Дар нуҳ моҳ дар Тоҷикистон зиёда аз 7 ҳазор ҳолати вайронкунии қонунгузории замин дар маҳал бартараф шуд
ДУШАНБЕ, 13.10.2023 /АМИТ «Ховар»/. Дар нуҳ моҳи соли равон нозирони Кумитаи давлатии идораи замин ва геодезии Ҷумҳурии Тоҷикистон ва мақомоти он дар маҳал 10 ҳазору 679 ҳолати вайронкунии қонунгузории заминро ошкор намуд. Барои бартараф намудани онҳо 9 ҳазору 494 дастур дода шуд ва нисбат ба 9 ҳазору 265 ҳолат парвандаи маъмурӣ тартиб дода шудааст. Барои додани баҳои ҳуқуқӣ 724 мавод ба прокуратура, 483 мавод барои ба таври маҷбурӣ ситонидани маблағи ҷаримаҳо ба Хадамоти иҷро ирсол ва 7 ҳазору 519 ҳолати вайронкунии қонунгузории замин дар маҳал бартараф гардид. Тавре АМИТ «Ховар» иттилоъ медиҳад, дар ин хусус 11 октябр зимни ҷаласаи ҳайати мушовараи Кумитаи давлатии идораи замин ва геодезии Ҷумҳурии Тоҷикистон хабар дода шуд.
Дар ин давра аз ҷониби нозирони Кумитаи давлатӣ 13 ҳолати қабули қарорҳои ғайриқонунии раисони шаҳру ноҳияҳои Хуҷанд, Варзоб, Кӯшониён, Панҷ, Ёвон ва Варзоб вобаста ба замин ошкор шуда, барои бекор намудани онҳо ва ба талаботи қонунгузорӣ мутобиқ намудани қарорҳои қабулгардидаи раисони шаҳру ноҳияҳои мазкур пешниҳодҳои дахлдор ирсол гардиданд. Илова бар ин дар ноҳияи Ҷаббор Расулов 46 ҳолати вайронкунии қонунгузории замин ошкор ва парвандаҳои маъмурӣ тартиб дода шуд.
Дар нуҳ моҳи соли 2023 аз ҷониби корхонаҳои минтақавии бақайдгирӣ 27 ҳазору 373 ҳуқуқи истифодаи қитъаҳои замин ба қайди давлатӣ гирифта шудааст.
Аз ҷониби Кумитаи давлатии идораи замин ва геодезӣ бахшида ба 35-солагии Истиқлолияти давлатӣ ҳоло бунёди бинои маъмурӣ дар ноҳияи Айнӣ пурра ба анҷом расида, барои истифода омода мебошад. Корҳои сохтмонии бинои маъмурӣ дар ноҳияи Варзоб низ идома дошта, сохтмони бинои маъмурии кумитаи идораи замин ва КДФ «Бақайдгирии молу мулки ғайриманқул» дар ноҳияи Ховалинг оғоз шудааст.
АКС: Кумитаи давлатии идораи замин ва геодезии Ҷумҳурии Тоҷикистон
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
РУШДИ ИҚТИСОДИ МИЛЛӢ. Дар нуҳ моҳи соли 2026 8,3 фоиз таъмин гардид
Олимони тоҷик парвариши гандуми тирамоҳӣ ва пахтаро дар шароити тағйирёбии иқлим баррасӣ намуданд
Ҷалби сармоя барои татбиқи лоиҳаҳои афзалиятноки Тоҷикистон дар Бангкок баррасӣ гардид
«СОҲИБКОРИИ ЗАНОН: ИМКОНИЯТҲО, НАВОВАРӢ ВА РУШДИ УСТУВОР».Таҳти ин унвон ҳамоиш баргузор шуд
Дар мавзуи дастгирии соҳибкорӣ дар 35 соли Истиқлоли давлатӣ ҳамоиш баргузор шуд
Дар Рим имкониятҳои содиротии маҳсулоти кишоварзии Тоҷикистон муаррифӣ гардиданд
