Хонандагону омӯзгорони шаҳри Турсунзода Рӯзи донишро дар сатҳи баланд таҷлил намуданд

Сентябрь 1, 2023 16:42

ДУШАНБЕ, 01.09.2023. /АМИТ «Ховар»/. Имрӯз дар баробари шаҳру ноҳияҳои ҷумҳурӣ толибилмону омӯзгорони муассисаҳои таълимии шаҳри Турсунзода Рӯзи донишро бо шодиву фараҳ ва орзую таманниёти нек барои ояндаи дурахшони Ватан таҷлил намуданд. Аз ҷумла, дар муассисаи таҳсилоти миёнаи умумии №7-и шаҳри Турсунзода соли нави таҳсил бо ифтитоҳи толори варзишии муассиса баъди таъмиру таҷдид ва муҷаҳҳазгардонӣ оғоз ёфт. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Турсунзода хабар доданд.

Зимни ифтитоҳи толори мазкур Раиси шаҳри Турсунзода Парвиз Акрамзода, намояндагони соҳаи маорифи шаҳр ва омӯзгорону хонандагон иштирок намуданд.

Ифтитоҳи ин толори варзишӣ ғамхорӣ нисбат ба насли ояндасози миллат-наврасону ҷавонон мебошад.

Маҳз натиҷаи дастгириву ғамхориҳои роҳбарияти мамлакат аст, ки имрӯзҳо дар саросари ҷумҳурӣ, аз ҷумла дар шаҳри Турсунзода мактабҳои замонавӣ сохта мешаванд, ки дар онҳо барои беҳтар намудани таълиму тарбия шароити арзанда фароҳам оварда шудааст.

Насли наврас ва ҷавонони имрӯза бояд аз сабақи гузашта омӯзанд ва барои таҳкими сулҳу субот дар мамлакат талош намуда, дар ҳифзу устувории давлатдории миллӣ саҳм гузоранд.

Тазаккур дода шуд, ки маорифчиёни шаҳр бо мақсади дар сатҳи зарурӣ ва бо талаботи муосир ба роҳ мондани таълиму тарбия саъю кӯшиш менамоянд.

Иттилоъ дода шуд, ки ҳоло дар шаҳр 128 муассисаи таҳсилоти умумӣ: 70 таълимгоҳи миёнаи умумӣ, 6 типи нав, 1 литсей-интернат, 35 умумии асосӣ ва 16 муассисаи таҳсилоти ибтидоӣ фаъолият менамоянд. Дар онҳо 5 ҳазору 182 омӯзгор фаъолият доранд.

Бо мақсади бартараф намудани норасоии кадрӣ дар соҳаи маорифи шаҳр моҳи август аз ҳисоби кадрҳои ҷавоне, ки имсол донишгоҳу донишкадаҳои мамлакатро хатм намуданд, 23 нафар ба ҳайси омӯзгор ба кор пазируфта шуда, 38 омӯзгори собиқадор ба кор ҷалб гардид.

АКС: Мақомоти иҷроияи ҳокимияти давлатии шаҳри Турсунзода

Сентябрь 1, 2023 16:42

Хабарҳои дигари ин бахш

Дар Донишгоҳи техникии Тоҷикистон озмуни ихтироъкорони ҷавон баргузор гардид
Байни Академияи идоракунии давлатии Тоҷикистон ва Донишгоҳи федералии Урали Русия Созишномаи ҳамкорӣ ба имзо расонида шуд
«ИННОВАТСИЯ ДАР ТИБ — АЗ ИЛМ БА АМАЛИЯ». Дар Донишгоҳи давлатии тиббии Тоҷикистон конференсияи солонаи илмӣ-амалӣ доир шуд
Имрӯз ғолибони Озмуни ҷумҳуриявии ««Тоҷикон» – оинаи таърихи миллат» муайян мешаванд
Дар Донишгоҳи давлатии Хуҷанд вобаста ба масъалаҳои мубрами назарӣ ва амалии фанҳои санъати тасвирӣ конференсияи ҷумҳуриявӣ доир шуд
Дар Донишгоҳи байналмилалии забонҳои хориҷии Тоҷикистон масъалаҳои тарҷума ва тарҷумашиносӣ баррасӣ гардиданд
Дар шаҳри Хоруғ имтиҳонҳои қабул ба магистратураи «Мактаби давлатдории Эмомалӣ Раҳмон» доир шуданд
Деҳаи Хуҷабулоқи ноҳияи Балҷувон соҳиби мактаби замонавӣ гардид
Барои донишҷӯёни шуъбаи иқтисод ва идоракунии сайёҳии Донишгоҳи давлатии Хоруғ дарсҳои амалии саҳроӣ гузаронида шуданд
Дар Ҷамоати деҳоти Ориёни шаҳри Ҳисор ду бинои иловагии муассисаи таҳсилоти миёнаи умумӣ ифтитоҳ ёфт
Омӯзгорони Тоҷикистон ва Беларус табодули таҷриба менамоянд
Дар Душанбе Мактаби химикони давлатҳои Иттиҳоди Давлатҳои Мустақил мегузарад