Дар хоҷагиҳои деҳқонии ноҳияи Мастчоҳ ҷамъоварии пахта бомаром идома дорад
ДУШАНБЕ, 25.09.2023 /АМИТ «Ховар»/. Тибқи маълумоти оморӣ, дар хоҷагиҳои деҳқонии пахтакори ноҳияи Мастчоҳ то имрӯз зиёда аз 3000 тонна пахта ҷамъоварӣ шудааст, ки беш аз 10 фоизи нақшаи дурнамои ҳосилро ташкил медиҳад. Дар ин хусус АМИТ «Ховар» бо истинод ба дафтари матбуоти Раиси ноҳияи Мастчоҳ хабар медиҳад.
24 сентябр дар маъракаи чиниши пахта кормандони мақомоти иҷроияи ҳокимияти давлатии ноҳия ва ташкилоту муассисаҳои соҳаи тандурустӣ, маориф, фарҳанг ба кумаки марди деҳқон баромаданд.
Ҳамзамон ҳамарӯза дар ноҳия беш аз ду ҳазор нафар аз ҳисоби саҳмдорон ва ҳашарчиён барои ҷамъоварии «тиллои сафед» ба хоҷагиҳои деҳқонии пахтакор ҷалб мешаванд.
Раиси ноҳия бо кишоварзон ва ҳашарчиён суҳбат намуда, барои беталаф ва ҳарчӣ зудтар ҷамъоварӣ намудани ҳосил дастуру маслиҳатҳо дод. Таъкид шуд, ки шумораи ҳашарчиёнро аз ҳисоби саҳмдорон ва ёрдамчиён зиёд намуда, ҳамзамон онҳоро ба ғунучини пахта ҳавасманд намоянд.
Аз ҷониби ширкати фурӯши яхмос — «ICE GOLG» барои беш аз 2000 нафар чинакчии пахта яхмос дастрас шуд. Чунин иқдом минбаъд низ дар ҳудуди ноҳия идома ёфта, чинакчиёни беҳтарин ва хоҷагиҳои деҳқонии пешсаф бо туҳфаҳо сарфароз гардонида мешаванд.
АКС: дафтари матбуоти Раиси ноҳияи Мастчоҳ
Оид ба тақвияти ҳамкории Тоҷикистон ва Қазоқистон дар соҳаи геология Ёддошти тафоҳум оид ба ҳамкорӣ ба имзо расид
Густариши ҳамкории Тоҷикистон ва Чин дар соҳаи меъморию сохтмон баррасӣ гардид
Байни Тоҷикистон ва Қазоқистон Харитаи роҳ оид ба тақвияти минбаъдаи ҳамкорӣ дар соҳаи кишоварзӣ ба имзо расид
Дар Мамнуъгоҳи давлатии «Зоркӯл» камераҳои аксбардории худкор насб карда шуданд
Дар ноҳияи Данғара татбиқи технологияҳои инноватсионии парвариши зироат дар заминҳои лалмӣ баррасӣ гардид
Дар Душанбе картошкаи калонтарин ба намоиш-фурӯш гузошта шуд
Байни Тоҷикистон ва Қазоқистон Созишномаи қолабӣ оид ба ҳамкорӣ дар самти таҳвили маҳсулоти нафтӣ ба имзо расид
Ҳайати Тоҷикистон дар Конфронси ваколатдори Иттиҳоди байналмилалии телекоммуникатсия иштирок дорад
Дар Душанбе форум ва конфронси байналмилалии зиддикоррупсионӣ доир мегарданд
Ҳаҷми умумии қарзҳои додашуда дар Тоҷикистон 25,5 фоиз зиёд гардидааст
Ширкатҳои Тоҷикистон ҳамкориро бо соҳибкорони Ҷопон таҳким мебахшанд
Байни Тоҷикистон ва Қазоқистон Созишнома дар бораи ҳамкории иттилоотӣ дар соҳаи таъминоти нафақа ба имзо расид
