба рушди иқтисоди мамлакат 760 миллиард сомонӣ сармоя равона гардидааст»
Дар хиёбони Саъдии Шерозии шаҳри Душанбе сохтмони як гузаргоҳ ва як пули мошингард оғоз меёбад
Султон Раҳимзода: «Тоҷикистон ба марҳилаи нави рушди шарикии давлат ва бахши хусусӣ ворид мешавад»
Дар Душанбе ғолибони Озмуни ҷумҳуриявии «Соҳибкори сол – 2026» бо ҷоизаҳо қадрдонӣ карда шуданд
Густариши фаъолияти Корпоратсияи байналмилалии молиявӣ дар Тоҷикистон баррасӣ гардид
Дар Ҷумҳурии Тоҷикистон шумораи соҳибкорзанони фаъол ба 110 ҳазор нафар расид
«Саноатсодиротбонк» дар номинатсияи «Беҳтарин соҳибкор дар соҳаи бонкдорӣ» ғолиб гардид
Маҷмуи маҳсулоти дохилии Вилояти Мухтори Кӯҳистони Бадахшон дар нуҳ моҳ ба 1,5 миллиард сомонӣ расонида шуд
Дар шаҳри Бангкок густариши ҳамкории Тоҷикистон бо Хазинаи байналмилалии асъор баррасӣ гардид
Дар Форуми ҷаҳонии озуқаворӣ имконоти соҳаи кишоварзии Тоҷикистон муаррифӣ гардид
MADE IN TAJIKISTAN. Дар доираи Форуми соҳибкории «Тоҷикистон, ба пеш!» маҳсулоти истеҳсоли ватанӣ муаррифӣ гардид
14 ОКТЯБР–РӮЗИ СОҲИБКОРОН. Соҳибкорон неруи бузургу пешбарандаи иқтисодиёти Тоҷикистон мебошанд
