Дар Марокаш ҳамкории Бонки миллии Тоҷикистон бо Корпоратсияи байналмилалии молиявӣ баррасӣ шуд
ДУШАНБЕ, 16.10.2023. /АМИТ «Ховар»/. Дар ҳошияи ҷаласаҳои солонаи Хазинаи байналмилалии асъор ва Гурӯҳи Бонки ҷаҳонӣ Раиси Бонки миллии Тоҷикистон Ҳоким Холиқзода ва Вазири молияи Ҷумҳурии Тоҷикистон Файзиддин Қаҳҳорзода дар Шоҳигарии Марокаш бо ноиби Президенти минтақавии Корпоратсияи байналмилалии молиявӣ (IFC) хонум Ҳела Шейхрухоу мулоқот намуданд. Дар ин хусус ба АМИТ «Ховар» дар Бонки миллии Тоҷикистон хабар доданд.
Дар оғози мулоқот ба роҳбарияти Корпоратсияи байналмилалии молиявӣ барои ҳамкории пурсамар миннатдорӣ баён гардид. Тазаккур дода шуд, ки Корпоратсияи байналмилалии молиявӣ яке аз шарикони боэътимоди Бонки милли Тоҷикистон ба ҳисоб рафта, бо кумакҳои техникӣ ба Бонки миллии Тоҷикистон дар самтҳои баланд бардоштани сатҳи идоракунии корпоративии бахши бонкдории мамлакат, ҳифзи ҳуқуқи истеъмолкунандагон, такмили заминаи меъёрии ҳуқуқӣ, мусоидат ба рушди низоми муосири бонкдорӣ ва хизматрасонии молиявии рақамӣ нақши муҳим мебозад.
Ҳамзамон дар идома иброз гардид, ки Бонки миллии Тоҷикистон якҷо бо Корпоратсияи байналмилалии молиявӣ дар самти таҳияи Стратегияи миллии фарогирии молиявӣ барои солҳои 2022-2026 корҳои зиёди қобили таваҷҷуҳро анҷом додаанд.
Дар фарҷом ҷонибҳо изҳори умедворӣ намуданд, ки ҳамкорӣ байни Бонки миллии Тоҷикистон ва Корпоратсияи байналмилалии молиявӣ минбаъд низ инкишоф ва густариш меёбад.
АКС: Бонки миллии Тоҷикистон
Дар ноҳияи Хуросон ҷамъоварии пахта идома дорад
Эъломияи Сеул ҳамкории давлатҳои Осиёи Марказӣ ва Кореяро дар соҳаи зеҳни сунъӣ тақвият медиҳад
Байни Бонки миллии Тоҷикистон ва Воҳиди кашшофии молиявии Ҷумҳурии Корея санади ҳамкорӣ ба имзо расид
Дар Душанбе ҷаласаи навбатии роҳбарони мақомоти зиддиинҳисории давлатҳои аъзои СҲШ доир гардид
Содироти молу маҳсулот аз Тоҷикистон ба Корея баррасӣ гардид
Ҷаласаи 25-уми вазирони масъули фаъолияти иқтисод ва савдои хориҷии Созмони ҳамкории Шанхай доир шуд
Дар хоҷагиҳои шаҳри Турсунзода ҷамъоварии ҳосили пахта оғоз гардид
Бо имзои санади ҳамкорӣ Тоҷикистон ва Корея ҳамкориро дар соҳаи роҳи оҳан таҳким мебахшанд
Ҳамкории Тоҷикистон бо Бонки аврупоии таҷдид ва рушд баррасӣ шуд
Ёддошти тафоҳум оид ба ҳамкорӣ дар самти муқовимат ба коррупсия байни Тоҷикистон ва Корея ба имзо расид
Ҳайати Тоҷикистон дар Конфронси СҲШ таҷрибаи истифодаи самараноки захираҳои минералиро муаррифӣ менамояд
Байни Тоҷикистон ва Корея Ёддошти тафоҳум дар соҳаи моликияти зеҳнӣ ба имзо расид
