Намояндагони ниҳодҳои сайёҳии Иттиҳоди Давлатҳои Мустақил дар Душанбе таҳкими ҳамкорӣ дар соҳаи сайёҳиро баррасӣ намуданд
ДУШАНБЕ, 08.09.2023 /АМИТ «Ховар»/. «Марҳилаи нави ҳамкории давлатҳои аъзои Иттиҳоди Давлатҳои Мустақил дар соҳаи сайёҳӣ» — таҳти чунин унвон 7 сентябр дар шаҳри Душанбе Форуми байналмилалии сайёҳӣ баргузор гардид, ки дар он муовини Сарвазири мамлакат Матлубахон Сатториён доир ба тадбирҳои андешидаи Ҳукумати Ҷумҳурии Тоҷикистон дар самти рушди соҳаи сайёҳӣ, ки яке аз соҳаҳои афзалиятноки иқтисоди мамлакат маҳсуб мешавад, сухан гуфт.
Кумитаи рушди сайёҳии назди Ҳукумати Ҷумҳурии Тоҷикистон, идораю вазоратҳо, мақомоти иҷроияи ҳокимияти давлатии шаҳру ноҳияҳои мамлакат созмондиҳандагони форум буданд.
Дар кори форум намояндагони Ҳукумати Ҷумҳурии Тоҷикистон, Кумитаи рушди сайёҳӣ, вазорату идораҳои дахлдор, мақомоти иҷроияи ҳокимияти давлатии шаҳру ноҳияҳои ҷумҳурӣ, муассисаҳои таҳсилоти олии касбӣ, ширкатҳои сайёҳии ватаниву хориҷӣ, намояндагони соҳаи сайёҳии давлатҳои аъзои ИДМ, намояндагони сафоратхонаҳои муқими Тоҷикистон ва коршиносони соҳа иштирок намуданд.
Тақвияти ҳамкорӣ бо кишварҳои аъзои ИДМ дар самтҳои афзалиятноки соҳаи сайёҳӣ, татбиқи ҳадафҳои рушди устувор дар самти сайёҳӣ ва дигар паҳлуҳои масъалаҳои соҳа аз ҳадафҳои асосии Форуми байналмилалии сайёҳӣ арзёбӣ мегардад.
Иштирокдорони Форуми байналмилалии сайёҳӣ масъалаҳо вобаста ба ҷалби сармоя барои рушди инфрасохтори сайёҳӣ ва амалисозии лоиҳаҳои мақсаднок, инчунин алоқамандии тарафайн бо густариши минбаъдаи робитаҳо байни ширкатҳои сайёҳии ватаниву хориҷӣ ва давлатҳои ИДМ-ро муҳокима намуданд.
Инчунин дар ҷараёни Форуми байналмилалии сайёҳӣ намояндагони ширкатҳои сайёҳии ватаниву хориҷӣ бо мақсади рушди ҳамкорӣ ва ҷалби сайёҳон ба мамлакатҳои ҳамдигар санадҳои ҳамкорӣ ба имзо расониданд.
Дар ҳошияи Форуми “Марҳилаи нави ҳамкории давлатҳои иштирокчии ИДМ дар соҳаи сайёҳӣ” дар муассисаи давлатии “Боғи Ирам” Намоишгоҳи сайёҳии “Душанбе — шаҳри сайёҳӣ” бо намоиши молу маҳсулоти сайёҳӣ, ҳунарҳои мардумӣ, армуғонҳо ва лавозимотҳои сайёҳӣ, таомҳои миллӣ, имконият ва мавзеъҳои сайёҳии шаҳри Душанбе пешкаши меҳмонон ва иштирокчиёни Форум гардонида шуд.
АКС: Кумитаи рушди сайёҳии назди Ҳукумати Ҷумҳурии Тоҷикистон
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
