Маҳмадалӣ Ватанзода ва Файзулло Наҷмиддиниён бо сокинони шаҳри Роғун мулоқот намуданд

Сентябрь 6, 2023 11:00

ДУШАНБЕ, 06.09.2023 /АМИТ «Ховар»/. Имрӯз муовини якуми Раиси Маҷлиси намояндагони Маҷлиси Олии Ҷумҳурии Тоҷикистон Маҳмадалӣ Ватанзода ва вакили Маҷлиси намояндагон Файзулло Наҷмиддиниён дар арафаи ҷашни Истиқлолияти давлатии Тоҷикистон бо сокинони шаҳри Роғун  мулоқот намуданд. Дар ин хусус ба АМИТ «Ховар» дар Маҷлиси намояндагон хабар доданд.

Зимни мулоқот Маҳмадалӣ Ватанзода ва Файзулло Наҷмиддиниён таъкид намуданд, ки дар Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» ҷараёни амалигардонии ҳадафҳои  стратегии давлату Ҳукумати Тоҷикистон возеҳу мушаххас баён гардида, вазъи геосиёсии минтақа ва ҷаҳон, буҳрони иқтисодӣ ва молиявӣ, инчунин роҳҳои ҳалли мушкилоти мавҷуда махсус таъкид шуд.

Пешвои миллат бо такя ба фаъолияти мақоми олии қонунгузори ҷумҳурӣ  иброз доштанд, ки рушди устувор ва босуръати мамлакат, махсусан амалӣ намудани стратегияҳо, барномаҳои дарозмуддат ва миёнамуҳлати мамлакат тақозо менамоянд, ки заминаҳои ҳуқуқии онҳо сари вақт ва босифат таъмин шаванд.

Ин вазифа аз мақомоти ҳуқуқэҷодкунанда, пеш аз ҳама, аз Парлумони мамлакат талаб менамояд, ки фаъолияти худро ҳамаҷониба тақвият бахшад.

Зимнан, таъкид шуд, ки вазифаҳои дар назди мо қарордошта тақозо менамоянд, ки фаъолияти Маҷлиси Олӣ ҷиҳати қабули қонунҳои саривақтии мукаммал ва босифат боз ҳам тақвият дода шавад.

Ин масъала дар навбати худ ҳамкории зичу доимии Парлумонро бо дигар мақомоти ҳуқуқэҷодкунанда, аз ҷумла бо субъектҳои дорои ҳуқуқи ташаббуси қонунгузорӣ ва татбиқи ҳуқуқ талаб менамояд.

Иброз гардид, ки яке аз муҳимтарин нуктаҳои дигаре, ки дар Паёми Пешвои миллат вобаста ба масъулияти мо таъкид гардида буд, ин омодагии ҳамаҷониба ва ҳиссагузорию мусоидати пайваста ба ҷашни 35-солагии Истиқлолияти давлатии Ҷумҳурии Тоҷикистон мебошад.

Дар ин росто, Сарвари давлат ҳамчунин дар назди масъулин ва сохторҳои дахлдор вазифа гузоштанд, ки ба ин раванд бо масъулияти том ва ҳисси баланди ватандӯстӣ муносибат намуда, ба масъалаи бунёди иншооти маорифу тандурустӣ, фарҳанг ва дигар муассисаҳои иҷтимоӣ, корхонаву коргоҳҳои истеҳсолӣ, махсусан ободу зебо гардонидани маҳалли зист, хиёбонҳо, гулгашту майдонҳо ва дигар корҳои созандагӣ эътибори аввалиндараҷа диҳанд.

Мутмаинем, ки сокинони ватандӯст ва бонангу номуси мамлакат дар пайи дастуру ҳидоятҳои Пешвои миллат бо камоли масъулияту ифтихор ҷашни дарпешистодаи   35-солагии Истиқлолияти давлатиро бо дастовардҳои беназиру самарабахш истиқбол мегиранд.

Мо, вакилони мардумӣ баҳри амалигардонии ҳамаи дастуру супоришҳое, ки дар Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон баён ёфтаанд, тамоми неру ва малакаву таҷрибаи кории худро равона менамоем.

Дар фарҷоми мулоқот муовини якуми Раиси Маҷлиси намояндагони Маҷлиси Олии Ҷумҳурии Тоҷикистон Маҳмадалӣ Ватанзода ва вакили Маҷлиси намояндагон Файзулло Наҷмиддиниён ба саволҳои сершумори сокинони шаҳри Роғун посух гуфтанд.

АКС: Маҷлиси намояндагони Маҷлиси Олии Ҷумҳурии Тоҷикистон

Сентябрь 6, 2023 11:00

Хабарҳои дигари ин бахш

35-СОЛАГИИ ИСТИҚЛОЛИИ ДАВЛАТӢ. Дар Панҷакент беш аз 800 иншооти таъйиноти гуногун ба истифода дода шуд
Дар Русия ҷаласаҳои навбатии Ассамблеяи байнипарламентии давлатҳои ИДМ баргузор гардиданд
35-СОЛАГИИ ИСТИҚЛОЛИ ДАВЛАТӢ. Дар ноҳияи Ҷаббор Расулов барои 200 тарбиятгиранда кӯдакистон сохта мешавад
35-СОЛАГИИ ИСТИҚЛОЛИ ДАВЛАТӢ. Дар Панҷакент иншооти нави таълимӣ ва варзишӣ ба истифода дода шуд
Файзалӣ Идизода бо ваколатдор оид ба ҳуқуқи инсон дар Федератсияи Русия вохӯрӣ намуд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо муовини Раиси Ҳукумати Федератсияи Русия Марат Ҳуснуллин мулоқот намуданд
Файзалӣ Идизода дар ҷаласаи маҷозии роҳбарони парламентҳои кишварҳо иштирок намуд
Иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Ҳайати Гурӯҳи дӯстӣ ва ҳамкории Маҷлиси намояндагони Тоҷикистон бо Палатаи намояндагони Маҷлиси миллии Беларус мулоқот намуд
35-СОЛАГИИ ИСТИҚЛОЛИ ДАВЛАТӢ. Дар шаҳри Хуҷанд сохтмони иншооти ҷашнӣ вусъати тоза меёбад
Намояндаи Тоҷикистон дар Конфронси умумиҷаҳонии парламентӣ оид ба мубориза бо терроризм ва пешгирии ифротгароӣ иштирок намуд
35-СОЛАГИИ ИСТИҚЛОЛИ ДАВЛАТӢ. Хиёбону кӯчаҳои шаҳри Турсунзода ба гулзор табдил дода шуданд