35-СОЛАГИИ ИСТИҚЛОЛИЯТИ ДАВЛАТӢ. Дар Хоруғ бинои 12-ошёна, минтақаи саноатӣ ва парки технологӣ бунёд мешавад
ДУШАНБЕ, 13.10.2023 /АМИТ «Ховар»/. Ба истиқболи 35-солагии Истиқлолияти давлатии Ҷумҳурии Тоҷикистон Ҷамъияти саҳомии кушодаи «Ориёнбонк» дар шаҳри Хоруғ бинои 12-ошёна месозад. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Хоруғ хабар медиҳад.
Бо мақсади таҷлили сазовори ҷашни 35 — солагии Истиқлолияти давлатии Ҷумҳурии Тоҷикистон роҳбарияти «Ориёнбонк» тасмим гирифтааст, ки дар шаҳри Хоруғ сохтмони бинои 12-ошёнаро, ки дар он хонаҳои истиқоматӣ, аппартаментҳо ва филиали бонк дар Вилояти Мухтори Кӯҳистони Бадахшон ба нақша гирифта шудааст, оғоз намояд.
Ҳамзамон бахшида ба 35-солагии Истиқлолияти давлатӣ ва Солҳои рушди саноат (2022- 2026) ҷиҳати рушди соҳаи саноат ва таъсиси ҷойҳои нави корӣ дар заминаи собиқ «Заводи Нон»-и шаҳри Хоруғ минтақаи саноатӣ ва парки технологӣ таъсис дода мешавад.
Дар ин замина дар ҳудуди иншооти мазкур дар масоҳати 1,7 гектар сохтмони корхонаи саноатӣ оғоз мешавад.
Нахустин шуда, соҳибкори ватанӣ Рамеш Худоиев дар заминаи ин минтақаи саноатӣ сохтмони корхонаи истеҳсоли ҳасибро оғоз менамояд.
Бояд гуфт, ки дар шаҳри Хоруғ сохтмону навсозии 250 иншооти таъйиноти гуногун, асфалткунонии роҳҳои мошингард, чароғонкунии биноҳои баландошёна ва дигар корҳои ободониву созандагӣ ба нақша гирифта шуда, марҳила ба марҳила амалӣ мегарданд.
АКС: Рӯзномаи «Нигини Хоруғ»
Ҳамкории саноатӣ ва сармоягузории Тоҷикистону Қазоқистон густариш меёбад
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Дар ноҳияи Деваштич иншооти гуногуни иҷтимоӣ ба истифода дода шуданд
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Одил Дониш хостори тақвияти ҳамкорӣ бо Тоҷикистон гардидааст
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
