Ҷаласаи навбатии Шурои сарони ҳукуматҳои давлатҳои СҲШ имрӯз дар Бишкек баргузор мешавад
ДУШАНБЕ, 26.10.2023. / АМИТ Ховар/. Ҷаласаи навбатии 22-юми Шурои сарони ҳукуматҳои давлатҳои Созмони ҳамкории Шанхай (СҲШ) имрӯз дар пойтахти Қирғизистон — Бишкек баргузор мешавад. Дар он Сарвазири Ҷумҳурии Тоҷикистон Қоҳир Расулзода иштирок менамояд, хабар медиҳад АМИТ «Ховар».
Тибқи маълумоти сомонаи расмии Созмон, Шурои сарони ҳукуматҳои давлатҳои Созмони ҳамкории Шанхай буҷети Созмонро тасдиқ намуда, масъалаҳои асосии марбут ба соҳаҳои мушаххаси ҳамкории иқтисодӣ дар доираи созмонро баррасӣ ва оид ба онҳо қарор қабул менамояд.
Интизор меравад, ки иштирокдорони ҷаласа инчунин доираи васеи масъалаҳои вобаста ба ҳамкории тиҷоратию иқтисодӣ ва фарҳангию гуманитариро баррасӣ намоянд.
Дар айни замон ба Созмони ҳамкории Шанхай ҳамчун аъзои комилҳуқуқ 9 давлат: Ҳиндустон, Эрон, Қазоқистон, Чин, Қирғизистон, Покистон, Русия, Тоҷикистон ва Узбекистон дохил мешаванд. Се давлат: Афғонистон, Беларус ва Муғулистон мақоми нозирро дар назди Созмони ҳамкории Шанхай доранд. 14 мамлакат, аз ҷумла Озарбойҷон, Арманистон, Баҳрайн, Миср, Камбоҷа, Қатар, Кувайт, Малдив, Мянма, Непал, АМА, Арабистони Саудӣ, Туркия ва Шри-Ланка шарикони муколамаи Созмони ҳамкории Шанхай мебошанд.
Ҳамчунин дар Бишкек ҷаласаи Шурои Сарони ҳукуматҳо-сарвазирони давлатҳои аъзои Иттиҳоди Давлатҳои Мустақил баргузор мегардад, ки дар он ҳайати Ҷумҳурии Тоҷикистон таҳти роҳбарии Сарвазири мамлакат Қоҳир Расулзода иштирок менамояд.
Тибқи нақша, имрӯз дар шаҳри Бишкек ҳамчунин ҷаласаи муштараки Шурои Сарони ҳукуматҳо-сарвазирони ИДМ ва Шурои байниҳукуматии Авруосиё баргузор мешавад.
АКС аз манбаъҳои боз
Донишгоҳи сулҳи СММ саҳми Президенти Тоҷикистон Эмомалӣ Раҳмонро дар сулҳ, рушди устувор ва ҳамкории минтақавӣ қадрдонӣ намуд
Тшилидзи Марвала: «Пешсафии Эмомалӣ Раҳмон дар соҳаи энергияи «сабз» ҷомеаи ҷаҳонро илҳом мебахшад»
РАВАНДИ ОБИ ДУШАНБЕ. Пойтахти Тоҷикистон ба маркази байналмилалии муколамаи глобалӣ оид ба масъалаҳои об табдил меёбад
Ҳамкории мутақобилан судманди Тоҷикистону Корея дар соҳаи маъданҳои муҳим баррасӣ гардид
Сироҷиддин Муҳриддин бо як гурӯҳ аз сафирони давлатҳои иштирокдори САҲА мулоқот намуд
Сарвазири Тоҷикистон Қоҳир Расулзода дар ҷаласаи Шурои сарони ҳукуматҳои кишварҳои иштирокдори ИДМ иштирок намуд
Президенти Туркманистон Сердар Бердимуҳамедов бо Сарвазири Тоҷикистон Қоҳир Расулзода мулоқот намуд
Сафири Тоҷикистон Зубайдулло Зубайдзода бо Валиаҳди Давлати Кувайт мулоқот намуд
Раванди татбиқи лоиҳаҳои Швейтсария дар Тоҷикистон баррасӣ гардид
Рӯзҳои фарҳанги Тоҷикистон дар Қирғизистон ба анҷом расиданд
Дар Женева мулоқоти Шараф Шерализода бо сафирони кишварҳои хориҷӣ доир гардид
Сироҷиддин Муҳриддин бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ мулоқот намуд
