Президенти Тоҷикистон: «Шумораи донишгоҳу донишкадаҳо нисбат ба замони то истиқлол чор баробар ва донишҷӯён се баробар афзудааст»
ДУШАНБЕ, 01.09.2023. /АМИТ «Ховар»/. Имрӯз зимни суханронӣ дар Дарси сулҳ ба муносибати Рӯзи дониш Пешвои миллат муҳтарам Эмомалӣ Раҳмон иброз доштанд, ки илова ба ҳазорҳо муассисаи таълимие, ки то имрӯз бунёду навсозӣ гардидаанд, шумораи донишгоҳу донишкадаҳо нисбат ба замони то истиқлол чор баробар ва донишҷӯён се баробар афзудааст.
Савари давлат аз он изҳори нигаронӣ намуданд, ки баъзе таҳлилгарон корҳои то имрӯз дар соҳаи маориф амалигардидаро нодида мегиранд. «Онҳо фаромӯш намудаанд, ки аҳолии Тоҷикистон дар замони соҳибистиқлолӣ қариб ду баробар зиёд гардид. Афзоиши аҳолӣ, пеш аз ҳама, ба соҳаи маориф таъсир мерасонад. Яъне талабот ба мактаб ва ҷойи нишаст барои хонандагон зиёд мешавад», -хотиррасон намуданд Президенти Тоҷикистон.
Ба таъкиди Пешвои миллат, раванди бунёд намудани то 200 муассисаи таълимӣ дар як сол, ки ҳамасола амалӣ шуда истодааст, кори саҳлу осон нест.
«Як нуктаи муҳимро фаромӯш набояд намуд, ки мо бо сабабҳои ба ҳама маълум фақат аз соли 2000-ум имконият пайдо намудем, ки ба ҳалли масъалаҳои иҷтимоӣ, аз ҷумла бартарафсозии мушкилоти соҳаи маориф машғул шавем», -илова намуданд Президенти мамлакат муҳтарам Эмомалӣ Раҳмон.
АКС: АМИТ «Ховар»
16 июл дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
