Дар Суди конститутсионии Тоҷикистон бахшида ба Истиқлолияти давлатӣ маҷлиси тантанавӣ баргузор шуд
ДУШАНБЕ, 09.09.2023 /АМИТ «Ховар»/. Истиқлолияти давлатии Ватани азизамон дар сарнавишти давлату миллат ва ҳар фарди худшиносу худогоҳ, ватандӯсту ватанпараст саҳифаи нав боз намуда, моро бо таъриху фарҳанги нодири халқамон ва фарзандони барӯманди миллатамон шинос ва дар қалби ҳар яки мо меҳру муҳаббат ва садоқати бепоёнро ба ин мамлакати биҳиштосо ва мардуми сарбаланду тамаддунофар ҷой намуд. Ин матлаб 8 сентябр зимни маҷлиси тантанавӣ бахшида ба 32-солагии Истиқлолияти давлатии Ҷумҳурии Тоҷикистон дар Суди конститутсионии Ҷумҳурии Тоҷикистон баён шуд.
Иброз гардид, ки воқеият он аст, ки тантанаи адолати таърихию иҷтимоиро бе саҳми намоён, назаррас ва заҳматҳои шабонарӯзии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷкистон муҳтарам Эмомалӣ Раҳмон, ки дар саргаҳи ин Истиклолият қарор дорад, тасаввур намудан мумкин нест.
Аз ҷониби ӯ амиқ дарк намудани аҳамияти таърихию сиёсӣ, фарҳангию иҷтимоии Истиқлолияти давлатӣ, мазмуну мундариҷаи истиқлолиятхоҳӣ, ҳувияти миллӣ, ватандориву ватанпарастӣ, худогоҳу худшинос будан ва дар ҳамин руҳия тарбия намудани элитаи сиёсии миллӣ ва халқи Тоҷикистон сабаби он гардид, ки Тоҷикистон дар кӯтоҳтарин вақт ба рушди бомарому бонизоми давлат ва соҳаҳои хоҷагии халқ ноил шуд.
Таъкид гардид, ки вазифа ва масъулияти таърихии ҳар фарди худшиносу худогоҳ– ин ҳифзи дастовардҳои Истиклолияти давлатӣ ва афзун намудани онҳо мебошад. Муттаҳидӣ дар атрофи Пешвои миллат ба хотири ғояи «Тоҷикистон– Ватани ободу зебои мо» асос ва заминаи пешрафти минбаъдаи давлату давлатдории мо мебошад.
АКС: Суди конститутсионии Ҷумҳурии Тоҷикистон
Роҳҳои мошингарди ноҳияи Муъминобод таҷдиду навсозӣ мегарданд
35-СОЛАГИИ ИСТИҚЛОЛИ ДАВЛАТӢ. Дар шаҳри Хуҷанд сохтмони иншооти ҷашнӣ вусъат меёбад
Дар ноҳияи Муъминобод корҳои сохтмонӣ вусъати тоза меёбанд
Сарвазири Тоҷикистон Қоҳир Расулзода дар ноҳияи Ашт бо раванди бунёди неругоҳи барқи офтобӣ шинос шуд
Дар Суғд бо мақсади таҷлили шоистаи ҷашни Наврӯз корҳои сабзу хуррамгардонӣ оғоз шуданд
Дар шаҳри Кӯлоб таҳти раёсати Сарвазири Ҷумҳурии Тоҷикистон ҷаласаи корӣ баргузор шуд
Сарвазири мамлакат Қоҳир Расулзода дар шаҳри Кӯлоб бо корҳои сохтмонӣ ва соҳилмустаҳкамкунӣ шинос гардид
Бахшида ба 10-солагии мақоми шаҳрро касб намудани Ҳисор ҳамоиш баргузор гардид
Оид ба рушди индустриалӣ-аграрии Тоҷикистон конференсия баргузор гардид
Сарвазири Тоҷикистон дар ноҳияи Мир Сайид Алии Ҳамадонӣ бо корҳои созандагию ободонӣ шинос гардид
Бахшида ба 35-солагии Истиқлоли давлатӣ дар деҳаи Мадми ноҳияи Айнӣ муассисаи таҳсилоти миёнаи умумии №20 бунёд карда мешавад
«ЭМОМАЛӢ РАҲМОН — АБАРМАРДИ ТАЪРИХСОЗ». Таҳти ин унвон Озмуни ҷумҳуриявии «Мақолаи беҳтарин» баргузор мегардад
