Бахшида ба Рӯзи омӯзгорон дар Истаравшан синфхонаҳои иловагӣ ба истифода дода шуданд
ДУШАНБЕ, 01.10.2023. /АМИТ «Ховар»/. Бахшида ба Рӯзи омӯзгорон дар деҳаи Қалъачаи Калони шаҳри Истаравшан 4 синфхонаи иловагии муассисаи таҳсилоти миёнаи умумии №7 ба номи Мирзиё Ҳабибов мавриди баҳрабардорӣ қарор дода шуд. Дар ин хусус ба АМИТ «Ховар» дар маркази матбуоти Раиси шаҳри Истаравшан хабар доданд.
Синфхонаҳо дорои шароити муосир ва муҷаҳҳаз бо ҳама намуди ашёи таълимӣ буда, сохтмони он моҳи июни соли 2023 оғоз гардида, бо дастгирии мақомоти иҷроияи ҳокимияти давлатии шаҳр, сокинони деҳаи Қалъачаи Калон, дастгирии соҳибкорон ва кумитаи падарону модарон бунёд ёфт. Синфхонаҳои мазкур дар ду баст 240 нафар хонандаро ба таълим фаро мегиранд.
Масоҳати умумии муассиса 4 гектарро ташкил дода, аз 3 бино ва 45 синфхонаи калону барҳаво иборат мебошад.
Дар муассисаи мазкур 74 нафар омӯзгорон фаъолият бурда, аз ин теъдод 34 нафарашонро занҳо мебошанд. Дар мактаб 1474 нафар толибилмон (767 нафар духтар) таҳсил менамоянд.
Бо мавриди истифода қарор гирифтани чор синфхонаи иловагӣ мушкилии ҷойи нишаст дар ин муассисаи таълимӣ бартараф гардид.
Раиси шаҳри Истаравшан ба ташаббускорону саҳмгузорон арзи сипос намуда, ҷиҳати баланд бардоштани сифати таълиму тарбия ва омода намудани хонандагон ба озмуну олимпиадаҳои сатҳи ҷумҳуриявӣ ва байналмиллалӣ дастур дод.
АКС: Маркази матбуоти раиси шаҳри Истаравшан
ИСТИҚЛОЛИ ДАВЛАТӢ ВА РУШДИ ИЛМУ МАОРИФ ДАР ТОҶИКИСТОН. Таҳти чунин унвон конференсияи илмӣ-назариявӣ доир шуд
Дурнамои ҳамкории Донишгоҳи байналмилалии сайёҳӣ ва соҳибкории Тоҷикистон бо Бонки Осиёии Рушд баррасӣ гардид
САНАИ САРНАВИШТСОЗИ МИЛЛАТ. Эҳдо ба 35–солагии Истиқлоли давлатии Тоҷикистон
Хонандагони Тоҷикистон дар Олимпиадаи байналмилалии муҳандисӣ-кайҳонӣ сазовори ҷойи дуюм шуданд
ИСТИҚЛОЛИЯТ ВА РУШДИ МАОРИФ. Барои рушди ин соҳа дар Бадахшон зиёда аз 422 миллион сомонӣ пешбинӣ шудааст
ИСТИҚЛОЛИЯТ ВА РУШДИ МАОРИФ. Ҳаҷми маблағгузории соҳаи маориф давоми 25 соли охир 224 баробар зиёд гардид
Дар Сеул оид ба сиёсати рушди сармояи инсонӣ дар соҳаи зеҳни сунъӣ форуми байналмилалӣ доир гардид
Байни Вазорати маориф ва илм ва Маркази байналмилалии иртиботи фарҳангии Малайзия Ёддошти тафоҳум ба имзо расид
Маркази барномаҳои байналмилалӣ қабули ҳуҷҷатҳои довталабонро ба донишгоҳҳои Узбекистон оғоз намуд
ИСТИҚЛОЛИЯТ ВА РУШДИ МАОРИФ. Дар вилояти Суғд 767 иншооти соҳаи маориф ба истифода дода шудааст
Дар муассисаҳои таҳсилоти миёнаи умумии Тоҷикистон зиёда аз 1 миллион китоби узбекӣ мавҷуд аст
СОЛИ ОБОДОНИЮ СОЗАНДАГӢ. Дар шаҳри Норак бинои нави муассисаи таълимӣ сохта мешавад
