Дар Душанбе мусобиқаҳои варзишӣ оид ба бокс ва варзиши сабук доир мегарданд
ДУШАНБЕ, 25.10.2023. /АМИТ «Ховар»/. 27-28 октябр дар шаҳри Душанбе мусобиқаҳои варзишӣ оид ба бокс ва варзиши сабук доир мегарданд. Дар ин хусус ба АМИТ «Ховар» дар шуъбаи иттилоотии дастгоҳи Раиси шаҳри Душанбе хабар доданд.
27 октябр, соати 19:00 дар Муассисаи давлатии «Қасри теннис ва маҷмааи варзиши обӣ»-и Мақомоти иҷроияи ҳокимияти давлатии шаҳри Душанбе мусобиқаи варзишӣ оид ба бокс ва 28 октябр, соати 11:00 мусобиқаи варзишӣ оид ба варзиши сабук аз Муассисаи давлатии «Майдони Истиқлол» то пули қаторгузари назди Муассисаи давлатии «Наврӯзгоҳ»-и Мақомоти иҷроияи ҳокимияти давлатии шаҳри Душанбе ва бозгашт то макони оғоз доир мегарданд.
Бо ин мақсад имрӯз дар шаҳри Душанбе ҷаласаи кумитаи тадорукот оид ба баргузории мусобиқаҳо бо иштироки муовини Раиси шаҳри Душанбе Дилбар Одилзода, роҳбарони сохторҳои шаҳрию ҷумҳуриявӣ, намояндагони федератсияҳои варзишӣ ва дигар масъулини соҳаи варзиши шаҳрию ҷумҳуриявӣ доир шуд.
Мусобиқаҳо аз ҷониби Мақомоти иҷроияи ҳокимияти давлатии шаҳри Душанбе дар ҳамоҳангӣ бо Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Федератсияи бокси Тоҷикистон баргузор мегарданд.
Мусобиқаи варзишӣ оид ба варзиши сабук марҳилаи якум байни кӯдакон, дар масофаи 500 метр, марҳилаи дуюм байни дӯстдорони варзиш дар масофаи 5 км ва марҳилаи сеюм байни варзишгарони касбӣ дар масофаи 10 км дар 5 номинатсия доир мегардад.
Ғолибон ва ҷоизадорони он бо мукофотҳои арзишманди молиявии аз 7 000 то 50 000 сомонӣ сарфароз гардонида мешаванд, ки дар маҷмуъ 2 миллион сомониро ташкил медиҳад.
АКС: Шуъбаи иттилоотии дастгоҳи Раиси шаҳри Душанбе
НИШАСТИ МАТБУОТӢ. Соли 2024 ҳаҷми истеҳсоли маҳсулоти саноатӣ дар шаҳри Душанбе ба 5,2 миллиард сомонӣ баробар гардид
Корхонаҳои саноатии ноҳияи Исмоили Сомонии пойтахт ба маблағи беш аз 1 миллиард сомонӣ маҳсулот истеҳсол намуданд
НИШАСТИ МАТБУОТӢ. Дар ноҳияи Сино 7 коргоҳу корхонаи саноатӣ бунёд мешавад
«НАВРӮЗИ ДУШАНБЕ – МЕҲВАРИ РОБИТАҲОИ ФАРҲАНГИЮ САЙЁҲӢ». Таҳти ин унвон 20 март дар пойтахти Тоҷикистон Форуми IV байналмилалӣ баргузор мешавад
«ҶОМИ РАИСИ ШАҲРИ ДУШАНБЕ». Мусобиқаи кушоди варзишӣ оид ба волейбол байни духтарон доир мешавад
НИШАСТИ МАТБУОТӢ. Роҳи автомобилгарди маҳаллаҳои Чимтеппа, Дарёобод ва Сарикиштии ноҳияи Фирдавсӣ пурра таъмир гардид
Оид ба рушди бонизоми зеҳни сунъӣ конференсияи илмӣ-назариявӣ доир гардид
Олимпиадаи V даставии хонандагони муассисаҳои шаҳри Душанбе аз фанни технология баргузор мегардад
Дар Душанбе Рӯзи Қувваҳои Мусаллаҳи Ҷумҳурии Тоҷикистон дар сатҳи баланд таҷлил мешавад
Доир ба татбиқи «Ҷадвали тақвими чорабиниҳои Иди байналмилалии Наврӯз дар шаҳри Душанбе барои соли 2025» ҷаласа баргузор шуд
МАРОМНОМАИ СОКИНИ ПОЙТАХТ. Муҳаббатамонро ба шаҳри Душанбе — муаррифи таъриху фарҳанги миллат бо рафтори намунавӣ собит намоем
«САЙРИ САДА». Дар Душанбе таҳти ин унвон барои иштирокдорон ва меҳмонони хориҷӣ хатсайрҳои сайёҳӣ ташкил гардид
