Ширкати «IRS» ба Маркази миллии тавонбахшии кӯдакони маъюби «Чорбоғ»-и ноҳияи Варзоб микроавтобуси тамғаи «Damas» ва қолинҳо ҳадя намуд
ДУШАНБЕ, 14.09.2023. /АМИТ «Ховар»/. Бахшида ба 32-солагии Истиқлолияти давлатии Ҷумҳурии Тоҷикистон аз ҷониби филиали Ширкати саҳомии «Инновейтив Роуд Солюшнз ЛТД» дар Ҷумҳурии Тоҷикистон, ки сарпарасти Муассисаи давлатии Маркази миллии тавонбахшии кӯдакони маъюби «Чорбоғ»-и ноҳияи Варзоб ба ҳисоб меравад, ба ин муассиса микроавтобуси тамғаи “Damas” ва шумораи зиёди қолин ҳадя гардид. Дар ин хусус ба мухбири АМИТ «Ховар» дар ширкати мазкур хабар доданд.
Тавре директори Муассисаи давлатии Маркази миллии тавонбахшии кӯдакони маъюби «Чорбоғ» Чеҳрагул Қосимова иброз дошт, кормандони ширкат дар таҷлили ҷашнҳо, ки дар Муассисаи давлатии Маркази миллии тавонбахшии кӯдакони маъюби «Чорбоғ» дар ноҳияи Варзоб доир мегардад, пайваста иштирок менамоянд. Муҳимтар аз ҳама, онҳо ҳамеша ба муборакбодӣ ва аёдати бошандагони ин муассиса бо дастовез, ки тибқи дархости масъулини ин марказ харидорӣ шудааст, меоянд.
Бояд гуфт, ки аз рӯзҳои аввали фаъолият ин масъала – пешбурди фаъолияти хайриявӣ дар мадди назари роҳбарияти «IRS» буда, ба Хонаи кӯдакони № 1-и шаҳри Душанбе ба таври мунтазам кумак расонида мешавад. Филиали ширкат сарпарастии Муассисаи давлатии Маркази миллии тавонбахшии кӯдакони маъюби «Чорбоғ»-ро дар ноҳияи Варзоб ба зимма дорад.
Филиали ширкат муассисаи мазкурро мунтазам дастгирӣ намуда, таъмири толори варзишӣ ва бозсозии саҳни онро, ки дар ҳолати ногувор қарор дошт, бо истифода аз масолеҳи босифати сохтмонӣ дар сатҳи хуб ва сифати баланд амалӣ намуд. Ҳамрадиф бо ин иқдом «IRS» ба муассисаи мазкур маводи хӯрокворӣ, мошинаҳои дарздӯзӣ, ҷомашӯӣ, таҷҳизот барои ошхона, мизу курсӣ, асбоби гармидиҳӣ, катҳои хоб ва ғайра низ тақдим намудааст.
Ба ғайр аз ин, намояндагони филиали Ширкати саҳомии «Инновейтив Роуд Солюшнз ЛТД» ба таври мунтазам ба дидорбинии иштирокчиён ва собиқадорони ҷангу меҳнат рафта, ба онҳо кумаки моддӣ мерасонанд. Ҳамрадиф бо ин аз ҷониби филиали ширкат барои зарардидагони заминларзаи шаҳри Ваҳдат манзили истиқоматӣ бунёд ва бо лавозимоти зарурӣ таъмин карда шуд.
АКС аз филиали ширкати «IRS»
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
