Суратгузориши АМИТ «Ховар»: Тантанаи Истиқлол дар Донишгоҳи миллии Тоҷикистон

ДУШАНБЕ, 09.09.2023. /АМИТ «Ховар»/. Тавре қаблан иттилоъ додем, 8 сентябр дар Донишгоҳи миллии Тоҷикистон 32-солагии Истиқлолияти давлатии Ҷумҳурии Тоҷикистон ботантана таҷлил шуд.

Нахуст бо иштироки роҳбарияти донишгоҳ ва ҳайати устодону донишҷӯён роҳпаймоии осоишта баргузор гардид.

Дар ҳамоиш муовини Сарвазири Ҷумҳурии Тоҷикистон Матлубахон Сатториён, ректори Донишгоҳи миллии Тоҷикистон Қобилҷон Хушвахтзода, устодону донишҷӯёни донишгоҳ иштирок намуда, доир ба дастовардҳои назарраси замони истиқлолият сухан гуфтанд.

Иброз гардид, ки Истиқлолият барои ҳар миллат арзиши олӣ дошта, заминаи асосии мавҷудияти давлат ва кафили рушди давлатдории миллӣ ба шумор меравад.

Дар идома ба устодону кормандони донишгоҳ мукофотҳои давлатӣ ва соҳавӣ супорида шуд.

Суратгузориши АМИТ «Ховар» аз тантанаҳои ҷашнӣ  бахшида ба 32-солагии Истиқлолияти давлатӣ дар Донишгоҳи миллии Тоҷикистон пешниҳод мегардад.

АКС: Донишгоҳи миллии Тоҷикистон