Даромади пулии аҳолӣ дар Тоҷикистон аз 41,1 миллиард сомонии соли 2018 ба 95,1 миллиард сомонӣ дар соли 2022 расонида шуд
ДУШАНБЕ, 26.10.2023 /АМИТ «Ховар»/. Агентии омори назди Президенти Ҷумҳурии Тоҷикистон иттилоъ медиҳад, ки дар панҷ соли охир рушди миёнасолонаи иқтисодиёти мамлакат дар сатҳи 7,4 фоиз таъмин гардида, маҷмуи маҳсулоти дохилии ҷумҳурӣ аз 71,1 миллиард сомонии соли 2018 то 115,7 миллиард сомонӣ дар соли 2022 ва даромади буҷети давлатӣ аз 23,9 миллиард сомонӣ ба 36,1 миллиард сомонӣ расонида шуд.
Маҷмуи маҳсулоти дохилӣ қариб 1,6 баробар ва буҷети давлатӣ 1,5 баробар зиёд гардида, ҳаҷми маҷмуи маҳсулоти дохилӣ ба ҳар нафар аҳолӣ беш аз 1,5 баробар афзоиш ёфт.
Ҳамзамон дар ин давра сатҳи некуаҳволии мардум тадриҷан баланд шуда, даромади пулии аҳолӣ аз 41,1 миллиард сомонии соли 2018 ба 95,1 миллиард сомонӣ дар соли 2022 расонида шуд, яъне он 2,3 баробар зиёд гардид. Музди миёнаи меҳнат дар ҷумҳурӣ 1,4 баробар афзоиш ёфт. Дар натиҷа сатҳи камбизоатӣ аз 27,4 фоизи соли 2018 то 22,5 фоиз дар соли 2022 коҳиш дода шуд. Дарозумрии эҳтимолии аҳолӣ дар мавриди таваллуд дар ин давра аз 74,9 сол то 76,3 сол баланд гардидааст, ки 1,4 сол зиёд мебошад.
Дар соҳаи маориф теъдоди муассисаҳои таҳсилоти томактабӣ аз 615 адади соли 2018 то 707 адад дар соли 2022 расонида шуда, шумораи кӯдакони муассисаҳои томактабӣ аз 93,1 ҳазор нафар ба 102,5 ҳазор нафар ё 10,1 фоиз зиёд гардидааст. Шумораи муассисаҳои таҳсилоти миёнаи умумӣ аз 3870 адади соли 2018 ба 3967 адад дар соли 2022 расида, шумораи хонандагон аз 1906,3 ҳазор нафар то 2232,1 ҳазор нафар ё 17,1 фоиз зиёд гардид.
Дар соҳаи тандурустӣ шумораи духтурони ҳамаи ихтисосҳо аз 18 716 нафар то 20 100 нафар, яъне 7,4 фоиз зиёд гардидааст. Шумораи кормандони миёнаи тиббӣ аз 51788 нафар то 58600 нафар зиёд гардидааст, ки 13,2 фоизро ташкил медиҳад.
Ноил гардидан ба ин нишондиҳандаҳо дар муддати кӯтоҳ воқеан дастоварди беназири сиёсати Ҳукумати мамлакат, хосса Пешвои миллат муҳтарам Эмомалӣ Раҳмон мебошад.
АКС: Агентии омори назди Президенти Ҷумҳурии Тоҷикистон
РАВАНДИ ОБИ ДУШАНБЕ. Президенти Тоҷикистон пешниҳод намуданд, ки «Чаҳорчӯби Душанбе барои об» таъсис дода шавад
Ҳоким Холиқзода бо муовини якуми Президенти Бонки аврупоии таҷдид ва рушд Марк Боуман мулоқот намуд
Кормандони Агентии авиатсияи гражданӣ дар Осорхонаи миллӣ бо мероси таърихию фарҳангии ниёгон шинос шуданд
Ҳайати Тоҷикистон дар Форуми байналмилалии M360 Eurasia 2026 масъалаҳои рушди рақамиро баррасӣ намуд
Тоҷикистон тасмим гирифтааст, ки то соли 2040 дастрасии ҳадди ақалл 90 фоизи аҳолиро ба оби мутамарказ таъмин намояд
Татбиқи лоиҳаҳои иҷтимоию иқтисодӣ дар Тоҷикистон бо Бонки аврупоии таҷдид ва рушд баррасӣ гардид
Эмомалӣ Раҳмон: «Тоҷикистон тасмим гирифтааст, ки то соли 2040 рақамикунонии мудирияти захираҳои обро то 80 фоиз афзоиш диҳад»
РАВАНДИ ОБИ ДУШАНБЕ. Дар намоишгоҳи байналмилалӣ иқтидори обию энергетикӣ ва шаҳсозии Тоҷикистон муаррифӣ гардид
РАВАНДИ ОБИ ДУШАНБЕ. Дар Душанбе таҳти унвони «Об — манбаи ҳаёти инсоният» Фестивали об ва барномаи фарҳангӣ доир шуд
Имконоти иқтисодии Тоҷикистон бо ҳайати намояндагони ширкатҳои байналмилалии молиявӣ баррасӣ шуд
РАВАНДИ ОБИ ДУШАНБЕ. Форуми ҳамоҳангсозии Осиёи Марказӣ оид ба мониторинг, арзёбӣ ва моделсозии пешгӯии пиряхҳо ва криосфера баргузор гардид
РАВАНДИ ОБИ ДУШАНБЕ. Устувории низомҳои озуқаворӣ дар давраи камбуди ҷаҳонии об дар Душанбе баррасӣ гардид
