Пагоҳ дар Тоҷикистон Рӯзи соҳибкорон таҷлил мегардад
ДУШАНБЕ, 13.10.2023 /АМИТ «Ховар»/. 14 октябр дар Ҷумҳурии Тоҷикистон Рӯзи соҳибкорон таҷлил мегардад. Бахшида ба ин сана пагоҳ дар Душанбе бо иштироки соҳибкорон ва мақомоти марбутаи мамлакат ҷамъомади тантанавӣ баргузор мегардад. Дар ин хусус ба АМИТ «Ховар» дар Кумитаи давлатии сармоягузорӣ ва идораи амволи давлатии Ҷумҳурии Тоҷикистон иттилоъ доданд.
Бояд тазаккур дод, ки дар солҳои Истиқлолияти давлатии Ҷумҳурии Тоҷикистон Ҳукумати мамлакат, хосса Пешвои миллат муҳтарам Эмомалӣ Раҳмон ба рушду пешрафти соҳибкорӣ таваҷҷуҳи махсус зоҳир намуда, тадбирҳои муассир андешиданд.
Соҳибкорӣ барои баланд бардоштани самаранокии истеҳсолӣ, суботи молиявӣ, бо ҷойи кор таъмин намудани аҳолӣ, афзун намудани бозори истеъмолӣ ва дар маҷмуъ- рушди иқтисодиёти мамлакат муҳим арзёбӣ мегардад. Соҳибкорони тоҷик бо меҳнати бунёдкорона дар рушди тамоми соҳаҳои ҳаёти мамлакат, хусусан бунёди инфрасохтори наву замонавӣ дар соҳаҳои афзалиятноки иқтисоди мамлакат, аз ҷумла, маориф, тандурустӣ ва ҳифзи иҷтимоӣ нақши муассир мегузоранд.
Дар замони соҳибистиқлолӣ бо талошҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Тоҷикистон ҷиҳати таъмини рушди босуботи фаъолияти соҳибкорӣ ва бахши хусусӣ як силсила ислоҳоти муҳим ва ҷиддӣ амалӣ шуда, Ҳукумати мамлакат баҳри фаъолияти самараноки соҳибкорон фазои озоди иқтисодӣ ва мусоиди соҳибкорӣ фароҳам овард. Яке аз иқдомҳои Сарвари давлат эълон гардидани мораторий ба ҳама намуди санҷишҳои фаъолияти субъектҳои соҳибкорӣ мебошад.
Инчунин дар доираи мукаммалсозии инфрасохтори соҳибкорӣ бо ташаббуси Президенти Ҷумҳурии Тоҷикистон муҳтарам Эмомалӣ Раҳмон дар ҷумҳурӣ Шурои машваратии назди Президенти Ҷумҳурии Тоҷикистон оид ба беҳтар намудани фазои сармоягузорӣ ҳамчун майдони муҳими муколама байни давлат ва бахши хусусӣ фаъолият менамояд, ки ба рушди соҳибкорӣ такони ҷиддӣ мебахшад.
Марзия САИДЗОДА,
АМИТ «Ховар»
АКС: АМИТ «Ховар»
Кишоварзони Тоҷикистон беш аз 614 ҳазор тонна гандум ҷамъоварӣ намуданд
Дар ноҳияи Вахш ҷамъоварии ангур идома дорад
Дар вилояти Суғд беш аз 1300 корхонаи саноатӣ фаъолият менамоянд
Раванди татбиқи лоиҳаи «Сохтмони лӯлаи газгузари Тоҷикистон-Чин, қисмати Д» баррасӣ гардид
БАРНОМАИ РУШДИ ПАРВАРИШИ ПАВЛОВНИЯ. Дар 72,5 гектар плантатсияҳои дарахти павловния бунёд карда шуданд
Дар хоҷагиҳои пахтакори ноҳияи Рӯдакӣ ҷамъоварии пахта оғоз гардид
Муовини Сарвазири Тоҷикистон бо корҳои кишоварзӣ дар шаҳри Ҳисор шинос шуд
Дар ноҳияҳои вилояти Хатлон ҷамъоварӣ ва коркарди пахта идома дорад
Бо иштироки муовини Сарвазири Тоҷикистон дар Шаҳринав ҷамъоварии пахта оғоз гардид
Дар Минск ҳамкории мақомоти дахлдори Тоҷикистон ва Русия дар самти муқовимат ба коррупсия баррасӣ шуд
Парвозҳои ҳавоӣ байни Душанбе ва Давҳа барқарор мегарданд
Дар Душанбе Конфронси панҷуми байналмилалии роҳдории Осиёи Марказӣ баргузор мегардад
