Намояндаи Тоҷикистон дар Форуми сеюми марказҳои зеҳнии «Чин – Осиёи Марказӣ» иштирок намуд

Сентябрь 26, 2023 13:16

ДУШАНБЕ, 26.09.2023. /АМИТ «Ховар»/. 21-22 сентябр дар шаҳри Сиани музофоти Шэнсии Ҷумҳурии Мардумии Чин бо ташаббуси пажуҳишгоҳи Русия, Аврупои Шарқӣ ва Осиёи Марказии Академияи илмҳои ҷамъиятии Чин Форуми сеюми марказҳои зеҳнии «Чин – Осиёи Марказӣ» доир гардид, ки дар он аз Маркази тадқиқоти стратегии назди Президенти Ҷумҳурии Тоҷикистон, ки яке аз муассисони ин қолаб ба ҳисоб меравад, директори Марказ Хайридин Усмонзода иштирок намуд. Дар ин хусус ба АМИТ «Ховар» дар Маркази тадқиқоти стратегии ҷумҳурӣ хабар доданд.

Форуми мазкур таҳти унвони «Муттаҳидсозии кӯшишҳо баҳри эҷоди ҷомеаи ба ҳам наздик ва дорои сарнавишти муштарак барои Чин ва Осиёи Марказӣ» баргузор гардида, иштирокчиёни он асосан дар бораи тавсеаи ҳамгироӣ байни давлатҳои Осиёи Марказӣ ва Чин дар шароити гуногунии фарҳангию тамаддунӣ ва роҳҳои ташкили ҷомеаи дорои сарнавишти муштарак мубодилаи афкор намуданд.

Хайридин Усмонзода дар мавзуи «Нақши равобити марказҳои таҳлилӣ дар таҳкими ҳамкории созанда дар Осиёи Марказӣ» сухан гуфта, ҷойгоҳи пажуҳишгоҳҳо ва марказҳои таҳлилӣ, мубодилаи афкори пайваста байни коршиносону пажуҳишгарони масоили сиёсию иқтисодӣ ва амниятиро дар тақвияти ҳамгироӣ байни давлатҳои минтақа ва Чин ва таҳкими ҳамкории байниминтақавӣ хеле зарур ва муҳим арзёбӣ намуд.

Дар форум зиёда аз 100 олим ва коршиноси варзида иштирок намуд.

Дар ҳошияи форум мулоқоти директори Марказ бо директори Институти Русия, Аврупои Шарқӣ ва Осиёи Марказии Академияи илмҳои ҷамъиятии Чин  Сун Чжуанжи доир гардид. Дар мулоқот ҷонибҳо оид ба вазъи кунунӣ ва дурнамои ҳамкории дуҷонибаи Тоҷикистон ва Чин сухан гуфта, густариши минбаъдаи равобити ҳар ду давлатро дар арсаҳои мавриди таваҷҷуҳ муҳим арзёбӣ намуданд.

Таъкид гардид, ки муносибатҳо байни Тоҷикистон ва Чин дар ҳама сатҳҳо ҷараёни баланди рушд дошта, минбаъд низ таҳти роҳбарии сарварони ҳар ду давлат равобити дуҷониба ва сатҳи бовариву эътимод такони бештар хоҳад ёфт.

АКС: Маркази тадқиқоти стратегии назди Президенти Ҷумҳурии Тоҷикистон

Сентябрь 26, 2023 13:16

Хабарҳои дигари ин бахш

«TASHKENT GRAND SLAM». Варзишгари Тоҷикистон Эмомалӣ Нуралӣ медали тилло ба даст овард
«ОИЛАИ НАМУНАВӢ». Таҳти ин унвон дар Тоҷикистон озмуни ҷумҳуриявӣ баргузор мегардад
Дар Душанбе масъалаи ҷалби сармояи ширкатҳои Қазоқистон ба иқтисоди Тоҷикистон баррасӣ шуд
«TASHKENT GRAND SLAM». Ҷудочии тоҷик Эмомалӣ Нуралӣ ба даври финалӣ баромад
Дар моҳи март сокинони Тоҷикистонро чӣ гуна ҳаво интизор аст?
Саҳифаҳои расмии АМИТ «Ховар» дар шабакаҳои иҷтимоӣ: facebook.com/niatkhovar, t.me/niatkhovar, youtube.com/@niat_Khovar_tj, instagram.com/niat_khovar/, twitter.com/niatkhovar, Радиои Ховар 101.5 fm, facebook.com/khovarfm/
Ҳангоми истифодаи хабару маводи сомона истинод ба www.khovar.tj ҳатмӣ аст!
Дурнамои густариши ҳамкории Тоҷикистон ва Корпоратсияи байналмилалии молиявӣ баррасӣ гардид
Дар Анталия раванди густариши муносибатҳои дуҷонибаи Тоҷикистон ва Туркия мавриди баррасӣ қарор гирифт
Имрӯз даври якуми бақайдгирии довталабон барои иштирок дар имтиҳонҳои марказонидаи дохилшавӣ оғоз шуд
Президенти Ҷумҳурии Тоҷикистон Эмомалӣ Раҳмон ба якчанд қонун имзо гузоштанд
«ТОҶИКОНА МЕПӮШЕМ!». Аввалин шинохти таъриху фарҳанги ҳар миллат аз либоси миллӣ ибтидо мегирад