Дар Муассисаи таҳсилоти №1-и ноҳияи Мастчоҳ Дарси сулҳ бошукуҳ доир шуд
ДУШАНБЕ, 01.09.2023 /АМИТ «Ховар»/. Имрӯз дар Муассисаи таҳсилоти миёнаи умумии №1 ба номи Насим Салимови шаҳраки Бӯстони ноҳия Мастчоҳ ба муносибати Рӯзи дониш бо иштироки роҳбарияти ноҳия ва хонандагону омӯзгорон ҷамъомади идона доир гардид.
Гуфта шуд, ки дар партави таваҷҷуҳу дастгириҳои Президенти Ҷумҳурии Тоҷикистон муҳтарам Эмомалӣ Раҳмон дар ноҳияи Мастчоҳ низ таъмиру навсозӣ ва ба истифода додани муассисаҳои таълимӣ ва муассисаҳои томактабӣ бо маром идома дошта, сатҳи дониши хонандагон бамаротиб боло рафта истодааст. Дар ҷавоб ба чунин ғамхориҳо устодону омӯзгорон ва кормандони соҳаи маориф пурмаҳсул заҳмат кашида, дар натиҷа дастовардҳои соҳаи маориф сол аз сол бештар мегардад. Хонандагону толибилмони муассисаҳои таълимии ноҳия дар озмунҳои ҷумҳуриявию байналмилалӣ аз фанҳои гуногун ғолиб шуда, шарафи мактабу муаллим, падару модар ва зодгоҳу диёри худро баланд мебардоранд.
Ҳамзамон роҳбарияти ноҳия аз омӯзгорону устодон ва ҳамаи кормандони соҳаи маорифи ноҳия даъват намуданд, ки дар соли нави таҳсил баҳри тақвият додани дониши хонандагон, баланд бардоштани завқу салиқаи шогирдон, ҳамаҷониба омода намудан ва таъмини ғолибияти онҳо дар даврҳои ҷумҳуриявии озмунҳои «Фурӯғи субҳи доноӣ китоб аст», «Илм – фурӯғи маърифат», «Тоҷикистон- Ватани азизи ман» ва «Тоҷикон»-оинаи таърихи миллат», инчунин дигар озмунҳои фаннию таълимии ҷумҳуриявӣ ва байналмилалӣ саҳми шоиста гузоранд. Шогирдони донишманду хушахлоқ ва ватандӯсту ватанпарастро ба камол расонида, шуҳрати мактабу маорифи ноҳияро баланд бардоранд.
Пас аз анҷоми мулоқот роҳбарияти ноҳия ва намояндаи ҳукумати вилояти Суғд дар дарси сулҳ иштирок намуданд.
Муассисаи таҳсилоти миёнаи умумии №1 ба номи Насим Салимови шаҳраки Бӯстони ноҳияи Мастчоҳ 992 хонанда дошта, дар соли таҳсили нав ба ин муассиса 125 хонанда ба синфи якум қабул шудаанд.
Соли равон беш аз 20 нафар хатмкунандагони муассиса ба донишгоҳу донишкадаҳо ва коллеҷҳо дохил гардиданд. Дар муассиса дар айни замон 47 нафар омӯзгор фаъолият дорад.
АКС: Дафтари матбуоти Раиси ноҳияи Мастчоҳ
НИШАСТИ МАТБУОТӢ. Дар муассисаҳои таълимии Тоҷикистон сатҳи дониш ва азхудкунии барномаҳои таълимӣ баланд гардидааст
НИШАСТИ МАТБУОТӢ. Дар Комиссияи олии аттестатсионӣ 13 Шурои экспертӣ фаъолият доранд
Соли равон 85 хатмкунандаи Академияи идоракунии давлатӣ соҳиби дипломи аъло шуданд
Дар Душанбе вазъи омодасозии кадрҳои баландихтисос дар соҳаи металлургия баррасӣ гардид
Бахшида ба Рӯзи байналмилалии кооператсия дар Донишгоҳи давлатии тиҷорати Тоҷикистон ҳамоиши илмӣ баргузор гардид
Соли равон 12 номгӯй китоби дарсӣ барои синфҳои 5-6 нашр карда мешавад
Имрӯз даври асосии имтиҳонҳои марказонидаи дохилшавӣ ба муассисаҳои таълимии таҳсилоти миёнаи касбӣ ва олии касбӣ оғоз гардид
Доир ба ташаббуси навбатии ҷаҳонии Тоҷикистон конфронси илмӣ-назариявӣ баргузор шуд
Дар Донишгоҳи байналмилалии забонҳои хориҷии Тоҷикистон бахшида ба Даҳсолаи байналмилалӣ оид ба таҳкими сулҳ ҳамоиши илмӣ баргузор шуд
Ректори Донишгоҳи давлатии Кӯлоб: «Фарҳанги сулҳ пурарзиштарин неъмат ва беҳтарин дастоварди халқи тоҷик мебошад»
Дар Донишгоҳи миллӣ аз саҳми намоёни Тоҷикистон дар густариши сулҳи ҷаҳонӣ ёдовар шуданд
