Озмуни ҷумҳуриявии «Библиомарафон» ва маҳфили шеъру суруди «Рӯдакихонӣ» ҷамъбаст гардид
ДУШАНБЕ, 21.09.2023 /АМИТ «Ховар»/. 21 сентябр дар Консерваторияи миллии Тоҷикистон ба номи Т. Сатторов маросими ҷамъбаст ва мукофотсупории Озмуни ҷумҳуриявии «Библиомарафон» таҳти унвони «Ҳамнишине нест беҳтар аз китоб» ва маҳфили эҷодии шеъру суруди «Рӯдакихонӣ» баргузор шуд. Дар ин хусус АМИТ «Ховар» бо истинод ба Вазорати фарҳанги Ҷумҳурии Тоҷикистон хабар медиҳад.
Тибқи низомнома ва хулосаи аъзои ҳакамон, байни синфҳои 9 ва 10 ғолибон муайян гардида, бо диплому мукофоти пулӣ қадршиносӣ гардиданд.
Дар байни синфҳои 10 ҷойи якумро Марзбоналии Ҷӯрабек аз ноҳияи Мастчоҳ, ҷойҳои дуюмро Қурбондавлат Гулбекова аз ноҳияи Роштқалъа ва Саидикром Самадов аз шаҳри Бохтар, ҷойҳои сеюмро Бахтиёр Расулов аз шаҳри Душанбе, Озодбахт Муродов аз шаҳри Бӯстон ва Шоҳонаи Иззатулло аз ноҳияи Ховалинг, ҷойҳои ифтихориро Эмомалӣ Сабуров аз шаҳри Кӯлоб, Мадина Ғуломова аз ноҳияи Дӯстӣ, Меҳрона Сапиева аз шаҳри Турсунзода, Шаҳноза Обидҷонзода аз шаҳри Ваҳдат, Басира Одинаева аз ноҳияи Фирдавсӣ, Нигора Султоналиева аз ноҳияи Ишкошим соҳиб гардиданд.
Дар байни синфҳои 9 ҷойи якум ба Самира Саидзода аз шаҳри Турсунзода, ҷойҳои дуюм ба Комилаи Валиҷон аз шаҳри Панҷакент ва Саидаи Рамазон аз ноҳияи Восеъ, ҷойҳои сеюм ба Сабрина Неъматова аз шаҳри Душанбе, Фурқати Азалшо аз ноҳияи Рӯшон ва Мавлуда Бӯризода аз шаҳри Ваҳдат, ҷойҳои ифтихорӣ ба Шаҳром Шарифзода аз ноҳияи Муъминобод, Шукрона Ниёзова аз ноҳияи Панҷ, Иззат Ҷалолов аз шаҳри Бохтар, Сабрина Ҳикматова аз ноҳияи Мастчоҳ, Гулнигор Мамадносирова аз ноҳияи Шуғнон ва Омина Сафарова аз ноҳияи Сино сазовор дониста шуданд.
Дар маҳфили эҷодии шеъру суруди «Рӯдакихонӣ» ҳунарпешагони Театри давлатии академии драмавии ба номи А. Лоҳутӣ, овозхонони Филармонияи давлатии бачагонаи Тоҷикистон ва Консерваторияи миллии Тоҷикистон бо саҳнаҳои ҷолиб, суруду таронаҳои дилангез ҳунарнамоӣ намуданд. Ҳамзамон аз ҷониби ғолибони озмун шеърҳо аз ашъори устод Рӯдакӣ қироат шуданд.
АКС: Вазорати фарҳанги Ҷумҳурии Тоҷикистон
Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
Оид ба ҳифзи мероси таърихию фарҳангии тоҷикон конфронси байналмилалӣ доир шуд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Ғолибони озмуни ҷумҳуриявӣ қадрдонӣ гардиданд
«ТОҶИ СОМОН». Дар доираи синамоҷоизаи миллӣ рӯзҳои кинои Эрон, Русия, Узбекистон ва Қирғизистон баргузор мегардад
«БАРНОМАИ РУШДИ КИТОБХОНАҲОИ ДЕҲОТ». Он фаъолияти китобхонаҳоро ба талаботи замони муосир мутобиқ менамояд
Дар ноҳияи Рӯдакӣ доир ба баланд бардоштани сатҳи огоҳии ҷавонон оид ба хатари терроризм ҳамоиш баргузор шуд
Бинои нави маъмурии Муассисаи давлатии «Мамнуъгоҳи таърихию фарҳангии Ҳисор» ба истифода дода шуд
Дар Душанбе бахшида ба Рӯзи фалак ҳамоиш доир гардид
Имрӯз дар Тоҷикистон Рӯзи фалак таҷлил мегардад
Тоҷикистон дар Бозиҳои 20-уми Делфии ҷавонони кишварҳои аъзои ИДМ соҳиби ҷойи аввал гардид
Тоҷикистон ва Британияи Кабир ҳамкориро дар самти омӯзиши забони англисӣ густариш медиҳанд
Тоҷикистон ва Британияи Кабир ҳамкориро дар самти омӯзиш ва ҳифзи ёдгориҳои таърихию фарҳангӣ тақвият медиҳанд
