Директори Агентии содироти Тоҷикистон бо намояндагони Бонки ҷаҳонӣ мулоқот намуд
ДУШАНБЕ, 03.10.2023 /АМИТ «Ховар»/. Вазъи кунунӣ ва дурнамои муносибатҳои муштарак оид ба рушди содироти молу маҳсулоти истеҳсоли Ҷумҳурии Тоҷикистон ва ворид гардидани он ба бозори ҷаҳонӣ тавассути тиҷорати электронӣ, таҳкиму густариши минбаъдаи ҳамкорӣ дар соҳаи маркетинг ва логистика зимни мулоқоти Директори Агентии содироти назди Ҳукумати Ҷумҳурии Тоҷикистон Баҳриддин Сироҷиддинзода ва намояндагони Бонки ҷаҳонӣ оид ба лоиҳаи тиҷорати электронӣ Оберт Пимхидзай ва Чию Нию мавриди баррасӣ қарор дода шуд.
Тавре ба АМИТ «Ховар» дар Агентии содирот хабар доданд, дар вохӯрӣ ҳамзамон масъалаи ташкили марказҳои логистикӣ дар самти банду баст, коркард, захира, нигоҳдорӣ ва содироти маҳсулот ба хориҷи мамлакат баррасӣ шуд. Вобаста ба ин масъала Директори Агентӣ гуфт, ки дар самти ҳалли масъалаҳои логистикӣ тадбирҳои зарурӣ андешида шуда, барои таъсиси марказҳои логистикӣ сармоягузории хориҷӣ зарур мебошад.
Ҷонибҳо оид ба намудҳои механизмҳои истифодашаванда дар раванди ҷамъоварии ҳосил, масоили ҷойдошта дар ҷараёни содироти маҳсулоти кишоварзӣ, самтҳои ҳамкорӣ ва нақшаҳои оянда баҳри рушди содироти меваҳои тару тоза, аз ҷумла лимӯ, гелос ва ангур ба Ҷумҳурии Мардумии Чин тавассути тиҷорати электронӣ ибрози андеша намуданд.
Намояндагони Бонки ҷаҳонӣ омодагии худро дар самти ҳамкорӣ бо Агентии содирот ҷиҳати дастгирӣ намудани пешниҳодҳои агентӣ баён доштанд.
АКС: Агентии содироти назди Ҳукумати Ҷумҳурии Тоҷикистон
Дар Душанбе дурнамои тақвияти ҳамкории Тоҷикистон бо БАТР баррасӣ гардид
Дар Душанбе оид ба сохтмони корхонаи «энергия аз партовҳо» вохӯрӣ доир шуд
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
Дар мулоқоти вазирони энергетика ва оби Тоҷикистон ва Либия натиҷаҳои Конфронси сатҳи баланди оби Душанбе баррасӣ шуданд
Гурӯҳи кории Хадамоти зиддиинҳисорӣ барои танзими нархи семент дар бозорҳои ҷумҳурӣ санҷиш гузаронид
Ғолибони Озмуни ҷумҳуриявӣ таҳти унвони «Ҷавонон– муқобили коррупсия» қадрдонӣ карда шуданд
Дар Остона ҷаласаи 12-уми Шурои сиёсати саноатии кишварҳои аъзои ИДМ баргузор гардид
РӮЗИ БАЙНАЛМИЛАЛИИ КАРТОШКА. Ин зироат аз ҳисоби ҳаҷми умумии истеҳсол дар ҷаҳон ҷои сеюмро ишғол менамояд
Тоҷикистон лоиҳаи бунёди корхонаи коркарди партовҳои сахти маишӣ ва истеҳсоли неруи барқро аз ҳисоби партовҳо амалӣ менамояд
Гардиши савдо байни Тоҷикистон ва Эрон қариб 9 миллион доллар афзоиш ёфтааст
Ҳайати Тоҷикистон дар ҷаласаи вазирони молия ва раисони бонкҳои марказии давлатҳои аъзои СҲШ иштирок намуд
